Luke 11:1 - Chin-Cumtu (Sumtu)

¹ Hnupakteq Boiyesuq khoeq omdun dunaka suq tongi loeqteq a'om. Suq a'tongi kiloeq ta'paiq poemak loeq, Boi yoe, Yawhan loeq yaq ta'paiq haqla a'mcok haq khakhat keihniqa khaw suq tongi theiqong a'mcok haq hme taeng a'hau.

Luke 11:1 Cross References

Luke 10:42

A'loe khoeq teq hmuqak noeng a'moeiq. Mariq loeq yaq a'pawi khoeq hmuq a'haeqi kihni. Yaq hma khoeq yaq a'pawi khoeq hmuq a'ni loeqkhaw phaeng loeq laqaq.

Luke 11:2

Yaqateq Boiyesuq loeqkhaw nanghniq suq nán tongi nak loeq, mehona a'moeiq khoeq keihniq Pawa Boi yoe. Na'ming phumthaung laen bacaek. Nang omdun khomcaeng phaw bacaek.

Luke 6:12

Hnupakteq Boiyesuq khoeq Boipaw a suq a'tongi yai khoeq tonghawn dunaka cit loeqteq suq a'tongi kiyoeng yaq tonga yanblaiq a'om.

Luke 7:13

Boiyesuq loeq yaq hna'tawa a'hmuq loeq nana amhmaena teq kapaitiq taeng a'hau.

Luke 7:19

Boi khoeq a'lo wai taeng a'nhau khoeq khlaung moe? Seiyaqloeq a'coewa keihniq loeq ka'ncong laq hmai moe? taeng a'nhiqai khoeq ta'paiq poemhneiqa Boiyesuq hma a'teiq hoeiq.

Luke 9:18

Boiyesuq khoeq a'hoepoetcaw suq a'tongi tuna ta'paiq haq Boi hui tu án ompawq. Khlaung haqloeq keiya a'ni taeng a'mhau haqloe taeng a'hiq haq.

Luke 9:28

Yaqkha a'hau kiyoeng hnupsaet baung a'kla loeq Boiyesuq loeq Petaruq, Yawhan, Yakouq tiq ciqi pui nauk haqloeq teq suq an tongi yai khoeq tonghona án kawi.