फिलिप्‍पि 1:27 - चितवनिया थारु

²⁷ मुख्‍य बात इअ हखइ कि, तोहार जिवन ख्रिस्‍टक सुसमाचारक तहिँया योग्‍यक हखइ। उहेसे मुइ तोहराके भेटले फेनि, हइने भेटले फेनि तोहरा एगुडा उदेस्‍य लेके डटके बडह हसे एके मन भके सुसमाचारक विस्‍वासक तहिँया परिसरम करइबडह कहके मुइ सुने पाउ।

फिलिप्‍पि 1:27 Cross References

मतिक लिखल सुसमाचार 12:25

येसुजि हुनुकर मनवाक विचार बुझके यसके कहलसि, “जुन राजमा फुट हसइ उअ राज नास हतइ। वसने करके कुनहुँ सहर कि परिवारमा फुट बडइ जउँ उअ फेनि नास हतइ।

प्रेरित 2:46

हुनुका सबदिन एक मन भके मन्‍दिरवामा बटियाइ हसे घर-घरवामा प्रभु-भोज खाइ। हुनुका पवितर हृदयसे खुसि भके सङहि जेउना करइ रहलइ।

प्रेरित 24:24

वकर किहो दिन पाछा फेलिक्‍स यापन जनियावा द्रुसिल्‍लाके लेले यलिय। उअ यहुदि जातिक रहलिय। हुनुका पावलके बलाके येसु ख्रिस्‍टके विस्‍वास करेके बारेमा वकरसे सुनलइ।

प्रेरित 4:32

याबे येसुजिमा विस्‍वास करलहरा जम्‍मे जन एके मन हसे एके हृदयक रहलइ। हुनुकरसाङे भेलि जम्‍मे चिजुवा हुनुका यापन निजि सम्‍पति कहके हइने सम्‍झइ, बाकि हुनुका यापनसाङे भेलि जम्‍मे चिजुवा एक-दोसरि जनसाङे बाटचिट करइ।

रोमि 1:16

मुइ सुसमाचार सुनावेके हइने लजेसहिँ, केहकेकि विस्‍वास करलहरा जम्‍मे मन्‍सावानिक तहिँया इअ सुसमाचार मुक्‍ति देना परमेस्‍वरक सक्‍ति हखइ। विस्‍वास करेके मउका पहिला यहुदि मन्‍सावाह पउलइ, याबे अयहुदि मन्‍सावाह फेनि पउले बडइ।

रोमि 1:5

हमार प्रभु येसु ख्रिस्‍टसे परमेस्‍वर हमराके दाया देखाके प्रेरित बनोलसि हसे जम्‍मे जातिक मन्‍सावाह विस्‍वास करइ तके हुनेक कहलि बतवा मनइ कहके हुनेक नाउँमा मोरके पठोले हखसि।

रोमि 1:9

मुइ हृदयसे परमेस्‍वरक पुतरक बारेमा सुसमाचार परचार करके हुनेक सेवा करसहिँ। मुइ परथाना करइकि तोहराके सबदिन सम्‍झसहिँ कहलि बतवाक साछि परमेस्‍वर बडसि।

रोमि 10:8

बाकि धरमसास्‍तरवा यसके कहसिय, “परमेस्‍वरक वचन तोर लजिके बडइ, तोर मुहवा हसे तोर हृदयमा बडइ।” हमार परचार करलि विस्‍वासक बारेमा यसल समादक बात इहे हखइ कि,

रोमि 15:16

अयहुदि मन्‍सावानिक बिचा येसु ख्रिस्‍टक सेवक मोरके बनोलसि। पुजेरिया परमेस्‍वरके मन परना भेटि चढोले नहिँया मुइ फेनि अयुदियानिके सुसमाचार सुनाके सेवाक काम करसहिँ, ताकि हुनुका पवितर-आत्‍मासे सुद्ध हखे सकइ।

रोमि 15:29

मोर थाह बडइ कि, जब मुइ तोहार लघिना यबहिँ, येसु ख्रिस्‍टक पुरा आसिस लेके यबहिँ।

१ कोरिन्‍थि 1:10

प्रियसभ, मुइ तोहराके प्रभु येसु ख्रिस्‍टक नाउँमा बिन्‍ति करइ बडहिँ कि, तोहरा जम्‍मे जन एक-दोसरि जनसाङे सहमत हखिह हसे तोहार बिचा फुट झिन हखइ, बरु तोहरा एके मनक तके एके उदेस्‍यक हखह।

