फिलिप्‍पि 4:3 - चितवनिया थारु

³ मोर विस्‍वासयोग्‍य सहकरमि, मुइ तोहराके बिन्‍ति करइ बडहिँ कि, इअ दु जन जनिनियानिके मदत करिह, केहकेकि हुनुका मोरसाङे सुसमाचार सुनावेके काममा क्‍लेमेससाङे हसे मोर याको बाँकि रहलि सहकरमिसभसाङे मेहनत करले बडइ, उअ जम्‍मे मन्‍सावानिक नाउँ परमेस्‍वर यापन कितबवामा लिखले बडसि, जुने सबदिन जियतइ।

फिलिप्‍पि 4:3 Cross References

लुका 10:20

बाकि आत्‍मासभ तोहार वसमा यतइ कहके झिन गग्‍गसिह, बरु तोहार नाउँ स्‍वरगमा लिखाइल बडइ कहके गग्‍गसिह।”

रोमि 12:1

उहेसे प्रियसभ, परमेस्‍वर तोहराके दाया करलेसे मुइ तोहराके अनुरोध करबहिँ कि, तोहरा यपनहिँके पवितर हसे परमेस्‍वरक मन परना जिउते भोगक रुपमा चढोइह। तोहार आत्‍मासे करे परना सदि सेवा फेनि इहे हखइ।

रोमि 16:12

प्रभुक तहिँया खाँ दुःख करलाहर जनियानिसभ तुरुफेना हसे तुरुफोसा परसिसके अभिवादन कहदिह। वसने प्रभुक तहिँया खाँ दुःख करलाहर जनियानि परसिसके अभिवादन कहदिह।

रोमि 16:9

ख्रिस्‍टमा हमार सहकरमि उरबानस हसे मोर प्रिय सङहाति स्‍ताखुसके अभिवादन कहदिह।

फिलिप्‍पि 1:12

अरे भयवाह, तोहरा इअ जनह कहके मुइ चाहसहिँ कि, जथि खराब चिजु मोरमा यहवाँ घटलइ, वकरसे बहुत मन्‍सेसभके ख्रिस्‍टक बारेमा यसल समाद सुनेके मदत पुगल बडइ।

फिलिप्‍पि 1:16

मुइ सुसमाचारक सुरछाक तहिँया यहवाँ झ्‍यालखनवामा बडहिँ कहके जनलहरा इअ कमवा हुनुका प्रेमसे करसइ।

फिलिप्‍पि 1:27

मुख्‍य बात इअ हखइ कि, तोहार जिवन ख्रिस्‍टक सुसमाचारक तहिँया योग्‍यक हखइ। उहेसे मुइ तोहराके भेटले फेनि, हइने भेटले फेनि तोहरा एगुडा उदेस्‍य लेके डटके बडह हसे एके मन भके सुसमाचारक विस्‍वासक तहिँया परिसरम करइबडह कहके मुइ सुने पाउ।

फिलिप्‍पि 1:5

केहकेकि तोहरा सुरुसे यखनिलइ सुसमाचारक काममा सझिया बडह।

फिलिप्‍पि 1:7

मुइ झ्‍यालखनवामा हसे बाहरा रहइकि तोहरा जम्‍मे जन मोरसाङे सुसमाचार फइलावेके काममा सहभागि भेल बडह। इअ काम परमेस्‍वर दाया करके देले हखसि। उहेसे मुइ तोहरा जम्‍मे जनके यापन हृदयमा रखले बडहिँ। इअ करेके तहिँया मोर ठिक लगलइ।

फिलिप्‍पि 4:2

मुइ इयोदिया हसे सन्‍तुखेके प्रभुमा एक मनक हखिह कहके तोहराके बिन्‍ति करइ बडहिँ।

कल्‍लसि 1:7

इहे बतवा तोहरा हमार प्रिय सहकरमि इपाफ्राससे सिखलह। उअ हमारसाङे काम करलाहर हमार प्रतिनिधिक रुपमा ख्रिस्‍टक सेवा करलाहर विस्‍वासयोग्‍य सेवक हखिय।

प्रकास 13:8

संसारक सरिस्‍टिसे पहिलहिँ मारलि पठवाक जिन्‍गिक कितबावामा नाउँ हइने लिखइलि धरतियामा रहलहरा जम्‍मे जन उअ पसुवाके पुजा करतइ।

प्रकास 17:8

उअ पसुवा पहिला जिउते रहलिय, बाकि उअ यखनि जिउते हइने बडिय। उअ अतल-कुन्‍डसे निकडबिय हसे नस्‍ट हखबिय। धरतियाक सिरिस्‍टिसे पहिला जिवनक कितबवामा नाउँ हइने लिखइलि संसारक मन्‍सावाह उअ पसुवाके देखके यचम्‍म मनतइ, केहकेकि उअ एक समयमा जिउते रहलिय, यखनि मरल बडिय। बाकि उअ फेरि देखा परबिय।

प्रकास 20:12

मुइ जबड हसे झिनिक जम्‍मे मरलि मन्‍सावानिके सिंहासनक यागा ठडियाइल देखलहिँ हसे कितबवाह खोलेलइ। दोसरि कितबवा फेनि खोलेलइ, जुन जिवनक किताब हखइ। उअ कितबवाहमा लिखइलि यनुसार, हुनुकर काम यनुसार मरलिसभक न्‍याय भेलइ।

प्रकास 20:15

जाकर नाउँ जिवनक कितबवामा हइने लिखाइल रहलइ, हुनुका जम्‍मे जन यगियाक भठियामा फकेलइ।

प्रकास 21:27

बाकि कुनहुँ असुद्ध चिजु, घिन लगना काम हसे झुठा फदकेलहरासभ कसहुँकरके वकर भितरा नाहिँ पेसतइ। वकर भितरा पठवाक कितबवामा नाउँ लिखइलि मन्‍सावाह मतरे पेसे पउतइ।

प्रकास 3:5

जुने दुस्‍टक सक्‍तिके जितसइ, उअ यसनुक गोरहर लुगा पेहरबिय, मुइ वकर नाउँ जिवनक कितबवासे कबहुँ नाहिँ मेटा देबहिँ। मुइ वकरेके मोर मन्‍से हखिय कहके यापन पिता हसे हुनेक स्‍वरगदुतवानिक यागा स्‍विकार करबहिँ।