نامَه فیلیپی کلیسا را 4:1 - کتاب مقدس به زبان تالشي - گویش مرکزی

¹ پس، اَی چمن برا اِن کن بَشِمَه رَی بداشتیم، و شِمَه ویندِرا ایشتیاق بَداشتیم، اَی شِمَه کن چمن خَشی و کلَّه تاجیرون، اَی خاجَتیِن، اِنتَرَکِه خِداوَندیکا آمبَست بِبَه.

کتاب مقدس به زبان تالشی شمالی

¹ بَس، اِی چِمِن بِرااِن که از شِمَه نَه خِشیمَه و مُشتاقیمه شِمَه بِوینِم، اِی که شِمَه چِمِن شادی و چِمِن سَری تاجییرونه، اِی عَزیزِن، اِنتَه خِداوندی کا قُرص بِبییَه.

نامَه فیلیپی کلیسا را 4:1 Cross References

مَتّی 10:22

مردوم گِرد چمن نومی خونِه شِمَکا نیفرَت بَداشتین. اَمّا هَرکم تا آخیر تاو بوعَر، نیجات بَگتی‌‌.

یوحنا 8:31

عیسی یهودیِنی کن بَی ایمان وَردَشون بَه، واتِش: «اَگَم چمن کَلامیکا بومونَه، حَییقتا چمن شاگردنینَه.

رَسولون اَعمال 11:23

وقتی بَرنابا اَجِگارا آرَستَه و خداوندی فِیضی ویندِش، خَش آبَه و گِردیش تَشویق کَردَ تا صِدقِه دِلینَه خداوندی وَفادار بِبون،

رَسولون اَعمال 14:22

اَ شَهرونکا شاگِردون جانی زبق آداشون و اَوون آمبَست مَندِ ایمانیکا تَشویق کَردِشونَه و نَصیحتِشون کردَ کن: «پی خدا پادیشاهی دِلَه دَشِه را برکَه سختیون تاو بوعَرَم.»

رَسولون اَعمال 2:42

اَیِن بَشتَن روَسولونکا آموج گَته و دییَرَ ایماندارونَّه موشاریکت کَردِ و نونی پسَه کردِ و دِوا کردِ را وقف کردشون.

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

اوّلین نامَه قورَنتیانیرا 15:58

پس، چمن خاجتیَه برااِن، آمبَست و پابِند ببَه، اوزون خداوندی کاری ویشتَر و ویشتَر اَنجوم بدَرَ، اِمی خونه کن بَموستیرون شمَه زَمَت خداوندی دِلَکا دَدار نییَه.

اوّلین نامَه قورَنتیانیرا 16:13

هوش ببَه؛ ایمانیکا آمبَست بومونَه؛ مِرد بِبَه و قودور آبَه.

دوومین نامه قرنتیانیرا 1:14

هَتَه کن تا حَدی اَمَرون آزنِستَیَه، تا چَمَه خداوند عیسی روجیکا هَتَه کن اَمه شمَه خاطِر ایفتخار بَکَمون، شمَه نی چَمه سَر ایفتخار بکَرَ.

نامه غلاطیَه کلیسارا 5:1

رَخِسته خونه بَه کن مسیح اَمَش راخنییَه. پس آمبَست بومونَه و هَنی وزییَر گیری یوقی اِشتَن مِلیکا مَنرَ.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 1:8

چون خدا شاهیدَ کن چنترَ ایحساسینَه کن عیسی مسیح کا سرچشمَه بَگَتی، شمَه گِردیرا ایشتیاق بَداشتیم.

نامَه فیلیپی کلیسا را 2:16

زندَگی کلامی آمبَست غَم بَرَ تا مسیح ویگَردِسته روجیکا ایفتخار بکَرم کن دَدار نَوریجیمَه و دَدارِم زَمَت کشتَه نی.

نامَه فیلیپی کلیسا را 2:26

چون شِمَه گِردی ویندِ خَوَصی دارِ و اِمی خونِه کن دَرَستَرون بَه اَ آزاری آبَه یَه، تَفشیش دگِنستَه به.

نامَه کُولُسی کلیسا را 4:12

اِپافراس کن شمَکا اَ و مسیح عیسی پاسَریَه، شمرا سلام دَرِ. اَ خدا کا بَپیشه کن شمَه هِنتَه یالَه آدَمِن و خاطِر جمعون شیوار آمبَست بومونَه، و خدا ایرادَ کامیلا فرمون ببَه.

اوّلین نامَه تَسالونیکی کلیسا را 3:13

و شمه دلون آمبَست آکَرِ تا اَموقه کن چَمَه خداوند عیسی گردِ اِشتَن موقدَسونَّه آ، چَمَه آستامونیَه دَدَ، خدا حَضوریکا، بی عَیب و موقدَّس ببَه.

دوّمین نامَه تَسالونیکی کلیسا را 2:15

پس اَی برا اِن، آمبَست بومونَه و اَ آموجِنیکا کن اَمَکا گَتِرونَه دَچیکَه.

دِوُّمین نامَه تیموتائوسیرا 2:1

پس تِه بَلمَه، اَ فیضیکا کن مسیح عیسی کارَ قودور آب،

نامَه، عِبرانیه نَتاجَه مسیحیونرا 10:23

بِرَ بی امکن چیمه میمَه بکرَم، اَ اومیدی کن بَی ایتراف بَکَمونکا آچیکَم، چون وعدَ اَدَر اَمینَه.

نامَه، عِبرانیه نَتاجَه مسیحیونرا 3:14

اِمی خونه کن اَمه مسیح دلَکا شریک آبَه ایمون، اَگَم حَییقتا اَ ایطمینانی کن اَولیکا هِستمون بَه تا آخیر آمبَست غَم بَرم.

نامَه، عِبرانیه نَتاجَه مسیحیونرا 4:14

اَ جگا ایکا کن اَمه یال و اَعضَمه کاهینی بَداشتیمون کن آستامونونرا کفا شَه یَه، یعنی خدا زوعَه عیسی، بِرَ چَمَه ایمانی ایترافی آمبَست غَم بَرَم.

پطروسی دومین نامه 3:17

پس اَی خاجَتی اِن شمَه، ایسَه کن اِمی بَموستیرون، هواسرون ببو تا نِکَرِ بی دینون نادِرسته راه کا گومرا آبَه و اِشتَن آمبَست گیری هیچ بَرکَرَ،