फिलिप्‍पि 1:10 - चितवनिया थारु

¹⁰ ताकि तोहरा सबसे यसल कथि हखइ उअ छुटियावे सकह हसे ख्रिस्‍ट यइवकि तोहरा सुद्ध तके निरदोस हखे सकह।

फिलिप्‍पि 1:10 Cross References

मतिक लिखल सुसमाचार 16:23

बाकि येसुजि पतरुसवरि फिरके यसके कहलसि, “अरे सइतनवा, मोरसे तनाउ जाहि! तुइ मोर तहिँया एगुडा बाधा हखहि, केहकेकि तोर विचार परमेस्‍वरसे याइल विचार हइने, बाकि मन्‍सेसे याइल विचार हखइ।”

मतिक लिखल सुसमाचार 26:33

यतुरेमा पतरुस येसुजिके कहलिय, “जम्‍मे जन छाडके गेले फेनि मुइ कबहुँ फेनि यपनहुँके नाहिँ छडबहिँ।”

युहन्‍ना 1:47

येसुजि नथानेलके यापन लघिना यवइकि देखके वकर बारेमा कहलसि, “एक जन पाका इस्राएलिके हेरह, जाकरमा किहो छलकपट हइने बडइ।”

युहन्‍ना 3:20

केहकेकि दुस्‍ट काम करलहरा जम्‍मे जन ज्‍योतियाके घिना करसइ हसे हुनुकर करलि कमवा देखार हतइ कहके ज्‍योतियामा हइने यसइ।

प्रेरित 24:16

उहेसे मुइ परमेस्‍वर हसे मन्‍सावानिक यागा यापन विवेक सुद्ध राखेके कोसिस करसहिँ।

रोमि 12:2

इअ संसारक मन्‍सावानिक नहिँया तोहार चालचलन झिन हखइ, बाकि यापन सोच-विचारके परमेस्‍वरके बदले दिह। यसके करबह जउँ, तोहार जिवनमा परमेस्‍वरक इछा कथि बडइ कहके बुझे सकबह, कथि चिजु यसल बडइ, कुन चिजु परमेस्‍वरक मन परसइ हसे कथि चिजु सिद्ध बडइ उअ तोहार डउलसे थाह हतइ।

रोमि 12:9

तोहार प्रेम देखावटि झिन हखइ, बाकि सदियो हखइ। जुन चिजु खराब बडइ, उअ त्‍यागिह। जुन चिजु यसल बडइ, वकरमा लागल रहिह।

रोमि 16:17

प्रियसभ, तोहराके सिखोलि सिछाक विरोधमा फुट हसे वाधा यनलहराके ध्‍यान दिह हसे यसनुक मन्‍सेसभसे तनाउ रहिह कहके मुइ तोहारसे बिन्‍ति करइ बडहिँ।

रोमि 2:18

परमेस्‍वर हमारसे कथि चाहससि, उअ हमार जम्‍मे थाह बडइ कहके कहसह। तोहरा व्‍यवस्‍थाक सिखावल यसल बातमा सहमत हसह।

रोमि 7:16

उहेसे मोर करे हइने चाहलि खराब काम मुइ करसहिँ जउँ, मुइ व्‍यवस्‍था यसल बडइ कहके सहमत हसहिँ।

रोमि 7:22

केहकेकि मोर आत्‍मा परमेस्‍वरक व्‍यवस्‍थामा खुसि हसिय।

रोमि 8:7

पाप स्‍वभावक इछामा चललाहर मन्‍से परमेस्‍वरक विरोधि हसिय, केहकेकि उअ परमेस्‍वरक व्‍यवस्‍था पालन हइने करसिय हसे करे फेनि नाहिँ सकबिय।

१ कोरिन्‍थि 1:8

हमार प्रभु येसु ख्रिस्‍ट यइलि दिनवामा तोहरा निरदोस हखह कहके हुने तोहराके याखिरलइ विस्‍वासमा बरियार बनोबसि।

१ कोरिन्‍थि 10:32

तोहरा न यहुदियानिक, न ग्रिक मन्‍सावानिक, कि परमेस्‍वरक मन्‍डलियाक तहिँया बाधा देना काम झिन करिह।

१ कोरिन्‍थि 8:13

उहेसे, यगर मोर खइना चिजुवा मोर भयवाके पापमा पारबिय जउँ, मोर कारनसे उअ पापमा झिन परिय कहके मुइ कबहुँ फेनि मासु नाहिँ खेबहिँ।

२ कोरिन्‍थि 1:12

इअ बतवामा हमरा गरव करसहुँ हसे हमार मनवा फेनि साछि देसिय कि, इअ संसारमा बिसेस करके तोहारसाङे सम्‍बन्‍धमा हमरा इमान्‍दार, पवितर हसे परमेस्‍वरक मन परना जिवन बितोलहुँ। इअ हमरा संसारिक ग्‍यानसे हइने बाकि परमेस्‍वरक अनुग्रहसे पउले बडहुँ।

