Kpojemi 1:17 - BAIBLO ALOO NGMAMI KLƆUKLƆU Ɔ

¹⁷ Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Somi He Ɔ

¹⁷ Nɛ benɛ i na lɛ ɔ, i nɔ si ngɛ e nane nyɛ kaa nɔ gbogboe; nɛ e kɛ e hiɛ ɔ nine fɔ ye nɔ, nɛ e de mi ke: “Koo ye gbeye; ami ji kekleekle nɔ ɔ kɛ nyagbe nɔ ɔ,

Kpojemi 1:17 Cross References

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Kpojemi 22:13

Imi ji kekleekle no kɛ nyagbe no, sisije kɛ nyagbe!”

Yesaya 41:4

Mɛnɔ ji nɔ nɛ pee enɛ ɔ? Mɛnɔ lɛ tsɛ yi nɔ ɔmɛ tsuo kɛ je sisije? Sisije ɔ, imi Yawɛ, i ngɛ lejɛ ɔ; nɛ nyagbe ɔ hu, imi Yawɛ nɔuu ma hi lejɛ ɔ.

Yesaya 48:12

Yawɛ ke, “Israel, ma nɛ imi nitsɛ i hla, nyɛɛ bu mi tue! Imi ji Mawu, kekleekle nɔ, kɛ nyagbe nɔ; imi nɔ kake too ji Mawu!

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Daniel 10:15

Benɛ e tu munyu nɛ ɔ, i ma ye yi si, nɛ i pee dii.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Mateo 28:4

Gbeye nu ta buli ɔmɛ nɛ ngɛ bue ɔ, nɛ a he do blibliibli, nɛ a pee kaa ni gbogboehi.

Daniel 10:12

Kɛkɛ nɛ e de mi ke, “Daniel, koo ye gbeye. Kɛ je kekleekle ligbi ɔ nɛ o to kaa o maa ba o he si ha o Mawu ɔ, konɛ o nu níhi a sisi ɔ, jamɛ a be ɔ tɔɔ Mawu nu o kue fami ɔ. Nɛ lɔ ɔ he i ba hiɛ ɔ nɛ.

Mose II, 20:20

Mose de ma a ke, “Nyɛ ko ye gbeye; kami kɛkɛ Mawu ma nyɛ kami konɛ nyɛɛ ye lɛ gbeye nɛ nyɛ ko pee yayami.”

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Yohane 21:20

Petro po e he, nɛ e na kaa kaselɔ kaketsɛ ɔ nɛ Nyɔmtsɛ ɔ suɔ ɔ ma ngɛ e se. Jamɛ a nɔ ɔ lɛ hi si ngɛ Yesu kasa nya be nɛ a ngɛ nyagbe ní ɔ yee ɔ nɛ. Lɛ nɛ bi Nyɔmtsɛ ɔ ke mɛnɔ maa tsɔɔ e se blɔ ɔ nɛ.

Yohane 13:23

E kaseli ɔmɛ a ti nɔ kake, nɔ nɛ Yesu suɔ lɛ ɔ, hii si ngɛ e kasa nya.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mateo 14:27

Se amlɔ ɔ, Yesu wo e nya nɔ, nɛ e de mɛ ke, “Nyɛ na tsui, imi! Nyɛ ko ye gbeye!”

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

La 139:5

O ngɔ o he wami kɛ bɔle mi kɛ kpe, nɛ o buɔ ye he.

Kɔmɔ Yemi 3:57

Benɛ i tsɛ mo ɔ, o he nɔ, nɛ o de mi ke ma ko ye gbeye.