Luke 9:30 - Chin-Laitu

³⁰ 'Mawsye' na 'Iqliqyaq' j thon tiq pjinhiq a'lhji yj doi na dawng lo theq hji na 'Boipaw Yesyuq' dj a'hiq krju ve.

Luke 9:30 Cross References

Luke 1:17

'Yawhen' khrawng 'Parawphek'f 'Iqliqyaq' baw vj cimkya tiq muikhraw dj a'phun mji na 'Pxtpaw Phawlaw' na mawdong a'dawn sawk khrawng ngj a'thon nai. Nhi na nu-paw na caw-nawu lungthin nyhinyhop ba pet tai. Kheu nge yaq tiq heq kha nge ba hawn nj krundiu na mhawnkawn tiq a'coknyen heq a'coksawng pet tai. Jn baw hxvj yawng, khrawng heq khrawng kha 'Pxtpaw Phawlaw' a'khrai lo khaw hxvj a'cjncjn nj an'mji yai tiyj a'hawu

Luke 24:27

Jnpjnnj ce 'Boipaw Yesyuq' na 'Mawsye' yok nghxt khrawng kyengcaw vj thoq cat theqna 'Parawphek' heq yok nghxt khrawng kyengcaw duk kj kxq a'punghaw dj soisen ne tiq kyeng pek heq j hi-i a'hawu ve ljk nawk khrawng a'soqsai.

Luke 24:44

Jnpjnnj ce 'Boipaw Yesyuq' na "'Mawsye' petnyet kyeng khrawng, 'Parawphek' kyeng heq na 'Saleng' kyengcaw heq j yo ve tiq ke dj soisen ne tiq heq tomti a'thonne lo laq ai tiyj nang'hi dj ka'mji nghxt nghaq hxvj ka'hawu nghxt pjn' tiyj a'hawu.

Luke 9:19

A'tabeq heq na " a'kyaw heq na ce nang khrawng 'Betticen' sarapaw 'Yawhen' tiyj an'hawu. A'kyaw heq na ce 'Iqliqyaq' tiyj kha an'hawu. A'kyaw heq na ce a'hjmmj kxq 'Parawphek' pjinghawt a'heng lo ba tina kha an'hawu" tiyj an'sai ba.

Luke 9:29

'Boipaw Yesyuq' na suqtong tun nj nhi mhawidxm khrawng lhai ye theqna a'suisawk heq kha bokhyvawq theqna a'ang lo.

Luke 9:31

Jnpjnnj ce nhi tiq na phun heq dawn-ang theqna 'Yeruqsalawng' luq j 'Boipaw Yesyuq' a'bjt khawm laq hai khrawng an'hawu.