Luke 8:24 - Chin-Cumtu (Sumtu)

²⁴ Ta'paiq haqkhaw a'phaela thoeiq uk loeqteq Boi yoe Boi yoe, keihniq kán du laq hnai taeng án mkhak. Boi khaw tho loeqteq khli loeq hloeng haqla a'mcok hau haqlateq khli loeq hloeng khaw dip loeqteq a'oeqcaq phaba.

Luke 8:24 Cross References

Luke 4:35

Yaqateq Boiyesuq loeqkhaw thinthin omtiloeq yaq hma khoeq sote taeng a'maeng a'paek loeq sa'simangca loeq yaq khlaung khoeq khlaung haq laikla a mkhluq loeqteq yaq khlaunga pikhaw sai ta'ong a'soq ba.

Luke 4:39

Yaqklongoeng Boi khaw yaq hna'taw phaela cit loeqteq a'kaw a'mboei paek kiloeq yaq hna'taw khaw saksang a'kaw boei loeqteq yaqhniqa ei-ok haq a'yoeq haq ba.

Luke 5:5

Siqmou loeqkhaw Boi yoe, keiloeq yanblaiq yaicong yaica suihang loeqkhaw thaekak khaw laqaq hang. Seiloeqkhaw Boi loeq keiya amtoeq nak loeq poek ka'khlawq ba lai taeng amsauki ba.

Luke 8:25

Yaqkiyoeng Boi loeq nanghniq loeq nán myumi khoeq mlung baung a woe? taeng a'hiq haq. Ta'paiq haqkhaw pa'hayi uk loeqteq nei khlaung teq a'ni yoe? Khli loeq hloeng haqla a'maeng a'paek haqla yaqhniq loeq ánhnyinisa taeng poemak loeq poemak án soiyi nauk.