Luke 5:30 - Chin-Laitu

³⁰ 'Phariqsye' heq meqcaw, uqpade yawcu tiq sarapaw heq meqcaw na "nang'hi khrawng ni a'phu tong tiq heq, a'kyaw a'kret a'sisaw mawq heq dj ibahai yj nan'e-o nghaq" tiyj setsui theqna 'Boipaw Yesyuq' tabeq heq j si an'lx.

Luke 5:30 Cross References

Luke 18:11

'Phariqsye' khrawng pjinghawt pjtcaw tung theqna "j Pxtpaw Phawlaw vj, ke khrawng a'kyaw khrawng heq baw vj kha ka'lxto kong yju, a'kha lhaye hx, a'kha malang hx khennj ka'seye nawk. Jn tawn yaq ni a'phukok tiq baw vj kha mji hx khen cuvj ka'seye nawk.

Luke 19:7

Jn heq mhu tiq khrawng heq na 'Boipaw Yesyuq' khrawng a'kret a'sisaw poqcai tiq im mj cet na nhi dj a'e-o ye yai tiyj setsui na an'hawu.

Luke 5:17

Nhxp-nghawt khaw vj 'Boipaw Yesyuq' khrawng tala tawmthong soqsai na a'mji. Jn tun nj 'Galiqle' kre na 'Yuqdaq' kre yj mji tiq nam tjng ngj kxq heq, 'Yeruqsalawng' luq j kxq heq khrai lo tiq 'Phariqsye'y heq na uqpade yawcu tiq sarapaw heq kha jn dxn nj an'ngvaw. 'Pxtpaw Phawlaw' na 'Boipaw Yesyuq' j khrawng heq an'niqnawng khrxk khoq hawn nj a'phun a'pet.

Luke 5:21

Jnkhaw vjyawng 'Phariqsye' heq uqpade yawcu tiq sarapaw heq na "ni khrawng na a'punghaw ko a'punghaw hu-u tiyj xt te naw na ni baw vj 'Pxtpaw Phawlaw' hyju nawk khrawng kheukhaw a'hawu laq theq. A'punghaw ko a'punghaw 'Pxtpaw Phawlaw' tiyj a'xt te nawk kaw. PhawLaw siyaq hxvj ce u-na kha a'kret khrawng lhjq khoq yju" tiyj an'xt nawk.

Luke 7:34

Jn tawn yju 'Ceqcaw' a'e-o khrawng kha nhi khrawng a'e ko, 'Capyek' voi kha a'o ko. A'phukok tiq heq na a'kret a'sisaw mawq heq kha a'khepui nawk tiyj nan'hawu batx.

Luke 7:39

Jn baw a'poqcai khrawng 'Boipaw Yesyuq' khin naw tiq 'Phariqsye' na a'mhuq na ce "'Boipaw Yesyuq' khrawng 'Parawphek' pjinghawt tj a'thon hxce nhi lhem tiq mhutaw khrawng hu-u, i-bawng mhutaw nawk khrawng a'cok laq ai. Ibahai yj nawk hxce ni mhutaw khrawng "a'kret kong tiq mhutaw vj a'thon' tiyj a'lung duk kj a'khin.