نامَه فیلیپی کلیسا را 2:28 - کتاب مقدس به زبان تالشي - گویش مرکزی

²⁸ پس اَز چَی عندِرا ویشتَر خَشیم، تا هَنی چَی ویندِ خونِه خَشی بکرَ و چمن قورصَه کا نی کَم آبو.

کتاب مقدس به زبان تالشی شمالی

²⁸ بَس از چَیی ویسا آکَردِه را وِرتَر ذوق هِستِمَه، تا هَنی چَیی ویندِه نِه شاد آبییَه و چِمِن غمی کا نی کم آبو.

نامَه فیلیپی کلیسا را 2:28 Cross References

یوحنا 16:22

هنتَرکِه، شمه ایسَه بَرضَخینه؛ ولی اَز هَنی شمه بَویندیمَه و شمَه دل خَش آرَبن و هیچ‌کَس اَخَشی شمه کا وینیَگَت.

رَسولون اَعمال 20:38

اَ چیی ایی کن گِردیکا ویشتَر اَوون بَرضَخ آرَکَری، پولوسی اِم گَف بَه کن واتِش: «دِ بَمن نینَّویند.» چَی بَه دوملَه تا کَشتی وَر اَشون بَدرَقَه کَردَ.

دوومین نامه قرنتیانیرا 2:3

از اَتَرَکِه شِمَرا نامه نِوشتِمه تا اَ موقه ایی کن شمَه وَر کام آمِه، اَیِنی کن پی بَمن خَش آکَن، چمن برضَخ بِه باعیث نِبون. چیرا کن شمَه گِردی ایتمینان داریمَه کن چمن خَشی شمَه گِردی خَش به باعیث بَبی.

نامَه فیلیپی کلیسا را 2:29

خداوندی دِلکا، بَی وِرَ خَشینَه قِبول بکَرَ و اِنتَرَ آدَمون حورمتی غَم بَرَ،

دِوُّمین نامَه تیموتائوسیرا 1:4

وقتی کن اِشتِه اَسِرگون یاد آمَفَند، اِشتِه ویندِ طَمارزو بَکم تا خَشیکا پَتلمَه آبوم.