Juan 4:34 - Porciones del Nuevo Testamento

³⁴ Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Juan 4:34 Cross References

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.

Juan 17:4

Mʉãrã bʉra zhi zromata kꞌawuabiga nʉmʉã naʉ̃ druadꞌe, aramaʉ̃ne mʉãrã jõbibʉrʉa kꞌãrẽ omarẽã bʉa mʉãã diadꞌata.

Juan 19:30

Jesúsbara maʉ̃ oregueara dope mawũãsia: Mʉã oita bꞌadꞌara jõma aribꞌaea. Mawũãpe buru jabꞌari izhi jawure Daizezea chãbꞌari beusia.

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Juan 5:36

Mawũãmina mʉã erubꞌʉa mʉnebema audre bia jara bꞌʉta Juanba jaradꞌa kꞌãñabara, kꞌãrẽ aribꞌaeita mʉ Zezeba mʉãã diadꞌata mʉã obꞌʉba mʉnebemata jara bꞌʉa mʉrã mʉ Zezeba zokꞌadꞌata.

Juan 4:32

Mawũãnaĩ izhara mawũãsia: Mʉãrã zhikota kꞌoita erubꞌʉa marãba kꞌawuadꞌa ẽãta.

Lucas 19:10

Mʉ Beubari Bape bꞌʉbara jʉrʉdꞌe zesia ẽdrʉbiita aduadꞌata.

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Hechos 20:35

Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.

Juan 6:33

Pan Daizezedꞌea mʉta ʉ̃treba zedꞌata, mʉãrã Daizeze ũme bꞌai jõ ẽãta dia bꞌʉa ẽjũãne zhãrã bꞌea.

Mateo 3:15

Mawũãĩ Jesúsbara panaʉ̃ mawũãsia: Mʉrã buru kꞌoedua, dazhara aramaʉ̃ne Daizezeba krĩñata aribꞌaedꞌaya. Mawũãĩ buru kꞌoesia.

Lucas 2:49

Mawũãĩ izhara mawũãsia: ¿Mʉrã kꞌãrẽã jʉrʉ panʉ? ¿Marãbara kꞌawuadꞌa ẽka mʉ Zezedꞌebemane mʉ nʉmaĩ barara?

Juan 8:29

Mʉ zokꞌadꞌara mʉ ũme bꞌʉa, aramaʉ̃ne mʉ Zezebara mʉrã dobꞌa kenabꞌari ẽã, mʉãrã ewariza obꞌʉba izha krĩñata.

Juan 19:28

Mawũãpe Jesúsbara izha oita bꞌadꞌara jõma aribꞌaeta kꞌawuape maʉ̃ zhi bꞌʉmata arimaẽ berabꞌarimarẽã mawũãsia: Mʉrã obisia kꞌobꞌʉa.

Mateo 9:19

Mawũãĩ Jesús piradrʉpe kꞌaidꞌu wãsia izha jʉrʉkuadꞌa bawara.