फिलिप्‍पि 4:8 - चितवनिया थारु

⁸ याखिरमा प्रियसभ, जथि सत्‍य बडइ, जथि महत्‍वपुरन बडइ, जथि ठिक बडइ, जथि न्‍यायसङगत बडइ, जथि सुद्ध बडइ, जथि प्रेम योग्‍य बडइ, जथि यादरनिय हसे प्रसंसाक योग्‍य बडइ इहे चिजुवामा मन लगोइह।

फिलिप्‍पि 4:8 Cross References

मतिक लिखल सुसमाचार 22:16

हुनुका यापन कतेक जन चेलवानिके हेरोद रजवाक मन्‍सावानिसाङे येसुजिक लघिना पठोलइ। हुनुका जाके येसुजिके कहलइ, “हे गुरुजि, हमार थाह बडइ कि, यपनहुँ इमान्‍दार बडहुँ, यपनहुँ परमेस्‍वरक पइडा मन्‍सावानिके डउलसे सत्‍यतासे सिखोसहुँ हसे याको जन कथि कहतइ कहके वास्‍ता हइने करसहुँ, केहकेकि यपनहुँ ककरो मुह हेरके व्‍यबहार हइने करसहुँ।

मरकुस 6:20

केहकेकि युहन्‍ना एगुडा धरमि हसे पवितर मन्‍से बडिय कहके हेरोदक थाह भेलेसे, युहन्‍नाके बचावे खोजिय। युहन्‍नाक बात सुनके हेरोदक मनवामा छटपट लगले फेनि उअ युहन्‍नाक बतवा खुसिसे सुनिय।

लुका 16:15

तब येसुजि हुनुकाके कहलसि, “तोहरा मन्‍सावानिक यागा त यपनहिँके धरमि देखावे खोजसह, बाकि परमेस्‍वर तोहार मनवामा कथि बडइ कहके जनससि, केहकेकि जथि चिजु मन्‍सावानिक लजरियामा मोलक हसइ, उअ चिजुवा परमेस्‍वरक तहिँया बिना मोलक हसइ।

लुका 2:25

उहे जुनवामा सिमियोन नाउँक एक जन मन्‍से यरुसलेममा रहलिय। उअ एक धारमिक हसे परमेस्‍वरक भक्‍ति करलाहर मन्‍से रहलिय। उअ इस्राएलि मन्‍सावानिक उद्धारक यसरामा रहलिय हसे पवितर-आत्‍मा वकरसाङे रहलसि।

लुका 23:50

तखनहिँ योसेफ नाउँक एक जन यसल हसे इमान्‍दार मन्‍से रहलिय, जुन महासभाक सदस्‍य फेनि रहलिय।

युहन्‍ना 7:18

जुने यपनेवरिसे फदकसइ, उअ यपने यादर खोजसिय, बाकि जुने यापन पठोलहराक यादर खोजसिय, उअ सत्‍य हखिय हसे वकरमा छलकपट हइने रहसइ।

प्रेरित 10:22

तब हुनुका कहलइ, “कप्‍तान कर्नेलियस हमराके पठोले बडसि। उअ डउल हसे परमेस्‍वरक डर मनलाहर मन्‍से हखिय। यहुदियाक जम्‍मे जन वकरेके यादर करसइ। यपनहुँके उअ घरवामा बलाके यपनहुँसे उपदेस सुनेके कहके स्‍वरगदुतवासे हुकुम पउले बडिय।”

प्रेरित 22:12

“वहवाँ हननिया नाउँक एक जन मन्‍से रहलिय। उअ मोसाक व्‍यवस्‍था पालन करलाहर एक जन धरमि मन्‍से रहलिय हसे जम्‍मे यहुदियाह वकरेके यादर करइ।

प्रेरित 6:3

हेरह भयवाह, याबे तोहार मधेसे पवितर-आत्‍मा हसे बुद्धिसे भरपुर डउल नाउँ चलल सात जनके छानह हसे इअ खइना-पिइनाक जिम्‍मा हुनुकाके देबहुँ।

रोमि 13:13

हमरा दिनक इजोरमा रहल नहिँया ठिकसे चलु। मोजमाजा करेके, मातल रहेके, धुचुड करेके, भ्रस्‍टचार करेके, झगडा करेके हसे डाह करेके छाडदेउ।

रोमि 13:3

केहकेकि यसल काम करलहराह हइने, बाकि खराब काम करलहरा सासकसभसे डेराए परतइ। कथि तोहरा सासक डर बिना रहे चाहबह? वसके भेले यसल काम करह हसे तोहराके हुनुका च्‍याबास देतइ।

रोमि 14:18

जुने यसने खलिकसे ख्रिस्‍टक सेवा करसिय, उअ परमेस्‍वरके खुसि बनोसिय हसे मन्‍सावानिसे यादर पउबिय।

रोमि 2:29

सदियो यहुदि उअ हखिय, जुने मनवासे यहुदि हखिय। सदियो खतना करना बात त लिखल नियम पालन करना बात मतरे हइने, बाकि पवितर-आत्‍मासे हृदय बदलाएके बात हखइ। यसनुक मन्‍सेक बखान त मन्‍सेसभसे हइने, बाकि परमेस्‍वरसे हसइ।

