फिलिप्‍पि 2:18 - चितवनिया थारु

¹⁸ वसने तोहरा फेनि खुसि हखिह हसे मोरसाङे आनन्‍द मनावे सकह।

फिलिप्‍पि 2:18 Cross References

एफिसि 3:13

उहेसे मुइ तोहराके बिन्‍ति करबहिँ कि, तोहार तहिँया मोर भोगलि कस्‍ट देखके तोहरा निरास झिन हखिह। इअ तोहार तहिँया यादरक बात हखइ।

फिलिप्‍पि 2:17

तोहार चढोलि विस्‍वासक भोगवामा मुइ यापन रकत भोगक रुपमा बहावे परले, ताफेनि मुइ यकरमा खुसि बडहिँ हसे मोर खुसिमा तोहरा फेनि सहभागि हखिह।

फिलिप्‍पि 2:19

यगर प्रभु येसुजिक इछा बडइ जउँ, मुइ तोहार लघिना तिमोथिके हलहालि पठावेके यासा करइ बडहिँ, ताकि तोहार हालखबर पाके मुइ फेनि खुसि हखे सकुँ।

फिलिप्‍पि 3:1

याखिरमा मोर प्रियसभ, प्रभुमा आनन्‍दित हखिह। तोहराके उहे बतवा घर-घराहे लिखेके मोर झन्‍झट हइने लगसइ हसे इअ बतवा तोहार सुरछाक तहिँया हखइ।

फिलिप्‍पि 4:4

तोहार प्रभुसाङे सम्‍बन्‍ध भेलेसे सबदिन आनन्‍द मनोइह! मुइ फेरि कहइ बडहिँ, आनन्‍द मनोइह!