Luke 9:44 - Chin-Laitu

⁴⁴ "Nang'hi na ke hawu khrawng heq a'pawi caw vj nge bjiq cuq. 'Ceqcaw' khrawng, khrawng heq kut tjq a'awp khawm laq ai nghxq" tiyj a'hawu.

Luke 9:44 Cross References

Luke 1:66

Jn sitawng yaw laq tiq khrawng heq tomti na kha "ni dikcaw a'len lo na ce i-baw mji hai tiq kha'co yju tiyj nhi tiq lungthin duk kj a'yup caw vj an'hawu ve tong. 'Pxtpaw Phawlaw' phun len khrawng kha dikcaw dj a'mji nghaq.

Luke 18:31

Jnpjnnj ce 'Boipaw Yesyuq' na 'Tavawkaq' pji kalainhiq a'ceng ka vj sawu theqna nge maw vjn tuq j han'hi khrawng 'Yeruqsalawng' luq pawt han'cet tun. 'Parawphek' heq na 'Ceqcaw' dj soisen ne tiq yo na an'tawk nghxt khrawng jn dxn nj a'kxmyom mai tiyj a'hawu.

Luke 2:19

Jn baw khennj 'Mariq' na a'cxk nawk hxvj hawn cipaw 'Gabrelaq' dj an'khom me nghxt khrawng ngj thoq dikcaw dj soisen ne tiq heq tomti mhawt te na sawp na sawp na a'khin ne ba.

Luke 2:51

Jnkhaw vjyawng dikcaw 'Yesyuq' khrawng 'Yawtep' na 'Mariq' kheu nge na nhi hji dj 'Nacarek' luq pawt a'yun ne ba. Nhi nu na ce hawn cipaw dj a'khom me nghxt khrawng ngj ka'thoq tuq j a'khom laq khrawng heq nhi lungthin duk kj a'khin ne nawk soi.

Luke 24:44

Jnpjnnj ce 'Boipaw Yesyuq' na "'Mawsye' petnyet kyeng khrawng, 'Parawphek' kyeng heq na 'Saleng' kyengcaw heq j yo ve tiq ke dj soisen ne tiq heq tomti a'thonne lo laq ai tiyj nang'hi dj ka'mji nghxt nghaq hxvj ka'hawu nghxt pjn' tiyj a'hawu.

Luke 9:22

Jnpjnnj 'Boipaw Yesyuq' na a'tabeq heq j 'Ceqcaw' na a'sisaw a'lhji yj a'khawm laq ai. Pjnnj ce khrawng yx canglen heq, 'Mhawpaw' canglen heq, uqpade yawcu tiq sarapaw heq na an'caqtit khrawng a'khawm laq ai. An'tuk khrawng kha a'khawm laq ai. Sinakha nhxp-thum nhxp pj nhi khrawng a'sawk heng ba vai" tiyj a'sai.