Luke 7:6 - Chin-Laitu

⁶ Jnkhennj 'Boipaw Yesyuq' na jn heq kon a'yun ne. Sinakha 'Boipaw Yesyuq' khrawng im ka vj a'khrai lo hxvj 'Tepmhu' na nhi khepui heq tjq batx theqna "'Boipaw' vj ngalai khawm theqna ibahai yj na'lo ke imkrung kvaw vj na'vawng lo hai kung ngj kha tawn ne hx.

Luke 7:6 Cross References

Luke 5:8

Ni thonlok heq an'mhuq khaw hxvj 'Syiqmung Petaruqw na 'Boipaw Yesyuq' khocju vj khukdyawq caw vj ngvaw theqna "'Boipaw Yesyuq' j, ke khrawng a'kret a'sisaw kong tiq j ka'thonne khennj ke ceng ngj kxq cet ba va" tiyj a'hawu ve.

Luke 7:4

Jn heq khrawng 'Boipaw Yesyuq' ceng tjq khrai lo na nhi tiq kon yun ne na jn 'Tepmhu' phui pet hai yj a'lhji yj an'lung pui na an'khawqhyawq-e. Nhi tiq na "ni 'Tepmhu' khrawng 'Boipaw' na na'phui hai yj a'mhawnmx tawn ne tiq j thonne.

Luke 7:5

Ibahai yj nawk hxce nhi na kyu khrawng yx heq j mitta taw theqna ke'hi tok damarung kha a'sawk pet" tiyj hawu na 'Boipaw Yesyuq' j an'khawqhyawq-e.

Luke 7:7

Ke khrawng nang ceng tjq lo hai kung kha tawn ne hx tiyj ka'khin ne. Nang na kheukhaw khaw-nghawt na'hawu khaw kung ngj kha ke mapaw khrawng a'kang ba vai.

Luke 8:49

'Boipaw Yesyuq' na jn baw a'hawu tun nj damarung mawqpaw 'Yaiqruq' im mj kxq khrawng pjinghawt khrai lo na 'Yaiqruq' j "nang caw a'sawk thok pjn, 'Boipaw Yesyuq' khrawng beq naw ti kawq" tiyj a'hawu.