फिलिप्‍पि 1:1 - चितवनिया थारु

¹ येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 1:1 Cross References

मरकुस 13:34

इअ त यसनुक एगुडा मन्‍से नहिँया हखिय, जुने परदेस गेलिसे यागा यापन बहरियावानिके हुनुकर करे परना जम्‍मे कमवाक जिम्‍मा देसिय हसे पलियावाके डउलसे वगरसि कहके आग्या देसिय।

युहन्‍ना 12:26

यगर कुनहुँ मोर सेवा करे चाहतइ जउँ उअ मोर पाछा लगिय हसे मुइ जहवाँ रहबहिँ, मोर सेवक फेनि वहवाँहिँ रहबिय। यगर कुनहुँ मोर सेवा करतइ जउँ पिता वकरके यादर करबसि।

प्रेरित 1:20

“उहेसे पतरुस कहलिय, ‘उअ बतवा भजनक कितबवामा यसके लिखाइल बडइ, वकर घरवा सुनसान भके, कुनहुँ फेनि नाहिँ हतइ हसे वकर कमवाक जिम्‍मा दोसर मन्‍से लेतइ।’

प्रेरित 20:28

उहेसे, यपनहुँसभ यापन हसे पवितर-आत्‍मा यपनहुँसभके जुन विस्‍वासिसभक वपरा यगुवा बनोले बडसि, वकर हेरचाह करिह। तोहरा परमेस्‍वरक मन्‍डलियाक यसल भेडहार बनिह, केहकेकि हुने यापन पुतरक रकतसे किनले बडसि।

प्रेरित 9:13

हननिया जवाफ देते कहलिय, “प्रभु, इअ मन्‍सावा त यरुसलेममा भेलि यपनहुँक विस्‍वासिसभके खाँ सतोले बडिय कहके मुइ बहुत मन्‍सेसे सुनले बडहिँ हसे

रोमि 1:1

मुइ पावल, येसु ख्रिस्‍टक दास इअ चिठिया लिखले हखहि। परमेस्‍वर मोरके प्रेरित हखेके बलोलसि हसे हुनेक सुसमाचार परचार करना कामक तहिँया यलग करलसि।

रोमि 1:7

रोम सहरवामा भेलि तोहरा जम्‍मे जनके मुइ इअ चिठिया लिखइ बडहिँ। परमेस्‍वर तोहरा जम्‍मे जनके प्रेम करइ बडसि हसे हुनेक पवितर जन हखेके तहिँया बलावल बडह। हमार पिता परमेस्‍वर हसे प्रभु येसु ख्रिस्‍ट तोहराके दाया देखोइय तके सान्‍ति दिय।

१ कोरिन्‍थि 16:10

तिमोथि तोहार लघिना यइलेपर, वकरेके कुनहुँ खलिक गारह हखे झिन दिह, केहकेकि उअ फेनि मोर नहिँया प्रभुक काम करइ बडिय।

२ कोरिन्‍थि 1:1

मुइ पावल, परमेस्‍वरक इछासे येसु ख्रिस्‍टक एक जन प्रेरित भाइ तिमोथिसाङे मिलके, कोरिन्‍थ सहरवामा भेलि परमेस्‍वरक मन्‍डलियाके तके अखइया छेतरमा भेलि जम्‍मे पवितर जनसभके इअ चिठिया लिखइ बडहुँ।

गलाति 1:10

कथि मुइ इअ कहइ बडहिँ, मुइ मन्‍सावानिके खुसि बनावे खोजइ बडहिँ? हइने, मुइ सबदिन परमेस्‍वरके खुसि बनावे खोजइ बडहिँ। मुइ मन्‍सावानिके खुसि पारेके मतरे हइने कहसहि। यगर मुइ यखनिलइ मन्‍सावानिके खुसि बनावे खोजइ बडहिँ जउँ, मुइ ख्रिस्‍टक सेवक हइने हखहि।

गलाति 3:26

याबे तोहरा जम्‍मे जन येसु ख्रिस्‍टमा विस्‍वास करलेसे परमेस्‍वरक सन्‍तान भेल बडह।

गलाति 3:28

उहेसे परमेस्‍वरक लजरियामा यहुदि हसे अयहुदिक, कमारा तके स्‍वतन्‍तर, मरदाना हसे जनियानि मन्‍सेक बिचा किहो फरक हइने बडइ, केहकेकि तोहरा जम्‍मे जन येसु ख्रिस्‍टसाङे एक भेल बडह।

एफिसि 1:1

मुइ पावल, परमेस्‍वरक इछासे चुनाइल येसु ख्रिस्‍टक एक जन प्रेरित हखहि। मुइ एफिसस सहरवामा रहलाहर परमेस्‍वरक जनसभ, जुने पुरा हृदयसे येसु ख्रिस्‍टक पाछा लागल बडइ, हुनुकाके इअ चिठिया लिखइ बडहिँ।