१ कोरिन्‍थि 4:5

उहेसे प्रभुजि नाहिँ यवइलइ ककरो न्याय झिन करिह। याबे यन्‍हारिमा लोकाइल चिजुके हुने इजोरमा यनबसि हसे मन्‍सावाक हृदयक विचारसभ परकट करदेबसि। तब जम्‍मे जन परमेस्‍वरसे पावे परना यापन प्रसंसा पउतइ।

२ कोरिन्‍थि 13:7

हमरा त तोहरा खराब काम झिन करह कहके परमेस्‍वरसे परथाना करसहुँ। हमरा यपनहिँके डउल देखावेके तहिँया हइने, बाकि हमरा जाँचमा असफल भेल नहिँया लगले ताफेनि तोहरा ठिक काम करे सकह कहके परथाना करसहुँ।

२ कोरिन्‍थि 6:8

मन्‍सावाह हमराके यादर करले फेनि यादर हइने करले फेनि, बदनाम बात फदकले फेनि, च्‍याबास कहले फेनि हमरा परमेस्‍वरक सेवा करसहुँ। हमरा इमान्‍दार बडहुँ बाकि मन्‍सावाह ठगहर कहसइ।

२ कोरिन्‍थि 8:18

हमारसाङे उअ भयवाके पठोइ बडहुँ, जाकर नाउँ जम्‍मे मन्‍डलियामा सुसमाचार परचारक कामक तहिँया चलल बडइ।

२ कोरिन्‍थि 8:21

केहकेकि हमरा प्रभुक यागा मतरे हइने, बाकि मन्‍सावानिक यागा जथि यादरनिय बडइ उहे करेके ध्‍यान देसहुँ।

गलाति 5:22

बाकि पवितर-आत्‍मा हमार जिवनमा इअ फरसभ फरोसिय: प्रेम, आनन्‍द, सान्‍ति, सहसान, दाया, भलाइ, विस्‍वस्‍तता,

एफिसि 4:25

उहेसे तोहरा हरेक जन झुठा फदकेके छडिह हसे एक-दोसरि जनसाङे सत्‍य फदकिह, केहकेकि हमरा जम्‍मे जन ख्रिस्‍टक देहियाक यङगसभ हखहुँ।

एफिसि 5:9

केहकेकि इजोरमा रहलाहर मन्‍से भलाइ करलाहर, इमान्‍दार हसे सत्‍य फदकलहर रहसइ।

एफिसि 6:14

उहेसे तोहरा सबदिन लडेके तहिँया तयार रहिह। सत्‍य बातके तोहरा पेटि नहिँया ठेकनवामा बनिह, सतरुसे यपनहिँके बचावेके तहिँया धारमिकताक छातिपाता लगोइह,

फिलिप्‍पि 3:1

याखिरमा मोर प्रियसभ, प्रभुमा आनन्‍दित हखिह। तोहराके उहे बतवा घर-घराहे लिखेके मोर झन्‍झट हइने लगसइ हसे इअ बतवा तोहार सुरछाक तहिँया हखइ।

कल्‍लसि 4:5

येसु ख्रिस्‍टके विस्‍वास हइने करलहरा मन्‍सावानिसाङे व्‍यबहार करइकि बुद्धियार भके व्‍यबहार करिह हसे तोहार पउलि मउकाके पुरा परयोग करिह।

१ थेसलोनिकि 4:12

ताकि, दोसरि मन्‍सावानिसे तोहरा यादर पउह हसे तोहरा ककरो वपरा फेनि भर परे नाहिँ परतइ।

१ तिमोथि 2:2

बिसेस करके राजा हसे जम्‍मे बडकि सरकारि हकिमवानिक तहिँया परथाना करिह, ताकि हमरा सुख-सान्‍तिसे परमेस्‍वरक भक्‍ति हसे यादरनिय जिन्‍गि बितावे सकुँ।

१ तिमोथि 3:11

वसनेकरते डिकनसभक जनियावाह फेनि यादर पावेके लाइक हखे परतइ। हुनुका दोसरे जनक निना करलाहर हइने, बरु यपनहिँके वसमा धरलाहर हसे जम्‍मे बतवामा विस्‍वासिलो हखे परतइ।

१ तिमोथि 3:4

उअ यापन घरवा डउलसे चलावे सकलाहर हसे वकर बेटवा-बेटियाह वकरेके यादर करलाहर हखे परतइ।

१ तिमोथि 4:12

तुइ ढोठनिया भेलेसे कुनहुँ फेनि तोरके तुच्‍छ झिन सोचइ। बाकि तोर बोलि-वचनमा, व्‍यबहारमा, प्रेममा, विस्‍वासमा हसे पवितरतामा विस्‍वासिसभक तहिँया तुइ एगुडा नमुना बनहि।

