Luke 12:17 - Chin-Laitu

¹⁷ Jnkhennj i-baw ka'poq laq ai tiyj a'aqpjtcaw khin ne theqna a'mji.

Luke 12:17 Cross References

Luke 10:25

Nhxp-nghawt khaw vj uqpade yawcu tiq sarapaw pjinghawt khrawng 'Boipaw Yesyuq' cawm hai yj a'tung nge ye. Pjnnj ce "Sarapaw vj hawn sawktakhonm laq hai tok i-heq ka'poqcai laq ai" tiyj a'nghiq.

Luke 11:41

Jnkhennj ni thawk kj bji tiq ce nan'tawk ke cawbaw vj cek ke tiq heq j pe yjn. Jn baw khaw hxyawng i-bawng heq tomti nang'hi tok a'cimkyalek kai.

Luke 12:16

Jn pjnnj 'Boipaw Yesyuq' na khrawng heq batnghawt tj khuicut nawk u-nawk tj a'hawu khrawng ce "Boipaw pjinghawt na a'lhji yj dek pawi tiq laikhan nghawt a'tawk ke. Jn lai yj a'theq a'pa heq a'lhji yj a'the-pa.

Luke 12:18

Jnpjnnj ce nhi na ke cawng im khrawng khrak theqna ni thawk kj len tiq cawng im ka'sawk kai. Jn cawng im mj ke cawng heq, thing theq heq na a'kyaw pawi ti heq kha ka'cxm me yai.

Luke 12:22

A'tha krawn-nghawt 'Boipaw Yesyuq' na a'tabeq heq j "jnkhennj nang'hi yj ke na hawu dang ka'ti khrawng ce nang'hi sawk nghawt nan'mji khoq hai tok i ka'e laq ai, i ka'khoq-e laq ai nawk khrawng lhawq-e kawq cuq.

Luke 12:29

E-Khrawng ok-khrawng tok kj lhawq na mji kawq cuq.

Luke 12:33

Nan'tawk ke khrawng nan'boiqma heq ye na cek ke ti heq j peso vjn. Krawyang theq yaq tiq phjisa ik heq poqcai na mo ve ti heq hawp khoq yaq nawk, pxu heq na an'khrak khoq yaq nawk hawn luq j pjiq khoq yaq tiq nan'boiqma heq cxm na taw yjn.

Luke 16:3

Jnkhaw hxyawng nhi na 'ke khrawng i-baw ka'thon laq ai. Boipaw na ke khrawng ka'thonlok nawk kj kxq a'thoq pjn. Ke khrawng thathiq nawk a'lup lup hai kha ka'tha mji yju, tong nge hai kha ka'hyawk ke.

Luke 16:9

Nang'hi yj ke na hawu hai ka'lx khrawng ce tala yaq tiq j kxq ljt yaq tiq ni somdek kj kxq boiqma heq sum me na nan'khepui heq sui yjn. Jn somdek boiqma heq a'pji na ce nang'hi khrawng hawn sawktakhon im mj nan'mji laq ai.

Luke 18:22

Jn baw a'hawu khrawng a'yawk na ce 'Boipaw Yesyuq' na nang na na'poqcai laq hai u-nghawt a'mji hawm. Na'boiqma heq tomti ye kyaq theqna na'laq lo khrawng phjisa tawngkaw heq khrawng cek ke theqna taw ye yaq ti heq j peso bjiq. Ni baw na'poqcai na ce nang na khrawng hawn luq j kxq boiqma heq na'laq ba vai. Jnpjnnj ce ke nhu yun lo va tiyj a'hawu.

Luke 19:17

'Mawnglen caw'na kha a'bji. Nang khrawng na'poqcai hai meqcaw kung ngj kha na'cetcaw mji khen cuvj luq len luq-nghaq om ma tiyj a'hawu.

Luke 3:11

'Yawhen' na kha phang lawp-nhiq nan'tawk ke na ce phang taw ye yaq tiq j lawp-nghawt nan'pet laq ai. E-hai ok hai nan'tawk ke na ce taw ye yaq tiq j nan'petsot laq ai tiyj" a'hawu ba.