Kpojemi 11:2 - BAIBLO ALOO NGMAMI KLƆUKLƆU Ɔ

² Se kue ɔ nɛ ngɛ sɔlemi we ɔ we agbo ɔ nya a lɛɛ ko susu. Si lɔ ɔ, ejakaa a ngɔ kɛ ha je ma amɛ, nɛ a ma si ako ngɛ ma klɔuklɔu ɔ mi nyɔhiɔ nyingmi eywiɛ kɛ enyɔ.

Somi He Ɔ

² se kpo nɛ ngɛ sɔlemi tsu ɔ agbo ɔ nya a, si kɔlɔ ɔ, nɛ o ko kale, ejakaa a kɛ ha majemaje li ɔmɛ konɛ a naa ma klɔuklɔu ɔ nɔ hlami nyingmi eywiɛ kɛ enyɔ.

Kpojemi 11:2 Cross References

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Mateo 27:53

A je kpo kɛ je a yɔkɔ ɔmɛ a mi, nɛ benɛ Yesu te si kɛ je gbeje se ɔ, a pue nɔ kɛ ho ma klɔuklɔu ɔ mi ya nɛ nihi babauu na mɛ.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Mateo 4:5

Jehanɛ ɔ, Abosiami ngɔ Yesu kɛ ya Yerusalem, ma klɔuklɔu ɔ mi, nɛ e kɛ lɛ ya da sɔlemi we ɔ yi mi ploplooplo,

Daniel 8:10

E he wami ɔ ba pue nɔ; e kɛ hiɔwe tabo nɛ ji dodoe ɔmɛ nitsɛnitsɛ hwu ta, nɛ e hɛ ekomɛ ngɔ pue zugba, nɛ e naa a nɔ.

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Daniel 7:19

I bi lohwe eywiɛne ɔ he sane pɔtɛɛ. Slo lohwe nɛ ɔ ngɛ ekpa amɛ tsuo a he; lɛɛ e he ngɛ gbeye saminya. Lohwe nɛ ɔ kɛ e dade lungu ɔmɛ, kɛ akɔblee nguɛ ɔmɛ tsɔtslɔɔ lohwehi a mi kpɔ nya kpɔ nya nɛ e yeɔ, nɛ ní nɛmɛ nɛ piɛ ɔ lɛɛ e naa a nɔ.

Kɔmɔ Yemi 1:10

E he nyɛli ɔmɛ kpɔ e june ní tsuo ngɛ e dɛ. E ngɛ he nyɛli ɔmɛ hyɛe kikɛ nɛ ɔ nɛ a bu kɛ sɛ sɔlemi we ɔ mi nitsɛnitsɛ. He nɛ mlaa ngmɛ́ ma je li blɔ nɛ a ya a po, a sɛ lejɛ ɔ.

Yesaya 48:2

Nyɛ siɔ nyɛ gugue, nɛ nyɛ deɔ ke ma klɔuklɔu ɔ mi bi ji nyɛ; nyɛ deɔ hu ke Israel Mawu nɛ e biɛ ji Yawɛ Tabohiatsɛ ɔ nɔ nyɛ ngɔ nyɛ hɛ ngɔ fɔ.

La 79:1

Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Ezekiel 4:6

Ke o gbe enɛ ɔmɛ a nya a, kpale nɛ o hwɔ o hiɔ nɔ, nɛ o tloo Yuda ma a hu a he yayami ɔmɛ ligbi nyingmi eywiɛ. Ligbi kake tue gblami daa si ha jeha kake nɔ́.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Daniel 8:14

I nu nɛ kaketsɛ ɔ ha lɛ heto ke, “Nɔ́ nɛ ɔ maa ya nɔ ligbi akpe kɛ e nya lafa etɛ sɔuu. Jamɛ a be ɔ mi ɔ, a be mɔtu kɛ gbɔkuɛ bɔhi sãe. Lɔ ɔ se loko a ma bɔni ní tsumi ngɛ Yawɛ we ɔ ekohu kaa sa a.”

Kpojemi 21:10

Kɛkɛ nɛ mumi ɔ ba ye nɔ, nɛ bɔfo ɔ ngɔ mi kɛ ho yo gagaa ko yi mi ya. E tsɔɔ mi Yerusalem, ma klɔuklɔu ɔ nɛ je hiɔwe ngɛ Mawu ngɔ kɛ ma zugba a;