Kpojemi 1:15 - BAIBLO ALOO NGMAMI KLƆUKLƆU Ɔ

¹⁵ E nane ngɛ kpɛe kaa ayawa nɛ a tsu he ngɛ flɔɔnɔɔ mi, nɛ e gbi ngɛ pɛe wawɛɛ kaa pa nɛ hia kɛ bee.

Somi He Ɔ

¹⁵ nɛ e nanehi ngɛ kaa ayawa klaiklai nɛ tsu ngɛ flɔnɔɔ mi, nɛ e gbi ngɛ kaa nyu babauu pɛmi.

Kpojemi 1:15 Cross References

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.

Daniel 10:6

E nɔmlɔ tso ɔ ngɛ kpɛe kaa tɛ nɛ he jua wa. E hɛ mi ngɛ kpɛe kaa oslabai nɛ gba, nɛ e hɛngmɛhi ngɛ kaa jatɛ nɛ a su. E kɔnihi kɛ e nanehi ngɛ kpɛe kaa akɔblee nɛ a sa he, nɛ e gbi ngɛ kaa nimli babauu a gbi.

Kpojemi 14:2

Kɛkɛ nɛ i nu gbi ko nɛ ngɛ pɛe ngɛ hiɔwe kaa pa nɛ hia kɛ bee, loo hiɔwe nɛ ngɛ sie wawɛɛ. Gbi nɛ i nu ɔ ngɛ kaa bɔ nɛ ke kpa saku fiali ngɛ saku fiae nɛ e pɛɛ ɔ.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 2:18

“Bɔfo ɔ nɛ ngɛ asafo ɔ nya ngɛ Tiatira a, ngmaa womi nɛ ɔ ya ha lɛ ke, “Mawu Bi ɔ, nɔ nɛ e hɛngmɛ ngɛ kpɛe kaa la, nɛ e nane hu ngɛ kpɛe kaa ayawa nɛ a tsu he ɔ, sɛ gbi nɛ je e ngɔ ji nɛ ɔ nɛ.

La 93:4

Se Yawɛ nɛ ngɛ hiɔwe ɔ he wa kulaa pe wo ɔ nɛ ngɛ pɛe ɔ; Yawɛ he wa kulaa pe wo nɔ oslɔke ɔmɛ.

Ezekiel 1:7

A nanehi ngɛ tlɔmɔtlɔmɔ, nɛ a nane si ngɛ kaa na nane si; nɛ a he ngɛ kpɛe hleii kaa akɔblee nɛ́ a sa he.

Ezekiel 40:3

Mumi ɔ ngɔ mi kɛ ya su ma a he haa; nɛ i na nyumu ko nɛ e he ngɛ kpɛe kaa akɔblee. E hɛɛ nɔ́ susumi kpa, kɛ nɔ́ susumi tso ngɛ e dɛ mi kɛ daa si ngɛ agbo ko nya.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Ezekiel 1:24

Benɛ a te kɛ yaa a, i nu a pɛli ɔmɛ a he kaa wo nɛ ngɛ fiae gudaguda, loo ta buli a ngmlaa hoo, loo Mawu Ope ɔ nitsɛ e gbi. Benɛ hɛ kali ɔmɛ ya da si ɔ, a ba a pɛli ɔmɛ si,

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.