१ तिमोथि 5:10

वसने करके, उअ यसल काम करलेसे जम्‍मे जनसे यादर पावल हखे परतइ। उअ बचवानिके पालन-पोसन करल हसे पहुनावानिक सेवा-सत्‍कार करल हखे परतइ। उअ परमेस्‍वरक पवितर जनसभक टङवा धोउले हसे दुःखमा परलहरानिक मदत करल हखे परतइ। यसने याको यसल कामसभ करल हखे परतइ।

१ तिमोथि 5:2

वसने करके बुढि जनियानिके यापन दाओ हसे यापनसे छोटे उमेरक जनियानिके बहिन जोगके सुद्ध मनसे व्‍यबहार करसि।

तितस 1:8

बरु पहुनावानिके सेवा-सत्‍कार करलाहर, भलाइक काम मन परोलहर, ग्‍यानि, इमान्‍दार, पवितर हसे यपनहिँके अदलमा रखलाहर मन्‍से हखे परतइ।

तितस 2:14

हुने हमार जम्‍मे पापसे हमराके उद्धार देवेके हसे यसल काममा समरपित रहलहरानिके यापन तहिँया एगुडा जाति सुद्ध पारेके तहिँया यपनहिँके देलसि।

तितस 2:2

बुढ मरदाना मन्‍सेसभके संयमि, गम्‍भिर, इमान्‍दार हखेके सिखोइह। हुनुका विस्‍वास, माया हसे सहसानमा पाक्‍का हखे परतइ।

तितस 2:7

तुइ यापन जम्‍मे कमवामा हुनुकर यागा यपनहिँके यसल नमुना बनके देखोसि। तुइ इमान्‍दार हसे गम्‍भिर भके,

तितस 3:14

हमार मन्‍सावाह यसल काममा यापन जुन बितोइ, ताकि खाँ चाहि लगलि जुनवामा मदत करे सकइ। हुनुका काम बिनाक झिन रहइ।

हिब्रु 11:2

हमार पुरखवानिक इहे विस्‍वाससे परमेस्‍वरके खुसि बनोलिय।

हिब्रु 13:18

हमार तहिँया परथाना करइरहिह। हमरा निस्‍चित बडहुँ कि, हमार मनवा सुद्ध बडइ हसे हमरा जम्‍मे कमवा इमान्‍दारसे करे चाहसहुँ।

याकुब 1:27

परमेस्‍वर पिताक यागा सुद्ध हसे पवितर धरम इहे हखइ: टुवर हसे विधुवासभके हुनुकर कस्‍टमा देखभाल करेके तके यपनहिँके संसारक हइने डउल चिजुसे यलग राखेके हखइ।

याकुब 3:17

बाकि स्‍वरगसे याइल बुद्धि त सबसे पहिला सुद्ध, मिलाह, सोझ, विचारसिल, दयासे भराइल हसे यसल फरसे भरल, निस्‍पछय तके इमान्‍दार रहसइ।

१ पतरुस 1:22

यापन ददेर-भाइके सदि प्रेम करेके तहिँया तोहरा सत्‍य पालन करके पापसे सुद्ध भेल बडह, उहेसे तोहरा एक-दोसरि जनके हृदयसे यसल प्रेम करिह।

१ पतरुस 2:12

प्रभुमा विस्‍वास हइने करलहरानिक बिचा तोहरा यसल जिवन बितोइह, ताकि हुनुका तोहराके खराब काम करलाहर कहके दोस लगोले ताफेनि हुनुका तोहार यसल काम देखइ हसे परमेस्‍वरक न्‍याय करे यवइकि दिनवामा हुनेक महिमा करइ।

१ पतरुस 4:8

सबसे मुख्‍य बात इअ हखइ कि, तोहरा एक-दोसरि जनके पुरा मनसे प्रेम करिह, केहकेकि प्रेम बहुत पापके झपसिय।

२ पतरुस 3:1

प्रियसभ, तोहराके लिखलि इअ मोर दोसरो चिठि हखइ। इअ दुन्‍हु चिठियामा मुइ कतेक बात सम्‍झाना कराके तोहराके ठिकसे विचार करेके तहिँया तोहार सुद्ध मनके उत्‍साहित बनावेके कोसिस करइ बडहिँ।

१ युहन्‍ना 3:18

मोर सोगोलि छोकनियाह, हमरा बतवा हसे मुहवासे मतरे प्रेम नाहिँ करु, हमार प्रेम सदि हखे परतइ। यसनुक प्रेम कामसे देखार हसइ।

१ युहन्‍ना 3:3

ख्रिस्‍टमा इअ यासा करलहरा जम्‍मे जन हुने पवितर भेल नहिँया यपनहिँके सुद्ध बनोसइ।

१ युहन्‍ना 4:1

प्रियसभ, मुइ परमेस्‍वरक आत्‍मासे फदकइ बडहिँ कहके कहलाहर हरेक जनके विस्‍वास झिन करिह। बाकि हुनुका परमेस्‍वरसे याइल हखइ कि हइने कहके हुनुकर जाँच करिह। केहकेकि बहुत जन झुठा अगमवक्‍तासभ इअ संसारमा निकडल बडइ।