१ कोरिन्‍थि 15:58

उहेसे मोर प्रिय भयवाह, विस्‍वासमा बरियार हसे यटल रहिह। प्रभुक काममा सबदिन बढते जइह, केहकेकि तोहरा जनसह कि, प्रभुक तहिँया तोहार करलि मेहनत व्‍यरथमा नाहिँ जेतइ।

२ कोरिन्‍थि 13:11

याखिरमा, प्रियसभ, याबे मुइ बिदा हखइकि, तोहराके इअ कहे चाहबहिँ कि, आनन्‍दित रहिह, तोहरा सिद्ध बनेके कोसिस करिह, एक-दोसरि जनके उत्‍साह दिह, सान्‍तिमा रहिह हसे सान्‍ति तके प्रेम देलाहर परमेस्‍वर तोहारसाङे रहबसि।

२ कोरिन्‍थि 4:4

ख्रिस्‍ट जुने परमेस्‍वरक स्‍वरुप हखसि, हुनेक महिमित सुसमाचारक ज्‍योतिके झिन देखइ कहके इअ संसारक देउतवा सइतनवा, ख्रिस्‍टमा विस्‍वास हइने करलहरा मन्‍सावानिक बुझ्‍ना सक्‍तिके यान्‍हर बनादेले बडिय।

२ कोरिन्‍थि 9:13

इअ कमवासे तोहरा कसनुक बडह कहल बात मन्‍सावानिके देखोले बडह। तोहरा ख्रिस्‍टक सुसमाचार विस्‍वास करके आग्‍याकारि भेल बात हसे तोहरा खुल्‍ला हृदयसे देलि भेटिया परमेस्‍वरक महिमा हतइ।

गलाति 1:7

सदियो इअ हखइ, ख्रिस्‍टक बारेमा याको दोसरे सदियो सिछा हइने बडइ, बाकि कतेक जन मन्‍सेसभ तोहराके भरममा पारके, ख्रिस्‍टक इअ खुसिक समाद बदलेके कोसिस करइ बडइ।

एफिसि 1:13

यसने तोहरा अयहुदियाह फेनि मुक्‍ति देलाहर सत्‍य वचन, सुसमाचार सुनके ख्रिस्‍टमा विस्‍वास करलह। जब तोहरा विस्‍वास करलह, परमेस्‍वर तोहराके यापन प्रतिग्या करलि पवितर-आत्‍मा देके यापन मन्‍से बनोलसि।

एफिसि 1:15

उहेसे, प्रभु येसुमा भेल तोहार विस्‍वास हसे जम्‍मे ठउरियामा भेलि परमेस्‍वरक जनसभक तहिँया तोहार प्रेमक बारेमा सुनके,

एफिसि 4:1

उहेसे मुइ पावल, प्रभुक सेवा करके झ्‍यालखनवामा परल एगुडा मन्‍से तोहराके परमेस्‍वरक मन परना जिवन बितोइह कहके मुइ बिन्‍ति करसहिँ, केहकेकि हुने तोहराके बलोले हखसि।

फिलिप्‍पि 1:5

केहकेकि तोहरा सुरुसे यखनिलइ सुसमाचारक काममा सझिया बडह।

फिलिप्‍पि 2:12

उहेसे मोर प्रिय भयवाह, मुइ तोहारसाङे रहइकि तोहरा मोर बतवा सबदिन मनलह, याबे मोर उपस्‍थितिमा मतरे हइने, बाकि तोहरा परमेस्‍वरक झन बढता यादर हसे डर मनते, तोहरा मुक्‍ति पउले बडह कहके देखावेके तहिँया खाँ डउलसे मेहनत करिह, जुन तोहार विस्‍वासक प्रतिफल हखइ।

फिलिप्‍पि 2:24

मोर प्रभुमा पुरा भरोसा बडइ कि, मुइ तोहार लघिना यपनहिँ हलहालि यबहिँ।

फिलिप्‍पि 3:18

मुइ तोहराके पहिला घर-घराहे कहले रहलहिँ, यखनि फेनि कनते कहइ बडहिँ कि, बहुत जन मन्‍सेसभ ख्रिस्‍टक क्रुसक सतरु नहिँया जिवन बितोइ बडइ।

फिलिप्‍पि 3:20

बाकि हमरा त स्‍वरगक नागरिक हखहुँ, वहवाँसे यलहर मुक्‍तिदाता हमार प्रभु येसु ख्रिस्‍टक पइडा हमरा हेरइ बडहुँ।