एफिसि 1:15

उहेसे, प्रभु येसुमा भेल तोहार विस्‍वास हसे जम्‍मे ठउरियामा भेलि परमेस्‍वरक जनसभक तहिँया तोहार प्रेमक बारेमा सुनके,

एफिसि 6:24

हमार प्रभु येसु ख्रिस्‍टके हृदयसे प्रेम करलहरा जम्‍मे जनसाङे परमेस्‍वरक दाया सबदिन रहइ।

फिलिप्‍पि 2:19

यगर प्रभु येसुजिक इछा बडइ जउँ, मुइ तोहार लघिना तिमोथिके हलहालि पठावेके यासा करइ बडहिँ, ताकि तोहार हालखबर पाके मुइ फेनि खुसि हखे सकुँ।

फिलिप्‍पि 2:5

तोहार यसनुक स्‍वभाव हखइ, जसने येसु ख्रिस्‍टक रहलइ।

फिलिप्‍पि 3:12

मुइ जम्‍मे यगाहे चिजु करसकलहि कि, मुइ सिद्ध भेसकलहि कहके हइने कहइ बडहिँ, बाकि मुइ उअ चिजुवा पकडेके तहिँया यागा बढइ बडहिँ, जुन चिजुक तहिँया ख्रिस्‍ट मोरके छानलसि। मुइ हुनेक नहिँया हखे सकहि कहके छानलसि।

फिलिप्‍पि 3:3

केहकेकि परमेस्‍वर एकपल्‍टा हमराके सदि खतना भेल मन्‍सेसभ नहिँया मनले रहलसि, केहकेकि हमरा परमेस्‍वरक आत्‍माक मदतसे हुनेक आराधना करसहुँ हसे येसु ख्रिस्‍टमा गरव करसहुँ। हमरा मन्‍सेसभक बनावल रितिथितिमा भरोसा करे परतइ कहलि हइने मनसहुँ। परमेस्‍वरक गरहनयोग्‍य हखेके तहिँया हमरा उअ रितिथितिसभमा भरोसा हइने करसहुँ।

फिलिप्‍पि 3:8

सदियो कहले येसु ख्रिस्‍ट मोर प्रभु हखसि कहके चिने पावेके बहुमुल्‍य बातक तुलनामा मुइ जम्‍मे चिजुके बेकामक ठानसहिँ। हुनेके पावे सकहि कहके मुइ जम्‍मे चिजु त्‍याग देले बडहिँ हसे उअ जम्‍मे चिजु घुर नहिँया सम्‍झसहिँ,

१ थेसलोनिकि 1:1

थेसलोनिकिक मन्‍डलियामा भेलि परमेस्‍वर पिता हसे प्रभु येसु ख्रिस्‍टक विस्‍वासिसभके मुइ पावल, सिलास हसे तिमोथिसाङे इअ चिठिया लिखइ बडहिँ। परमेस्‍वर तोहराके अनुग्रह हसे सान्‍ति दिय।

१ थेसलोनिकि 2:2

तोहार लघिना यइलिसे यागा हमरा फिलिप्‍पि सहरवामा कस्‍के दुःख पउलहुँ हसे यपमानित भेलहुँ, उअ बतवा तोहार थाह बडइ। ताफेनि बहुत विरोधि हखते-हखते फेनि परमेस्‍वरमा सहास पाके हमरा तोहराके सुसमाचार सुनोलहुँ।

२ थेसलोनिकि 1:1

थेसलोनिकिक मन्‍डलियामा भेलि हमार परमेस्‍वर पिता हसे प्रभु येसु ख्रिस्‍टक विस्‍वासिसभके मुइ पावल, सिलास हसे तिमोथिसाङे इअ चिठिया लिखइ बडहिँ।

२ थेसलोनिकि 1:10

जुन दिन प्रभुजि यबसि, हुने यापन पवितर जनसे महिमा हसे हुनेमा विस्‍वास करलहरासे प्रसंसा पउबसि। तोहरा फेनि वहवाँ रहबह, केहकेकि तोहरा हमार देलि गवाहि विस्‍वास करलह।

१ तिमोथि 1:2

विस्‍वासमा मोर सदि बेटा तिमोथिके इअ चिठिया लिखइ बडहिँ। हमार पिता परमेस्‍वर हसे प्रभु येसु ख्रिस्‍टसे तोरके अनुग्रह, दाया हसे सान्‍ति मिलइ।

१ तिमोथि 3:8

वसने करके, मन्‍डलियामा सेवा करलाहर डिकन फेनि इमान्‍दार हसे यादर पावेके लाइक हखे परतइ। हुनुका मोदहरिया कि धनक लोभ करलाहर नाहिँ हखे परतइ।

तितस 1:1

मुइ पावल, परमेस्‍वरक दास हसे येसु ख्रिस्‍टक प्रेरित, इअ चिठिया लिखइ बडहिँ। परमेस्‍वर यापन चुनलि मन्‍सावानिक विस्‍वास बरियार बनावेके हसे हुनुकाके सत्‍यक ग्‍यानक बारेमा सिछा देवेके तहिँया मोरके छानले बडसि। उअ ग्‍यान मन्‍सावानिके परमेस्‍वरक भक्‍तिवरि डोर्‍योसिय।

