Luke 7:39 - Chin-Laitu

³⁹ Jn baw a'poqcai khrawng 'Boipaw Yesyuq' khin naw tiq 'Phariqsye' na a'mhuq na ce "'Boipaw Yesyuq' khrawng 'Parawphek' pjinghawt tj a'thon hxce nhi lhem tiq mhutaw khrawng hu-u, i-bawng mhutaw nawk khrawng a'cok laq ai. Ibahai yj nawk hxce ni mhutaw khrawng "a'kret kong tiq mhutaw vj a'thon' tiyj a'lung duk kj a'khin.

Luke 7:39 Cross References

Luke 12:17

Jnkhennj i-baw ka'poq laq ai tiyj a'aqpjtcaw khin ne theqna a'mji.

Luke 15:2

Jn hxvj 'Phariqsye' heq, uqpade yawcu tiq sarapaw heq na "'Boipaw Yesyuq' khrawng a'kret a'sisaw poqcai tiq heq a'khepui nawk nawn naw yju nhi tiq dj a'e-o nghaq tiyj a'kret an'sui.

Luke 16:3

Jnkhaw hxyawng nhi na 'ke khrawng i-baw ka'thon laq ai. Boipaw na ke khrawng ka'thonlok nawk kj kxq a'thoq pjn. Ke khrawng thathiq nawk a'lup lup hai kha ka'tha mji yju, tong nge hai kha ka'hyawk ke.

Luke 18:4

Jn tala khranhya tiq na tala phansa pet kaw vj khonhxp khokum diu hawn nj beq naw yaq kaw vj a'tawk. Sinakha nhi na ke na 'Pxtpaw Phawlaw' kha kiq hx, khrawng heq kha thalhi naw yaq na kha.

Luke 3:8

Jnkhennj nang'hi a'kret a'sisaw heq j kxq kan'lung kan'suisaw ye ba pjn nawk khrawng nan'mjicoq j sawksi dawn njn. Nan'punghaw ko nan'punghaw 'Abrengheng' yx khennj 'Pxtpaw Phawlaw' na a'kret pe hai siyju tiyj khin ne kawq cuq. Ni lung krjng heq kha 'Abrengheng' caw-nawu heq j thonne hawn nj 'Pxtpaw Phawlaw' na a'poqcai khoq.

Luke 7:16

Khrawng heq batnghawt na kha kiqken ne theqna ke'hi duk kj lhxng dj tiq 'Parawphek' pjinghawt a'pju lo pjn. "'Pxtpaw Phawlaw' khrawng a'khrawng yx tjuqtawq-e hai yj a'khrai lo pjn" tiyj 'Pxtpaw Phawlaw' phun khrawng an'tjuqkauq ve nawk.

Luke 7:37

Jn luq j a'kret kong tiq mhutaw pjinghawt a'mji. Jn mhutaw na 'Phariqsye' im mj 'Boipaw Yesyuq' khrawng a'e-o ve tiyj a'yawk na ce a'lhji yj a'phulen tiq o-tiq situi pelawng nghawt lu ve na jn dxn nj a'lo.

Luke 7:38

Jn mhutaw khrawng 'Boipaw Yesyuq' nhulawm a'khocju vj tung theqna kap pheng 'Boipaw Yesyuq' kho a'mikkhri yj bot theqna vhaw hawn nj a'lusawm mj a'hot. Pjnnj ce 'Boipaw Yesyuq' kho khrawng nhawm theqna a'lu ve khrawng o-tiq situi a'yun pet.

Luke 7:40

'Boipaw Yesyuq' na kha nhi yj "'Syiqmung', nang ngj ka'hawu hai u-nghawt a'mji" tiyj hawu theqna 'Syiqmung' na "hawu va 'Boipaw' vj" tiyj a'hawu na ce