Luke 5:17 - Chin-Laitu

¹⁷ Nhxp-nghawt khaw vj 'Boipaw Yesyuq' khrawng tala tawmthong soqsai na a'mji. Jn tun nj 'Galiqle' kre na 'Yuqdaq' kre yj mji tiq nam tjng ngj kxq heq, 'Yeruqsalawng' luq j kxq heq khrai lo tiq 'Phariqsye'y heq na uqpade yawcu tiq sarapaw heq kha jn dxn nj an'ngvaw. 'Pxtpaw Phawlaw' na 'Boipaw Yesyuq' j khrawng heq an'niqnawng khrxk khoq hawn nj a'phun a'pet.

Luke 5:17 Cross References

Luke 15:2

Jn hxvj 'Phariqsye' heq, uqpade yawcu tiq sarapaw heq na "'Boipaw Yesyuq' khrawng a'kret a'sisaw poqcai tiq heq a'khepui nawk nawn naw yju nhi tiq dj a'e-o nghaq tiyj a'kret an'sui.

Luke 2:46

Nhxp-thum nhxp pjyawng dikcaw 'Yesyuq' khrawng PhawLaw kyong duk kj 'Kyu' uqpade yawcu tiq sarapaw heq ceng ngj a'mji khrawng a'hiq khom me. Dikcaw 'Yesyuq' na khrawng nhi tiq thonkheu heq nge theqna nhi tiq j nghi dang a'ti khrawng heq a'nghiq ba.

Luke 5:21

Jnkhaw vjyawng 'Phariqsye' heq uqpade yawcu tiq sarapaw heq na "ni khrawng na a'punghaw ko a'punghaw hu-u tiyj xt te naw na ni baw vj 'Pxtpaw Phawlaw' hyju nawk khrawng kheukhaw a'hawu laq theq. A'punghaw ko a'punghaw 'Pxtpaw Phawlaw' tiyj a'xt te nawk kaw. PhawLaw siyaq hxvj ce u-na kha a'kret khrawng lhjq khoq yju" tiyj an'xt nawk.

Luke 5:30

'Phariqsye' heq meqcaw, uqpade yawcu tiq sarapaw heq meqcaw na "nang'hi khrawng ni a'phu tong tiq heq, a'kyaw a'kret a'sisaw mawq heq dj ibahai yj nan'e-o nghaq" tiyj setsui theqna 'Boipaw Yesyuq' tabeq heq j si an'lx.

Luke 6:19

'Boipaw Yeqsyuq' ceng ngj kxq a'phun heq thok na an'niqnawng heq a'khrxk khennj khrawng tjng na 'Boipaw Yesyuq' khrawng lhem laq hai tok an'thxnthaq-e.

Luke 7:30

Jn baw na kha 'Phariqsye' heq uqpade yawcu tiq sarapaw heq na khrawng an'punghaw tok hong yawng so ve theqna 'Pxtpaw Phawlaw' khinko khrawng caqtit theq u-na 'Yawhen' ceng ngj 'Betticen' khawm yju uq.

Luke 8:46

Jn baw na kha 'Boipaw Yesyuq' na "ke khrawng pjinghawt nghawt na a'lhem khennj ke phun a'thok khrawng ke na ka'piye" tiyj a'hawu ba.