फिलिप्‍पि 4:1

उहेसे मोर प्रियसभ, मुइ तोहराके प्रेम करसहिँ हसे तोहराके भेटेके इछा करसहिँ। तोहराहिँ मोरके आनन्‍द देले बडह हसे तोहराहिँ मोर कामक इनाम हखह। मोर प्रियसभ, तोहरा प्रभुमा डटके रहिह।

कल्‍लसि 1:10

ताकि तोहरा प्रभुक मन परना जिवन बितोते हुनेके खुसि बनावे सकबह हसे यसने तोहरा जम्‍मे यसल काममा फरफरोते परमेस्‍वरक ग्‍यानमा बढते जेबह।

कल्‍लसि 1:4

केहकेकि येसु ख्रिस्‍टमा तोहार विस्‍वास हसे जम्‍मे पवितर जनसभके तोहार करलि प्रेमक बारेमा फेनि हमरा सुनले बडहुँ।

१ थेसलोनिकि 3:6

बाकि तिमोथि भरखे तोहार लघिनासे याइल बडिय हसे तोहार विस्‍वास तके प्रेमक बारेमा डउल समाद यनले बडिय। तोहरा हमराके सबदिन खुसिसे सम्‍झसह हसे हमरा तोहराके भेटेके इछा करले नहिँया तोहरा फेनि हमराके भेटेके इछा करले बडह कहके उअ हमराके सुनोलिय।

१ थेसलोनिकि 4:1

आखिरमा, प्रियसभ, जसने तोहरा परमेस्‍वरक मन परना जिवन कस्‍के जिएके कहके हमारसे सिखले बडह हसे तोहरा वसने जियइ फेनि बडह, याबे तोहार जिवन झन-झन यसल हखते जाइ कहके प्रभु येसुजिमा हमरा तोहराके कहइ बडहुँ।

१ तिमोथि 1:11

इअ सदि सिछासभ परमधन्य परमेस्‍वरक महिमित सुसमाचार यनुसार बडइ हसे उअ सुसमाचार परचार करेके जिम्‍मा मोरके सपाइल बडइ।

१ तिमोथि 1:19

हसे यापन विस्‍वासमा यटल भके सुद्ध विवेक राखे सकहि। कतेक जन विवेक यनुसार हइने चललेसे हुनुका यापन विस्‍वास अस्‍विकार करले बडइ।

२ तिमोथि 4:7

मुइ यसल लडाइ लड सकले बडहिँ। मोर दउड वरोले बडहिँ हसे मोर विस्‍वासके फेनि बचाके रखले बडहिँ।

तितस 2:10

हुनुका झिन चोरोइ, बाकि जम्‍मे काममा पुरा विस्‍वासिलो हसे इमान्‍दार हखे परतइ। यसने हुनुकर करलि जम्‍मे कमवासे हमार मुक्‍तिदाता परमेस्‍वरक वचनक इज्‍जत बढोतइ।

फिलेमोन 1:5

केहकेकि प्रभु येसुमा तोर करल विस्‍वास हसे परमेस्‍वरक पवितर जनसभके तोर करल प्रेमक बारेमा मुइ सुनइ बडहिँ।

याकुब 3:18

सान्‍ति यनलहरा मन्‍सावा मेलमिलापक काम करके धारमिकताक फर बटियोसइ।

२ पतरुस 3:11

यगर इअ जम्‍मे चिजुसभ यसके नास हखे जाइबडिय जउँ, तोहरा कस्‍नुक खलिक मन्‍से हखे परतइ त? तोहार जिवन पवितर हसे परमेस्‍वरमा समरपित हखे परतइ।

२ पतरुस 3:14

उहेसे प्रियसभ, जब तोहरा इअ दिनवा इसियइलेसे, परमेस्‍वरक लजरियामा सुद्ध हसे निरदोस भके परमेस्‍वरसाङे सकभर सान्‍तिसे रहेके कोसिस करिह।

यहुदा 1:3

प्रिय सङहातिसभ, हमार जम्‍मे जनक पउलि मुक्‍तिक बारेमा लिखेके मोर खाँ इछा रहलइ, बाकि परमेस्‍वर यापन पवितर जनसभके एकपल्‍टा सबदिनक तहिँया देलि विस्‍वासक तहिँया लडके हउसला देवे परतइ नहिँया मोर लगलइ।