तितस 1:7

केहकेकि मन्‍डलियाक यगुवावा परमेस्‍वरक कामक देखभाल करलाहर भेलेसे, निरदोस हखे परतइ। उअ घमन्‍डि, हल-हालि खिसियाह, मोदहरिया, झगडेहर हसे धनक लोभि नाहिँ हखे परतइ।

फिलेमोन 1:1

येसु ख्रिस्‍टक बारेमा खुसिक समाद परचार करके झ्‍यालखानामा परल मुइ पावल, हमार विस्‍वासि भाइ तिमोथिसाङे मिलके हमार सोगावल सङहतिया हसे सहकरमि फिलेमोनके हसे

हिब्रु 13:23

हमार भाइ तिमोथि झ्‍यालखनवासे छुटसकल बडिय कहके तोहराके समाद देवे चाहबहिँ। उअ हलहालि यबिय जउँ, मुइ वकरेके लेके तोहराके भेटे यबहिँ।

याकुब 1:1

परमेस्‍वर हसे प्रभु येसु ख्रिस्‍टक सेवक याकुबवरिसे: ठउरि-ठउरियामा छाहरछिता भेल बारह कुलके मोर अभिवादन बडइ।

१ पतरुस 2:25

केहकेकि तोहरा त बगलवासे फटकल भेडासभ नहिँया रहलह, बाकि याबे त तोहरा भेडहार लघिना याइल बडह, जुने तोहार आत्‍माक रछा करससि।

२ पतरुस 1:1

मुइ येसु ख्रिस्‍टक दास हसे प्रेरित सिमोन पतरुस, हमार परमेस्‍वर हसे मुक्‍तिदाता येसु ख्रिस्‍टक धारमिकतासे हमार नहिँया बहुमुल्‍य विस्‍वास पउलहरानिके इअ चिठिया लिखइ बडहिँ।

यहुदा 1:1

मुइ यहुदा, येसु ख्रिस्‍टक दास हसे याकुबक भाइ, परमेस्‍वरसे बलोलि मन्‍सावानिके इअ चिठिया लिखइ बडहिँ। परमेस्‍वर पिता तोहराके प्रेम करससि हसे येसु ख्रिस्‍टमा रछा करससि।

प्रकास 1:1

इअ कितबवामा भेलि बतवा येसु ख्रिस्‍ट परकट करले हखसि। परमेस्‍वर हलहालि हखना घटनाक बारेमा यापन सेवकसभ बुझइ कहके येसुजिके इअ थाह देले बडसि। येसुजि इअ बतवा फदकेके तहिँया एगुडा स्‍वरगदुतके यापन सेवक युहन्‍ना लघिना पठोलसि।

प्रकास 1:20

मोर दहिनि हथवामा तोर देखलि इअ सात गो तरगनसभ हसे सोनक इअ सात गो डिबरि धरनाक रहस्‍य इअ हखइ: सात गो तरगनसभ सात गो मन्‍डलिसभक हेरचाह करलाहर स्‍वरगदुतसभ हसे सात गो डिबरि धरना कहले सात गो मन्‍डलिसभ हखइ।”

प्रकास 19:10

तब स्‍वरगदुतवाके यादर करेके तहिँया मुइ वकर पाउमा दन्‍डवत करेके घोप्‍टे परलहिँ, बाकि उअ यसके कहलिय, “तुइ यसके झिन करहि। मुइ त तोर हसे विस्‍वासिसभसाङे तके येसुजिक हखहुँ कहके गवाहि देलाहर परमेस्‍वरक सेवक मतरे हखहि। तुइ परमेस्‍वरके मतरे आराधना करे परतइ, केहकेकि हुनेक आत्‍मा मतरे येसुजिक बारेमा दोसरे जनके कहेके सक्‍ति मन्‍सावानिके देससि।”

प्रकास 2:12

“परगामम सहरवामा भेलि मन्‍डलियाक हेरचाह करलहरा दुतवाके इअ बतवा लिखसि: जाकरसाङे तधार दु गो धार भेल तरवार बडइ, हुने यसके कहससि।

प्रकास 2:8

“स्‍मुरना सहरवामा भेलि मन्‍डलियाक हेरचाह करलहरा दुतवाके इअ बतवा लिखसि। जुने सुरु हसे यन्‍त हखसि, हुने मरलसि तके फेरि जिउतलसि, हुने यसके कहससि।

प्रकास 22:9

बाकि उअ मोरके कहलिय, “तुइ यसके झिन करहि। मुइ त तोर, विस्‍वासि ददेर-भाइ अगमवक्‍ता हसे इअ कितबवाक वचन पालन करलाहर नहिँया परमेस्‍वरक सेवक मतरे हखहि। परमेस्‍वरके दन्‍डवत करके हुनेके यादर करसि।”