२ कोरिन्‍थि 2:17

कतेक मन्‍सेसभ नहिँया हमरा नाहिँ हखुँ, जुने परमेस्‍वरक वचन यापन व्‍यक्‍तिगत फाइदाक तहिँया परचार करसइ, बाकि हमरा त इमान्‍दार भके ख्रिस्‍टक सेवकक रुपमा परमेस्‍वर हमराके हेरइ बडसि कहके परचार करसहुँ, केहकेकि हमराके परमेस्‍वर पठोले बडसि।

२ कोरिन्‍थि 6:3

हमार करलि कमवाक कुनहुँ फेनि दोस लगावे झिन पवइ कहके हमरा ककरहुँके फेनि बाधा देना काम हइने करसहुँ।

२ कोरिन्‍थि 8:8

मुइ इअ आग्‍याक रुपमा हइने कहले हखहि, बाकि याको जनके उत्‍साहसाङे दाजके तोहार प्रेम सत्‍य हखइ कहके परमानित करेके तहिँया मुइ इअ कहले हखहि।

गलाति 5:11

बाकि प्रियसभ, मुइ फेनि अयहुदि मन्‍से खतना करे परतइ कहके परचार करसहि कहके कतेक जन मन्‍से कहसइ। यगर मुइ खतना करे परतइ कहके परचार करसहिँ जउँ, केहके यहुदियाह मोरके सतोसइ त? यगर मुइ अयहुदि मन्‍सावा खतना करहि परतइ कहके परचार करबहिँ जउँ, तब मुइ ख्रिस्‍ट क्रुसमा मरलि बतवाक बारेमा परचार करइकि अयहुदि मन्‍सावा विरोध नाहिँ करतिय।

एफिसि 4:15

बरु एक-दोसरि जनके प्रेम करते सत्‍य फदकते जम्‍मे चिजुमा हमरा ख्रिस्‍ट नहिँया हखुँ, केहकेकि हुनेहिँ मन्‍डलियाक प्रमुख हखसि।

एफिसि 5:10

प्रभुक मन परना बात कथि हखइ उअ खोजि करिह।

एफिसि 5:27

इअ मन्‍डलियाके पवितर, निरदोस, दाग हइने भेल हसे हइने चोङसाइल, कुनहुँ खोट हइने भेल छबिगर मन्‍डलि बनाके यापनसाङे राखेके तहिँया हुने यसके करलसि।

एफिसि 6:24

हमार प्रभु येसु ख्रिस्‍टके हृदयसे प्रेम करलहरा जम्‍मे जनसाङे परमेस्‍वरक दाया सबदिन रहइ।

फिलिप्‍पि 1:16

मुइ सुसमाचारक सुरछाक तहिँया यहवाँ झ्‍यालखनवामा बडहिँ कहके जनलहरा इअ कमवा हुनुका प्रेमसे करसइ।

फिलिप्‍पि 1:6

मुइ निस्‍चित बडहिँ कि, परमेस्‍वर विस्‍वासयोग्‍य बडसि। तोहारमा जथि यसल काम हुने सुरु करले बडसि, हुनेहिँ येसु ख्रिस्‍ट यइना दिनवामा उअ पुरा करबसि।

फिलिप्‍पि 2:16

तोहरा अनन्‍त जिवन देना खुसिक समाद मन्‍सावानिके सुनोइह। यसके करबह जउँ, मोर दुःख सहते करलि कमवा वसहि हइने गेलइ कहके ख्रिस्‍ट यवइकि मुइ गरव करे सकबहि।

१ थेसलोनिकि 3:13

परमेस्‍वर तोहार हृदयके बरियार बनादिय, ताकि हमार प्रभु येसुजि यापन जम्‍मे पवितर जनसाङे फेरि यवइकि हमार परमेस्‍वर पिताक यागा तोहरा पवितर हसे निरदोस हखबह।

१ थेसलोनिकि 5:21

बाकि जम्‍मे बतवा जचिह हसे जुन बतवा यसल बडइ वकरमा डटके रहिह।

१ थेसलोनिकि 5:23

हमराके सान्‍ति देलाहर परमेस्‍वर यपनहिँ तोहराके पुरा रुपसे पवितर बनोबसि हसे हमार प्रभु येसु ख्रिस्‍ट नाहिँ यवइलइ तोहार आत्‍मा, प्रान हसे देहिया निरदोस रहइ।

१ युहन्‍ना 4:1

प्रियसभ, मुइ परमेस्‍वरक आत्‍मासे फदकइ बडहिँ कहके कहलाहर हरेक जनके विस्‍वास झिन करिह। बाकि हुनुका परमेस्‍वरसे याइल हखइ कि हइने कहके हुनुकर जाँच करिह। केहकेकि बहुत जन झुठा अगमवक्‍तासभ इअ संसारमा निकडल बडइ।

प्रकास 2:2

तोर मेहनतसे करलि कमवा हसे तोर सहसान मोर थाह बडइ। तुइ दुस्‍ट मन्‍सावानिके सहे हइने सकसहिँ कहके फेनि मोर थाह बडइ। प्रेरित हइने भेले ताफेनि प्रेरितसभ हखहुँ कहलहरानिके तुइ जाँचके हुनुकर झुठा बात पाता लगोले बडहिँ कहके फेनि मोर थाह बडइ।