फिलिप्‍पि 2:8 - चितवनिया थारु

⁸ वसने मन्‍सेक रुप धारन करके हुने यपनहिँके नम्र बनोलसि, हसे मृत्‍युलइ मतरे हइने, क्रुसक मृत्‍युलइ आग्‍याकारि भेलसि।

फिलिप्‍पि 2:8 Cross References

मतिक लिखल सुसमाचार 17:2

पहडावा वपरा पुगलेपर चेलवाह हेरते-हेरते येसुजिक भेस बदलेलइ हसे हुनेक मोहडवा बेरिया नहिँया तके लुगवा बिजुलिक चहकार नहिँया गोरहर भेलइ।

मतिक लिखल सुसमाचार 26:39

हुने इचिका यगाहे जाके घोप्‍टे परके यसके परथाना करे लगलसि, “हे मोर पिता, हखे सकतइ जउँ इअ कस्‍टक कचोरवा मोरसे होटा देहुँ, बाकि मोर इछासे हइने, यपनहुँक इछा पुरा हखइ।”

मतिक लिखल सुसमाचार 26:42

हुने फेरि जाके दोसरि पारि यसके कहके परथाना करलसि, “हे मोर पिता, यगर इअ कस्‍टक कचोरवा पियहि परतइ जउँ, यपनहुँक इछा पुरा हखइ।”

लुका 9:29

जब येसुजि परथाना करइ रहलसि, तखनहिँ येसुजिक मोहडावाक रुप बदलेलइ हसे हुनेक लुगवा बिजुलि नहिँया चहकार गोरहर भेलइ।

युहन्‍ना 10:18

कुनहुँ फेनि मोर प्रान मोरसे लेवे नाहिँ सकतइ, बाकि मुइ यपने राजिखुसिसे यापन प्रान देसहिँ। यापन प्रान देवेके अधिकार मोरसाङे बडइ हसे फेरि लेवेके अधिकार फेनि बडइ। इअ आग्या मुइ मोर पितासे पउले बडहिँ।”

युहन्‍ना 14:31

बाकि मुइ पिताके प्रेम करसहिँ हसे जम्‍मे कमवा हुनेक आग्या यनुसार करसहिँ कहके संसारक जम्‍मे मन्‍सावाह जाने परतइ। “उठह, याबे हमरा यहवाँसे जाउँ।”

युहन्‍ना 15:10

यगर तोहरा मोर आग्‍यासभ पालन करबह जउँ तोहरा मोर प्रेममा रहबह, जसने मुइ मोर पिताक आग्यासभ पालन करले बडहिँ हसे हुनेक प्रेममा रहसहिँ।

युहन्‍ना 4:34

बाकि येसुजि हुनुकाके कहलसि, “मोर खइना चिजु त मोरके पठोलहराक इछा यनुसार चलेके हसे हुनेक काम पुरा करेके हखइ।

प्रेरित 8:33

हुनेक बिजेत भेलइ, हुने ठिक न्‍याय हइने पउलसि। कुनहुँ फेनि हुनेक सन्‍तानसभक बारेमा कहे नाहिँ सकतइ, केहकेकि हुनेक जिवन इअ धरतियामा यन्‍त भेल बडइ।”

रोमि 5:19

एक जन मन्‍से आदम आग्‍या पालन हइने करलेसे बहुत जन पापि भेलइ। वसने एक जन मन्‍से येसुजिक आग्‍या पालन करलेसे बहुत मन्‍सेसभ परमेस्‍वरक यागा ठिक ठहरतइ।

२ कोरिन्‍थि 8:9

केहकेकि हमार प्रभु येसु ख्रिस्‍टक अनुग्रह तोहार थाहे बडइ, हुने धनि रहलसि, ताफेनि तोहार तहिँया हुने गरिब हखलसि, ताकि हुनेक गरिबिसे तोहरा धनि हखे सकह।

गलाति 3:13

बाकि कुनहुँ फेनि व्‍यवस्‍था पालन करे नाहिँ सकतइ, उहेसे हमरा जम्‍मे जन दन्‍ड पावेके योग्‍य रहलहुँ। बाकि ख्रिस्‍ट हमराके व्‍यवस्‍थासे यइना दन्‍डसे छुटकारा देलसि, जब हुने क्रुसवामा मरलसि, हुने हमार पावे परना गल्‍तिक दन्‍ड यपनहिँ सहलसि। केहकेकि धरमसास्‍तरवामा यसके लिखाइल बडइ, “जकरेके मारके गछवामा टङले रहसइ, उअ परमेस्‍वरसे दन्‍ड पउले रहसिय।”

तितस 2:14

हुने हमार जम्‍मे पापसे हमराके उद्धार देवेके हसे यसल काममा समरपित रहलहरानिके यापन तहिँया एगुडा जाति सुद्ध पारेके तहिँया यपनहिँके देलसि।

हिब्रु 12:2

हमार दगुरमा हमरा येसुजिके हेरु, केहकेकि हुनेहिँ हमार विस्‍वास सुरु करलाहर हसे पुरा करलाहर हखसि। हुनेक यागा राखदेलि आनन्‍दक तहिँया यपमानके किहो हइने ठानके क्रुसक कस्‍ट भोगलसि हसे परमेस्‍वरक सिंहासनक दहिनिकलहरवा बेठल बडसि।

हिब्रु 12:4

तोहरा पापक विरोधमा लडे परइकि यखनिलइ यापन प्रान गुमावे त हइने परल बडइ।

१ पतरुस 2:24

हमरा पापक तहिँया मरके धारमिकताक तहिँया जिय सकुँ कहके ख्रिस्‍ट हमार पापसभ यापन देहियामा क्रुसवामा बोकलसि। हुनेक चोटवासे तोहरा डउल भेल बडह।

१ पतरुस 3:18

केहकेकि हमराके परमेस्‍वरमा पुगावेके तहिँया ख्रिस्‍ट धरमि भके फेनि अधरमिसभक पापक तहिँया एकपल्‍टा दुःख भोगलसि। हुने देहियामा मरलसि, बाकि परमेस्‍वर हुनेके आत्‍मामा जिउतोलसि,