फिलिप्‍पि 4:21 - चितवनिया थारु

²¹ येसु ख्रिस्‍टमा भेलि जम्‍मे परमेस्‍वरक जनके मोर अभिवादन बडइ। यहवाँ मोरसाङे रहलहरा जम्‍मे भयवाह तोहराके अभिवादन पठोले बडइ।

फिलिप्‍पि 4:21 Cross References

मतिक लिखल सुसमाचार 5:47

केहकेकि यगर तोहरा यापन ददेर-भाइके मतरे नमस्‍कार करबह जउँ, याको जनसे कथि जबड काम करलह त? अयहुदियाह वसने करसइ।

१ कोरिन्‍थि 1:2

कोरिन्‍थ सहरवामा भेलि परमेस्‍वरक मन्‍डलियाक विस्‍वासिसभ, जुने ख्रिस्‍ट येसुमा पवितर बनावल बडइ हसे हुनेक पवितर जन हखेके तहिँया बलोलिसभ तके चारिवरसे जुने प्रभु येसुके परथाना करसइ, उअ जम्‍मे जनके इअ चिठिया लिखइ बडहुँ। हुनेहिँ हुनुकर हसे हमार जम्‍मे जनक प्रभु हखसि।

गलाति 1:2

मुइ हसे मोरसाङे भेलि विस्‍वासिसभक दफवासे गलातिया परदेसक मन्‍डलियानिके इअ चिठिया लिखइ बडहिँ।

गलाति 2:3

हुनुका मोर देलि सिछा ठिक रहलइ कहके सहमत भेलइ। उहेसे मोरसाङे रहलहरा तितस अयहुदि भेले ताफेनि हुनुका वकरेके खतना करेके कर हइने लगोलइ।

एफिसि 1:1

मुइ पावल, परमेस्‍वरक इछासे चुनाइल येसु ख्रिस्‍टक एक जन प्रेरित हखहि। मुइ एफिसस सहरवामा रहलाहर परमेस्‍वरक जनसभ, जुने पुरा हृदयसे येसु ख्रिस्‍टक पाछा लागल बडइ, हुनुकाके इअ चिठिया लिखइ बडहिँ।

फिलिप्‍पि 1:1

येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 4:7

परमेस्‍वर तोहार मनवामा सान्‍ति देबसि, केहकेकि येसु ख्रिस्‍टमा तोहरा एक भेल बडह। इअ सान्‍ति तोहार बुझे सकलिसे जबड बडइ। इअ तोहार हृदय हसे मनवाके चिन्‍तासे बचोबिय।