Luke 9:11 - Chin-Cumtu (Sumtu)

¹¹ Seiloeqkhaw khlaung haqloeq yaq sa'taung án ya uk loeq Boiyesuq hnu woeng án toemi pawq. Boi loeqkhaw yaqhniqa doudau haqloeq teq Boipaw khomcaeng klong hau haqloeq teq kaiyaq lataq uk khoeq haqla khaw a'mboei paek haq.

Luke 9:11 Cross References

Luke 1:53

Buq loeq a'boeqisaw haqla a'pawi khoeq ei ok paek haqloeq teq sa'thi haqla a'kut hongoeng a'teiq haq hni.

Luke 5:31

Boiyesuq loeq a'msauki haq ba khoeq teq a'kaiyisaw haqloeq sa'lawon loeyiyaq uk. Kaiyaqsaw haqloeq noeng sa'lawon a'nloeyi.

Luke 8:1

Yaqkiyoeng Boiyesuq khoeq mloeqak kiloeq mloeqak, naumak kiloeq naumak hlaiq loeqteq Boipaw khomcaengoeng a'saengi khoeq sa'taung pawi hmyauk haq. Ta'paiq hng'laihneiq khaw Boi hui tu án ciq pawq.

Luke 8:10

Yaqateq Boi loeqkhaw nanghniq Boipaw khomcaengoeng a'saengi khoeq a'mthuk khoeq klong haq ná hmotai khoeq a'khwai a'mpaek haq. A'coe haqteq hmu uk loeqkhaw hmuwaq uk ong yaw uk loeqkhaw yawcuwaq uk ong yaqhniqa pungoeng ka'hau haq laq.

Luke 9:10

Ta'paiq haq án phaw ba loeq Boiyesuqa yaqhniq loeq án sai louq khoeqhaq án cauk paek ba. Yaqkiyoeng Boi loeq yaq ta'paiq haq baeki haqloeq teq Baeqzaedaq nama án ciq.

Luke 9:12

A'mulawm a'phawhniyateq ta'paiq hnga'laihneiq khoeq Boi hma lo uk loeqteq nei dun khoeq khlaung haqloeng a'hlawyi khoeq dun a'phlaet klongoeng nei khlaung lui haqkhoeq nei phaela a'moeiq khoeq nam haqla teiq haq hme. Yaqhniqa án ei okai khoeqloeq án iqdun a'loe hni taeng a'nhau.

Luke 9:2

Yaqkiyoeng Boiyesuq loeq yaq ta'paiq haqla Boipaw khomcaeng klong án hau wai khoeqloeq a'mniq mawq haqla án boeiyai khoeq a'hloeq haq.