Luke 5:26 - Chin-Cumtu (Sumtu)

²⁶ Khlaung haq loeqkhaw mauk nauk uk loeqteq nana a'mauk nauk pha khoeq hmuqlong ka'hniq loeq ta'hnupa kán hmuq laqhni taeng hau uk loeqteq Boipaw a ánhmloqthaq. Boiyesuq loeq Lewiqa yaq ta'paiq a'phlaetai khoeq tawiq ya a'baeki

Luke 5:26 Cross References

Luke 1:65

Imcaengpui haqloeq myoesaw haqloeq yaqkha a'phlaet khoeqhaq án hmuq loeq án pahaiyi poeiq toeq. Khlaung awlum loeqkhaw yaq sa'taung khoeq Yudaq plei tonghona omdun ta'kuma án cauk toeq.

Luke 5:8

Nei kha a'phlaet khoeqhaq a'hmuq laq khoeq Siqmou Petaruq khaw Boiyesuq ok kho wa ngung loeqteq Boi yoe kei khoeq a'plaet mawq ka'phlaet klongoeng keihma khoeq soti loeq cite taeng a'hau.

Luke 7:16

Khlaung haq loeqkhaw nana mauk nauk uk loeqteq ma'hniq hma Pa'rawphaeq poemak a'pau hni. Boipaw loeq yaq khlaung haqla a'sot haq hni taeng hau uk loeqteq Boipaw kyzu a'nmlokthaq.

Luke 8:37

Yaqkhowa Garacaq plei saw haqkhaw nana án keiqa teq yaqhniq hma khoeq sot loeq a'ciqbalai tawiq ya Boiya án khawqi. Boi khaw hluiya kawi loeqteq a'ciqba.