Luke 4:23 - Chin-Laitu

²³ 'Boipaw Yesyuq' na kha "to-to tiq na a'punghaw niqnawng yawng khrxk ba hawn nj a'to ve maw laq ai tiyj kheukhaw a'mji baw vj 'Kaperanong' luq j na'poqcai nghxt baw vj na'mji nghxt nawk luq j kha poqcai ye ya tiyj nang'hi na ke ljt yju nan'hawu vai.

Luke 4:23 Cross References

Luke 2:39

Jnkhaw vjyawng 'Yawtep' na 'Mariq' na khrawng 'Pxtpaw Phawlaw' petnyettaw heq a'pawi caw vj a'hiq poqcai cawng na ce nhi tiq im mji nawk 'Galiqle' kre 'Nacarek' luq pawt an'cet ba.

Luke 2:51

Jnkhaw vjyawng dikcaw 'Yesyuq' khrawng 'Yawtep' na 'Mariq' kheu nge na nhi hji dj 'Nacarek' luq pawt a'yun ne ba. Nhi nu na ce hawn cipaw dj a'khom me nghxt khrawng ngj ka'thoq tuq j a'khom laq khrawng heq nhi lungthin duk kj a'khin ne nawk soi.

Luke 4:16

Jnpjnnj ce 'Boipaw Yesyuq' khrawng nhi len nghxt nawk 'Nacarek' Luq pawt a'lo ba. Uqpuk nhxp pj damarung ngj a'cet soi baw cet theqna kyengcaw phawt hai yj a'tung hxvj.

Luke 4:31

Jnpjnnj ce 'Boipaw Yesyuq' khrawng 'Galiqle' kre 'Kaperanong' luq tjq cet theqna uqpuk nhxp tjng ngj damarung ngj a'cokhawu soi.

Luke 4:35

Jnkhaw vjyawng 'Boipaw Yesyuq' na nawtsi a'cokhawu cawng na"dek na mji, nhi duk kj kxq thok nghxq yawng" tiyj a'hawu. Jn hxvj yawng nawtsi na jn khrawng khrawng, khrawng heq pxm mj hjngluk sawk na niqnawng pe yaq kaw vj a'thok ba.

Luke 6:42

Na'mik-ek nghaw lju ve yaq kaw vj "nang khepui mik-ek yawng ka'lju pet tai" tiyj ibahai yj na'hawu laq. Khrawng pawi baw vj mji tiq nang mik kj kxq thingtung tiq len tiq mik-ek yawng cxkcxk lju ve maw va. Jn baw hxyawng nang khepui mik-ek khrawng na'lju pet hai a'pawi caw vj na'mhuq laq ai.