Luke 1:32 - Chin-Laitu

³² Nhi khrawng a'phun len tiq pjinghawt tj thonne theqna a'lhxng dj vj mji hai tiq Phawlaw caw tiyj an'pan ne laq ai. Nhi syaw yx mawnglen 'Davik' baw vj nhi tiq yxyang pjng khoq hawn nj 'Pxtpaw Phawlaw' na nhi yj a'pet tai.

Luke 1:32 Cross References

Luke 1:15

Ibahai yj nawk hxvj ce 'Yawhen' khrawng 'Pxtpaw Phawlaw' mhawimhaw vj cimkya tiq pjinghawt tj a'thonne yai. 'Capyek' voi hawng na yu o-lawk khrawng i-khaw vj kha o-hai siyju 'Yawhen' khrawng a'nu hjntung duk kj ka'thoq cimkya tiq muikhraw dj a'mji nghaq ai.

Luke 1:35

Hawn cipaw na kha "Cimkya tiq muikhraw nang ceng ngj khrai lo theqna 'Pxtpaw Phawlaw' phun na nang a'lhom xp pai. Jn baw mji lo hai tiq lhxng dj tiq dikcaw khrawng kha 'Pxtpaw Phawlaw' caw tiyj pan ne khrawng a'khawm laq ai.

Luke 1:76

'Cakhariq' na "ke caw vj nang khrawng lhxng dj tiq 'Pxtpaw Phawlaw' 'Parawphek' tiyj an'hawu vai. Ibahai yj nawk hxce 'Boipaw Yesyuq' cet nawk hai lawm cimsya hai tiq j an'thon nai khennj.

Luke 3:16

'Yawhen' na khrawng heq j tui yj 'Betticen' ka'pet khrawng ce a'mhawn tyaw. Sinakha ke thawk kj lhxng dj tiq pjinghawt a'lo nghxq. Ke ce nhi khopatawp yoi sut pet hai kung kha tawn ne hx. Nhi na khrawng cimkya tiq muikhraw vj kha, mi yj kha nang'hi yj 'Betticen' a'pet tai.

Luke 6:35

I-baw e-baw sinakha nang'hi na nan'sunpui yj mitta taw bjiq cuq. Jn heq tok kj bji tiq poqcai pet bjiq cuq. Kan'laq ba vai tiyj khin theqna punyhiq kawq cuq. Jn baw nan'poqcai hxvj yawng hawn luq j kxq nan'laq ba hai suqlet khrawng a'lhji yj len theqna nang'hi kha lhxng dj len dj tiq 'Pxtpaw Phawlaw' caw-nawu heq j nan'thonne yai. Ibahai yj nawk hxce 'Pxtpaw Phawlaw' na seye naw theq yaq tiq heq na ljng tiq heq khrawng a'manne khen cuvj.