Luke 13:34 - Chin-Cumtu (Sumtu)

³⁴ Oe, Yeruqsalein mloeq Yeruqsalein mloeqoe, nang khoeq Pa'rawphaeq haqla tuk tiloeq loeqteq Boipaw loeq a'teiq haqkhoeq yaq khlaung haqla khaw lungoeng na'weiq haq hni. Anu loeq a'caw haqkhoeq a'khla kawa kup loeqteq a'tauk haq khakhut kei loeqkhgaw nanghniq caw haqla ka'thin cong haqlai khoeq ta'nak ta'nak saihang loeqkhaw nang loeq keiya a'mloeyiyati.

Luke 13:34 Cross References

Luke 15:28

Yaqateq a'cawcang khaw nana a'mlung hlok loeqteq imdukapak wondocaq klongoeng a'paw loeq lo loeqteq imduka a'wonai khoeq a'hau laq.

Luke 19:44

Yaqhniq loeq nanghniqa lung lungak khoeq a'coe lung khlunga kyanaqong daek khlunga kluqong nang loeq nang na'cawnau haqla a'nkhlaq poeiq yai. Pi klongoeng naka nang loeq Boipaw loeq nanga a'mklonai khoeq khing hmawta tiklongoeng a'phlaet taeng a'hau.

Luke 23:28

Boiyesuq khaw yaqhniq poet hlaengi loeqteq, Yeruqsalein mloeqa khoeq hna'taw haqloe kei tawiq yoeng kapai tuk. Nanghniq loeq nanghniq caw haq tawiq noeng kapoek.