Luke 9:11 - Chin-Laitu

¹¹ Jn sitawng heq khrawng batnghawt na an'yawk hxvj 'Boipaw Yesyuq' nhu vj an'yun ne. 'Boipaw Yesyuq' na kha nhi tiq cong theqna 'Pxtpaw Phawlaw' neng-ngeng dj soisen ne ti heq a'sai. Pjnnj ce kang yaq tiq heq kha an'kang ba sawk.

Luke 9:11 Cross References

Luke 1:53

Mxthak tiq heq j ce tui lhim tiq pe theqna boima tiq heq ce kut honglak kj a'tjq ba.

Luke 5:31

'Boipaw Yesyuq' na "kang nge tiq na to-to tiq lx yju, kang yaq tiq na yawng to-to tiq a'lx.

Luke 8:1

Pjnnj ce 'Boipaw Yesyuq' khrawng luq nam heq j cet yok na 'Pxtpaw Phawlaw' neng-ngeng dj soisen ne tiq sitawng pawi heq a'soqsai yok. Nhi dj 'Tavawkaq' pji kalainhiq heq kha an'pui.

Luke 8:10

Jnkhaw vjyawng 'Boipaw Yesyuq' na " 'Pxtpaw Phawlaw' neng-ngeng dj soi ye tiq tala tawmthong heq nan'cok laq pjn. Sinakha a'kyaw khrawng heq na ce tjuq ve na kha mhuq yaq tiq baw vj, nge na kha yaw yaq tiq baw an'mji khennj khuicut nawk kj ka'hawu laq.

Luke 9:10

'Tavawkaq' heq an'khrai lo ba na ce nhi tiq poqcai nghxt khrawng heq 'Boipaw Yesyuq' j an'hyawk ba. Jnpjnnj ce 'Boipaw Yesyuq' na jn heq sawu na 'Betcedaq' luq tjq a'yup caw vj an' cet.

Luke 9:12

Khomx lo na ce a'tabeq pji kalainhiq khrawng 'Boipaw Yesyuq' ceng ka vj lo na " 'Boipaw' vj, ni dxn khrawng, khrawng heq hiusip nawk dxn nj thonne. Jnkhennj ni khrawng heq ni dxn dj hyju ve tiq tjunam heq tjq cet theqna an'dxm nawk hai dxn na an'e-ok hai heq sui hai yj ni heq tjq ba va" tiyj an'hyawk ke.

Luke 9:2

Jnpjnnj ce 'Pxtpaw Phawlaw' neng-ngeng dj soisen ne ti heq soqsai hai tok na kang yaq ti heq kang ba hawn nj poqcai pet hai yj a'tabeq heq a'tjq.