Luke 7:13 - Chin-Laitu

¹³ 'Boipaw Yesyuq' na jn mhe'nu a'mhuq khaw hxvj a'lhji yj manne theqna "kap kawq va" tiyj a'hawu.

Luke 7:13 Cross References

Luke 10:1

Jnpjnnj ce 'Boipaw Yesyuq' na a'kyaw a'tabeq seqkip khrawngi lui na nhi cet nawk hai luq heq nam heq tjq a'tabeq pjinhiq ci a'yawng ngj a'tjq maw.

Luke 11:1

Nhxp-nghawt khaw vj 'Boipaw Yesyuq' khrawng dxn nghawt tj suq a'tong nge. Suq a'tong cawng pjnnj a'tabeq pjinghawt na 'Boipaw Yesyuq' j 'Yawhen' na a'tabeq heq j suqtong hai a'sawng pet baw vj ke'hi yj kha suqtong hai sawng pet maw tu va" tiyj a'khawq-e.

Luke 11:39

'Boipaw Yesyuq' na " nang'hi 'Phariqsye' heq khrawng buqpji, khok, am krawng lawm heq ce bot cu na kha a'duk kj ce nan'lxto heq, taqsi tiq heq j a'lui ye.

Luke 12:42

Jn hxvj 'Pxtpaw Phawlaw' na "cetcaw mji na a'cok a'tawt mji theqna poqcai pet tiq ce hu-u. Jn khrawng khrawng a'ma heq pan naw hai na e-cxn ok-cxn na ce poqcai pet hai a'boipaw na a'lui khrawng ngj a'thonne.

Luke 13:15

Sinakha 'Boipaw' na "khrawng pawi baw vj mji tiq heq j, uqpuk nhxp pj nang'hi na nan'tawk ke khrawng sya heq, naw heq nan'khun nawk kj kxq lhjq theqna tui pet hai yj nan'ceq pui nawk siyju vaw.

Luke 17:5

Jn hxvj yawng a'tabeq (Tavawkaq) heq na "ke'hi yj yum hai lungbong heq ni tawn yaq kong sawk maw va" tiyj 'Boipaw Yesyuq' j an'cuhyawk.

Luke 17:6

'Boipaw Yesyuq' na kha mungyang ciq tiq bawng na'yum na ce cjt te nghaw tiq ni pxu-e thing ngj na'yung ngj ka'thoq phu ve yok theqna pawnglai duk kj cjt te ya tiyj nan'hawu hxvj kha jn thing na nang'hi kheu a'nge yai.

Luke 18:6

Pjnnj ce 'Boipaw Yesyuq' na 'jn bji yaq tiq tala phansa tiq kheukhaw mhawt te yjn.

Luke 19:8

Jnkhaw vjyawng 'Cekke' khrawng tung theqna 'Boipaw Yesyuq' j "ke boiqma heq vawk nghawt khrawng cek ke ti heq j ka'pet. Khrawng heq ceng ngj kxq a'lhjilhap ka'tong khrawng phjisa heq kha saq palhi tawn yju ka'pet ba vai" tiyj a'hawu.

Luke 22:61

Jnkhaw vjyawng 'Boipaw Yesyuq' na ten ne na 'Petaruq' a'tjuq ve. 'Petaruq' na "tuq nhxp 'A' khong lhawn nj nang na ke co hx tiyj krawn-thum tiqtiq na'caqtit tai tiyj 'Boipaw Yesyuq' na a'hawu nghxt khrawng kheukhaw a'tokpju".

Luke 24:3

Co-gu duk kj an'vawng na ce 'Boipaw Yesyuq' pumyo khrawng khom tiyju uq.

Luke 24:34

Jn cuq-e tiq heq na 'Boipaw Yesyuq' khrawng a'bjt nawk kj kxq a'mhawnmx a'heng ba pjn. 'Syiqmung' ngj kha a'dawn ne pjn tiyj an'hawu.

Luke 7:12

'Boipaw Yesyuq' khrawng luq kjt ka a'khrai lo hxvj khrawng heq na yok hyawng nghawt mhyaq hai yj luq krawng pawt an'ba lo. Jn yok khrawng mhe'nu na a'caw pjinghawt pjt mji tiq j a'thon. Luqsaw batnghawt na kha mhe'nu kon an'yun lo.

Luke 7:14

Pjnnj ce 'Boipaw Yesyuq' khrawng nhi tiq ka vj hawp pe theqna khong a'lhem me hxvj khrawng heq kha kap theqna an'tung nge. 'Boipaw Yesyuq' na "jn dikcaw vj thju nghxq yawng nga" tiyj a'hawu.

Luke 7:19

"Nang khrawng ke'hi ceng ngj lo tiq 'Boipaw Yesyuq' vaw. Siyaqna ke'hi na a'tha pjinghawt kan'cong nge laq hawm mai yaw" tiyj nghi hai yj 'Boipaw Yesyuq' ceng pawt a'tjq.

Luke 8:52

Khrawng heq na an'kang pun ne na jn mhutaw caw khrawng a'lhji yj an'kaq e-nawk. Sinakha 'Boipaw Yesyuq' na "kap kawq cuq jn, ni mhutaw caw khrawng bjt yju a'ip pe yawng" tiyj a'hawu.