Luke 10:42 - Chin-Laitu

⁴² A'mhawnmx lx tiq ce yx nghawt pjt yawng a'mji. 'Mariq' na kha jn bji tiq khrawng a'lui pjn. Jn khrawng nhi ceng ngj kxq u-na kha kxq-e khok yju" tiyj a'hawu ba.

Luke 10:42 Cross References

Luke 10:39

'Mataq' na 'Mariq' ming naw tiq a'nawu'u mhutaw pjinghawt a'tawk ke. 'Mariq' khrawng 'Boipaw Yesyuq' khocju vj ngvaw theqna 'Boipaw Yesyuq' hawu khrawng heq nge theqna a'mji ye.

Luke 11:1

Nhxp-nghawt khaw vj 'Boipaw Yesyuq' khrawng dxn nghawt tj suq a'tong nge. Suq a'tong cawng pjnnj a'tabeq pjinghawt na 'Boipaw Yesyuq' j 'Yawhen' na a'tabeq heq j suqtong hai a'sawng pet baw vj ke'hi yj kha suqtong hai sawng pet maw tu va" tiyj a'khawq-e.

Luke 12:20

Jn baw a'khin ne tun nj 'Pxtpaw Phawlaw' na "j khrawng ljng ngj tuq yawn kung na'bjt tai. Jnkhennj nang na na'cxmseppe khrawng na'boiqma heq u-na a'pjng ngai tiyj jn boipaw vj a'hawu.

Luke 12:33

Nan'tawk ke khrawng nan'boiqma heq ye na cek ke ti heq j peso vjn. Krawyang theq yaq tiq phjisa ik heq poqcai na mo ve ti heq hawp khoq yaq nawk, pxu heq na an'khrak khoq yaq nawk hawn luq j pjiq khoq yaq tiq nan'boiqma heq cxm na taw yjn.

Luke 16:2

Jnkhaw vj boipaw na phehye tiq khrawng sawu theqna nang sitawng ke na ka'yawk laq khrawng i baw na'khin. Nang na na'mhawt khrawng tawngkaw carawng caya heq ke yj dawn na. Nang kha phehye tiq dxn nj sawp na taw khoq tiyju tiyj a'hawu.

Luke 16:25

Sinakha 'Abrengheng' na ke caw vj nang na'sawk heng hxvj pawi dj tiq heq laq nghxt theqna 'Lacaqruq' na ce pawi yaq ti heq yawng a'laq nghxt khrawng khin ne ba maw va. Jnkhennj 'Lacaqruq' khrawng ni dxn nj yadik dawmdak mji laq theqna nang na ce a'sisaw heq na'khawm laq.

Luke 18:22

Jn baw a'hawu khrawng a'yawk na ce 'Boipaw Yesyuq' na nang na na'poqcai laq hai u-nghawt a'mji hawm. Na'boiqma heq tomti ye kyaq theqna na'laq lo khrawng phjisa tawngkaw heq khrawng cek ke theqna taw ye yaq ti heq j peso bjiq. Ni baw na'poqcai na ce nang na khrawng hawn luq j kxq boiqma heq na'laq ba vai. Jnpjnnj ce ke nhu yun lo va tiyj a'hawu.

Luke 8:18

Jnkhennj a'pawi caw vj nge yjn. Ke na ka'coksawng khrawng heq yawcu hai lx tiq heq j a'lhji yj yawcu hawn nj 'Pxtpaw Phawlaw' na a'poqcai pet tai. Sinakha yawcu hai lx yaq tiq heq j ce nhi tiq na an'yawkcok cjn khrawng heq kha yawcu khok tiyaq hawn nj 'Pxtpaw Phawlaw' na a'poqcai yai" tiyj a'hawu.