फिलिप्‍पि 3:12 - चितवनिया थारु

¹² मुइ जम्‍मे यगाहे चिजु करसकलहि कि, मुइ सिद्ध भेसकलहि कहके हइने कहइ बडहिँ, बाकि मुइ उअ चिजुवा पकडेके तहिँया यागा बढइ बडहिँ, जुन चिजुक तहिँया ख्रिस्‍ट मोरके छानलसि। मुइ हुनेक नहिँया हखे सकहि कहके छानलसि।

फिलिप्‍पि 3:12 Cross References

मतिक लिखल सुसमाचार 5:48

उहेसे, जसने स्‍वरगमा रहलाहर तोहार पिता सिद्ध बडसि, तोहरा फेनि वसने सिद्ध हखे परतइ।”

प्रेरित 9:15

बाकि प्रभुजि हननियाके कहलसि, “तुइ जाहि, केहकेकि मुइ वकरेके अयहुदियानिके, रजवानिके हसे इस्राएलियानिके मोर बारेमा परचार करेके तहिँया चुनले बडहिँ।

रोमि 8:39

न वपरा यकसवा हसे न तर धरतियामा भेलि सक्‍तिसभ, न सिरिस्‍टि भेलि कुनहुँ सक्‍ति येसु ख्रिस्‍ट हमार प्रभुमा भेल परमेस्‍वरक प्रेमसे हमराके यलग करे सकतइ।

१ कोरिन्‍थि 13:10

बाकि जब जम्‍मे चिजु पुरा हखेके समय यतइ, तब हमार अधुरा ग्‍यान हसे हमार फदकलि अधुरा अगमवाडिक यन्‍त हतइ।

१ कोरिन्‍थि 13:12

यखना हमरा यइनावामा धुनरार देखसहुँ, बाकि उअ समयमा हमरा मुहा-मुहिँ देखबहुँ। यखनि मुइ अधुरा बात मतरे जनसहिँ, बाकि उअ समयमा परमेस्‍वर मोर बारेमा जम्‍मे बतवा जनले नहिँया, मुइ फेनि जम्‍मे बतवा जनबहिँ।

१ कोरिन्‍थि 9:24

कथि तोहार हइने थाह बडइ, दउडमा भाग लेलहरवाह जम्‍मे जन दगुरसइ, बाकि पुरस्‍कार एक जन मतरे पउसइ? उहेसे पुरस्‍कार पावेके तहिँया दगुरिह।

२ कोरिन्‍थि 13:9

हमरा कमजोर भेले ताफेनि तोहरा बरियार बडह कहके हमरा खुसि बडहुँ हसे तोहरा सिद्ध बने सकह कहके हमरा परथाना करसहुँ।

२ कोरिन्‍थि 7:1

उहेसे प्रिय सङहतियवाह, परमेस्‍वर हमराके इअ प्रतिग्यासभ देलेसे, हमार देहिया हसे आत्‍माके असुद्ध परना जम्‍मे खलिक चिजुसे हमरा तनाउ रहुँ तके परमेस्‍वरक डर मनते याको पवितर हखते जाउँ।

गलाति 5:17

केहकेकि हमार मनवाक पाप स्‍वभावक चाहना पवितर-आत्‍माक चाहनाक विरोध करसइ हसे पवितर-आत्‍माक चाहना हमार मनवाक पाप स्‍वभावक चाहनाक विरोध करसइ। इअ दुन्‍हु एक-दोसरिक विरोध करसइ, उहेसे तोहार करे खोजलि कमवा करे हइने सकसह।

एफिसि 1:4

हुने संसारके सिरिस्‍टि करलिसे पहिला ख्रिस्‍टमा हमराके यापन लजरियामा पवितर हसे निरदोस बनावेके तहिँया छानलसि।

एफिसि 4:12

ताकि हुनुका ख्रिस्‍टक पवितर जनसभके परमेस्‍वरक सेवाक तहिँया तयार करइ हसे ख्रिस्‍टक देहि, जुन मन्‍डलिक विस्‍वासिसभ हखइ, हुनुकाके बरियार बनोइ।

फिलिप्‍पि 1:1

येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 3:16

बात जथि भेले फेनि, परमेस्‍वरसे हमरा जथि सदि सिछा पउले बडहुँ, उहे यनुसार जिवन बिताउ।

फिलिप्‍पि 3:3

केहकेकि परमेस्‍वर एकपल्‍टा हमराके सदि खतना भेल मन्‍सेसभ नहिँया मनले रहलसि, केहकेकि हमरा परमेस्‍वरक आत्‍माक मदतसे हुनेक आराधना करसहुँ हसे येसु ख्रिस्‍टमा गरव करसहुँ। हमरा मन्‍सेसभक बनावल रितिथितिमा भरोसा करे परतइ कहलि हइने मनसहुँ। परमेस्‍वरक गरहनयोग्‍य हखेके तहिँया हमरा उअ रितिथितिसभमा भरोसा हइने करसहुँ।

