Kpojemi 11:6 - BAIBLO ALOO NGMAMI KLƆUKLƆU Ɔ

⁶ Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Somi He Ɔ

⁶ Nimli nɛ ɔmɛ ngɛ he blɔ kaa sa ngaa hiɔwe nya konɛ hiɔmi ko nɛ ngɛ a gbami ligbi ɔmɛ a mi; nɛ a ngɛ he blɔ hulɔ ngɛ nyu ɔmɛ a nɔ kaa a haa a plɛɔ peɔ muɔ, nɛ a kɛ haomi haoɔ zugba a si abɔ nɛ a suɔ.

Kpojemi 11:6 Cross References

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Samuel I, 4:8

Wa yi ta! Mɛnɔ ma kpɔ wɔ kɛ je kikɛmɛ a mawu kpetekpleenyɛ nɛ ɔmɛ a dɛ mi? Mɛ ji mawuhi nɛ kɛ haomi slɔɔtohi gba Egipt bi ɔmɛ a nya ngɛ nga a nɔ ɔ nɛ!

Kpojemi 8:8

Kɛkɛ nɛ bɔfo enyɔne ɔ kpa e titimati ɔ, nɛ a sake nɔ́ ko nɛ ngɛ kaa yo nguaa ko nɛ ngɛ tsoe ngɔ fɔ wo ɔ mi. Wo ɔ mi dlami etɛ mi kake plɛ muɔ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Kpojemi 16:3

Bɔfo enyɔne ɔ plɛ e kplu ɔ mi nɔ́ ɔ ngɔ pue wo mi. Nyu ɔ pee kaa nɔ gbogboe muɔ, nɛ nɔ́ tsuaa nɔ́ nɛ hɛ ngɛ nɛ ngɛ wo ɔ mi ɔ gbo.

Kpojemi 16:4

Bɔfo etɛne ɔ plɛ e kplu ɔ mi nɔ́ ɔ ngɔ wo pahi, kɛ nyu hɛngmɛhi a mi, nɛ a pee kaa muɔ.