5 तोहार यसनुक स्वभाव हखइ, जसने येसु ख्रिस्टक रहलइ।
मोर पलवा बोकह हसे मोरसे सिखह, केहकेकि मुइ मइगर हसे नम्र हृदयक बडहिँ तके तोहरा यापन आत्मामा विसराम पउबह।
याबे मोरके कहह, खाए बेठलाहर बडके हखिय कि बटलाहरा बडके हखिय? खाए बेठलाहर हइने त? बाकि मुइ तोहार बिचा बटलाहर सेवक नहिँया भेल बडहिँ।
परमेस्वर नासरतक येसुजिके पवितर-आत्मा हसे सक्तिसे अभिसेक करलसि। वकरपाछा येसुजि डउल काम करते तके भुतवा लगलि मन्सावानिके डउल बनोते जम्मे ठउरियामा गेलसि, केहकेकि परमेस्वर हुनेसाङे रहलसि।
मुइ जम्मे चिजुवा यापन कमवासे तोहराके देखोले बडहिँ। जसने प्रभु येसु, ‘लेवेकेसे त देवेके झन यसल हखइ’ कहके कहले बडसि, तोहरा फेनि उअ समझके यसने मेहनत करके कमजोर मन्सावानिके मदत करिह।”
यगर तुइ जथि खेबहि उअ चिजुवासे याको विस्वासिसभक चित दुखतइ जउँ, तुइ प्रेम हइने करसहि। जाकर तहिँया ख्रिस्ट मरलसि, बाकि तोर खइलि उअ चिजुवासे नास झिन हखइ।
केहकेकि ख्रिस्ट फेनि यपनहिँके खुसि पारेके काम हइने करलसि। जसने धमरसास्तरवामा लिखाइल बडइ, “यपनहुँके निना करलहरा मोरके निना करले बडइ।”
परमेस्वर सहेके सक्ति हसे उत्साहक स्रोत हखसि। तोहराके येसु ख्रिस्टक चालमा चलेके हसे एक-दोसरि जनसाङे एक मन हखेके सक्ति दिय।
जसने मुइ फेनि यपनहिँके खुसि पारना काम हइने करके जम्मे काममा याको जनके फाइदा करे खोजसहि, ताकि बहुत जन उद्धार पावे सकइ।
तोहरा एक-दोसरि जनके प्रेम करिह, जसने ख्रिस्ट फेनि हमराके प्रेम करलसि हसे हुने हमार तहिँया परमेस्वरक यागा यपनहिँके सवाद बसान भेटि तके भोगक रुपमा यरपन करलसि।
येसु ख्रिस्टक दास पावल हसे तिमोथिवरिसे, फिलिप्पि सहरवामा रहलहरा परमेस्वरक उअ पवितर जनसभ जुने येसु ख्रिस्टमा एक भेल बडइ, मन्डलिक बिसपसभ हसे डिकनसभके इअ चिठिया लिखइ बडहुँ।
यकरे तहिँया परमेस्वर तोहराके बलोले बडसि। ख्रिस्ट फेनि तोहार तहिँया दुःख भोगलसि हसे तोहार तहिँया एगुडा उदाहरन भेल बडसि, ताकि तोहरा फेनि हुनेक पइडामा बुलह।
ख्रिस्ट देहियामा दुःख भोगलेसे, तोहरा फेनि हुनेक नहिँया सोच रखिह, केहकेकि जुने देहियामा दुःख भोगले रहसिय उअ पापसे तनाउ रहसिय।
जुने परमेस्वरमा रहसहिँ कहके कहसिय, उअ येसुजिक नहिँया जिन्गि जियपरतइ।