फिलिप्‍पि 3:8

सदियो कहले येसु ख्रिस्‍ट मोर प्रभु हखसि कहके चिने पावेके बहुमुल्‍य बातक तुलनामा मुइ जम्‍मे चिजुके बेकामक ठानसहिँ। हुनेके पावे सकहि कहके मुइ जम्‍मे चिजु त्‍याग देले बडहिँ हसे उअ जम्‍मे चिजु घुर नहिँया सम्‍झसहिँ,

१ थेसलोनिकि 5:15

तोहरा ककरहुँके फेनि खराबक बदला खराब झिन करिह, बाकि एक-दोसरि जनके हसे सकभर जम्‍मे मन्‍सावानिके सबदिन भलाइ करिह।

२ थेसलोनिकि 2:13

प्रभुक प्रियसभ, तोहार तहिँया सबदिन हमरा परमेस्‍वरके धन्‍यवाद चढोहिँ परतइ, केहकेकि परमेस्‍वर तोहराके उद्धार देवेके तहिँया पहिलासे चुनले बडसि। इअ उद्धार पवितर-आत्‍माक पवितर बनउना काम हसे तोहार सत्‍यमा विस्‍वास करलेसे यसइ।

१ तिमोथि 5:10

वसने करके, उअ यसल काम करलेसे जम्‍मे जनसे यादर पावल हखे परतइ। उअ बचवानिके पालन-पोसन करल हसे पहुनावानिक सेवा-सत्‍कार करल हखे परतइ। उअ परमेस्‍वरक पवितर जनसभक टङवा धोउले हसे दुःखमा परलहरानिक मदत करल हखे परतइ। यसने याको यसल कामसभ करल हखे परतइ।

१ तिमोथि 6:19

इअ करके हुनुका यापन तहिँया एगुडा पाका जगक सदि धन भविस्‍यक तहिँया जामा करसइ, ताकि हुनुका सदि जिवनके पकडले रहे सकतइ।

हिब्रु 12:14

तोहरा जम्‍मे मन्‍सेसभसे मिलके सान्‍तिसे रहेके हसे पवितर जिवन बितावेके कोसिस करिह, केहकेकि पवितर नाहिँ हखके कुनहुँ फेनि प्रभुके देखे नाहिँ सकतइ।

हिब्रु 12:23

तोहरा याको विस्‍वासियवानिसाङे मिलके पहिला जरमल बेटा नहिँया भेल बडह, जाकर नाउँ स्‍वरगमा लिखाइल बडइ। तोहरा जम्‍मे मन्‍सावानिक न्याय करलाहर लघिना याइल बडह। तोहरा स्‍वरगमा भेलि सुद्ध भेल धारमिक आत्‍मासभ लघिना याइल बडहुँ।

हिब्रु 13:21

याबे तोहरा हुनेक इछा पुरा करे सकह कहके सान्‍ति देलाहर परमेस्‍वर तोहराके सछम बनोसि हसे हुनेक मन परना बातसभ तोहारमा हखइ कहके हुने येसु ख्रिस्‍टसे तोहार हृदयमा काम करसि। येसु ख्रिस्‍टक सबदिन जयजयकार हखइ। आमेन।

याकुब 3:2

केहकेकि हमरा जम्‍मे जन बहुत गल्‍ति करइ रहसहुँ। यगर कुनहुँ मन्‍से यापन फदकलि बतवामा गल्‍ति नाहिँ करबिय जउँ, उअ सिद्ध मन्‍से हखिय। उअ यपनहिँके वसमा राखे सकबिय।

१ पतरुस 5:10

तोहरा किहो समय कस्‍ट भोगलेपर, हमार महान दयगर परमेस्‍वर, जुने तोहराके ख्रिस्‍टमा अनन्‍त महिमामा सहभागि हखेके तहिँया बलोले बडसि, हुने यपनहिँ तोहराके फेरि स्‍थापना करबसि, सिद्ध बनोबसि, बरियार बनाके स्‍थिर करबसि।

२ पतरुस 3:18

बरु हमार प्रभु हसे मुक्‍ति देलाहर येसु ख्रिस्‍टक अनुग्रह हसे हुनेक लजिके सम्‍बन्‍धमा हमरा बढते जाए सकुँ। हुनेक महिमा यखनि हसे सबदिन हखइ। आमेन।