Luke 4:34 - Chin-Laitu

³⁴ J 'Nacarek' luqsaw 'Yesyuq' vj nang na ke'hi i-baw na'poq ai tyaw. Ke'hi cimkhrak hai yj na'lo vaw. Nang hu-u nawk khrawng ke hi na kan'cok. 'Pxtpaw Phawlaw' ceng ngj kxq lo tiq lhxng dj tiq j na'thon tiyj pang na a'hawu.

Luke 4:34 Cross References

Luke 1:35

Hawn cipaw na kha "Cimkya tiq muikhraw nang ceng ngj khrai lo theqna 'Pxtpaw Phawlaw' phun na nang a'lhom xp pai. Jn baw mji lo hai tiq lhxng dj tiq dikcaw khrawng kha 'Pxtpaw Phawlaw' caw tiyj pan ne khrawng a'khawm laq ai.

Luke 4:33

Jn damarung duk kj bji yaq tiq nawtsi koppe tiq khrawng pjinghawt a'mji. Jn khrawng na 'Boipaw Yesyuq' j

Luke 4:41

"Nang khrawng 'Pxtpaw Phawlaw' caw vj na'thonne" tiyj nawtsi heq khrawng pang theqna kang yaq tiq heq ceng ngj kxq an'thok ba. 'Boipaw Yesyuq' khrawng ljulawk ke tiq tiyj nhi tiq na an'cok khennj 'Boipaw Yesyuq' na nhi tiq coksawng theqna kheu sawk yju.

Luke 8:28

Jn khrawng na 'Boipaw Yesyuq' a'mhuq na ce a'mhawimhaw vj khukdyawq caw vj a'ngvaw. Pjnnj ce batnghawt pang pheng "'Pxtpaw Phawlaw' caw 'Yesyuq' j ke dj hi-i ha'soi. Ke kulu naw pet kawq tiyj a'khawqhyawq-e.

Luke 8:37

Jnkhaw hxvj 'Garacaq' kresaw heq na a'lhji yj an'kiqca khennj 'Boipaw Yesyuq' khrawng jn dxn nj kxq cet ba hai an'khawqhyawq-e. Jn baw khennj 'Boipaw Yesyuq' kha a'tabeq heq dj long ngj kawi na an'cet ba.