نامَه فیلیپی کلیسا را 2:16 - کتاب مقدس به زبان تالشي - گویش مرکزی

¹⁶ زندَگی کلامی آمبَست غَم بَرَ تا مسیح ویگَردِسته روجیکا ایفتخار بکَرم کن دَدار نَوریجیمَه و دَدارِم زَمَت کشتَه نی.

کتاب مقدس به زبان تالشی شمالی

¹⁶ زِندگی کلامی مُحکم غَم بَرَه تا مسیح آگَردِستَه روزی کا فَخر بِکَرِم که بیخودی ویریتَه نیمَه و بیخودی زحمت کَشَه نیمَه.

نامَه فیلیپی کلیسا را 2:16 Cross References

مَتّی 10:27

گَفِنی کن اَز ظِلَماتیکا بَشمَه واتِمَه، روشونیکا بواجَه و اَچیی کن شمه گوشیکا یَواشَلِه واتِه بَیَه، بومون سَردِرِ اییلام بکَرَ.

انجیل لوقا 12:8

«بَه شمه باتیمَه، هر کم مردومی وَر اِشتَن گَوینَه بواجه کن چمن شِنَه، اینسانی زوعَه نی خدا فِرِشتَه اون وَر اِشتَن زونی نَه باتیَه کن اَ آدَم چَی شِنَه.

یوحنا 6:63

خدا روحَه کن زندَگی دَرِ؛ جَندَک اَصلا نییَشا زندَگی بَدرِ. گَفِنی کن اَز شِمَرا واتِمَه روح و زِندَگیَه.

یوحنا 6:68

شَمعون پِطروس جواب داشَه: «آقا چیکی وَر بشَم؟ زَیرونَه زندَگی گَفن، اِشتِه وَریکارَ.

رَسولون اَعمال 13:26

«اَی برا اِن، اَی ابراهیم پَیغمبری اودومی خِردَنن، و اَی خدا تَرسِنی کن اِم جِگاکا مَندیرون! اِم نیجات اَدَرَ پَیغوم، چَمَرا رَونَه آبَه یَه.

اوّلین نامَه قورَنتیانیرا 1:8

اَ بَشِمَه تا بَه آخیر آمبَست غَم بَردیَه، تا چَمه خداوند عیسی مسیح روجیکا بی تقصیر ببَه.

اوّلین نامَه قورَنتیانیرا 9:26

پس اَز بی هَدَف نِمَوریت، و هنته اَ کن هوا مِشت درَکَرد مِشت نِمَژ؛

دوومین نامه قرنتیانیرا 1:14

هَتَه کن تا حَدی اَمَرون آزنِستَیَه، تا چَمَه خداوند عیسی روجیکا هَتَه کن اَمه شمَه خاطِر ایفتخار بَکَمون، شمَه نی چَمه سَر ایفتخار بکَرَ.

نامه غلاطیَه کلیسارا 2:2

چمن شِه، ایلَه مُکاشِفَه ایی خونِه بَه. و اِنجیلی کن غَیر یَهودیون دِلَکا موعیظَه اَکَریمه چَوونرا واتِم؛ اَلبَت نونَکِه، و تاکَه اَیِنیرا واتِمه کن اَزنیمه با نفوذین، اِمی خونه کن تَفشیش بیم نِکَرِ دَدار کام ویریتِه.

نامه غلاطیَه کلیسارا 4:11

بَتَرسِستیم نِکَرِ سَختییِنی کن شِمَرا کَشتِمَه هیچ بَرشَه ببو.

نامَه فیلیپی کلیسا را 1:10

تا بِشاعَه اَ چیی ایی کن چاکترَ قبول بکرَ و مَسیح روجیکا پاجا و بی عَیب ببَه،

نامَه فیلیپی کلیسا را 1:6

یَقین بموستیم اَ کن چاکَه کاری شِمَه دِلَکا شِروو کَردِشَه، تا مَسیح عیسی ویگَرستِه روجیرا، اَی تَمون آرَکَرد.

اوّلین نامَه تَسالونیکی کلیسا را 2:19

اِمی خونه کن چَمَه اومید و خَشی و ایفتخاری تاج، چَمَه خداوندی حِضوریکا چَی اَیر آبِه موقه چِه چییَه؟ مَگم شمَه نینَّه؟

اوّلین نامَه تَسالونیکی کلیسا را 3:5

اِمی خاطر، چون دِ نَشایمَه تاو وردِ، تیموتائوسی عندِمه تا شمَه ایمانیکا خبر بیگِم، اِمی خونه کن اِمیکا اَتَرسیمه کن اَ وس وَسه اَکَر یعنی ابلیس، ایی جوری بَشِمَه وس وَسش کردَ ببو، و چَمَه زَمَتِن هیچ آبَه ببون.

نامَه، عِبرانیه نَتاجَه مسیحیونرا 4:12

اِمی خونه کن خدا کلام زندَیَه و کار بَکَی، هر دِ دَمَه شمشیریکا تیرینج تَرَ، و اَنه دَرَبیرد کن نفس و روح، و چَتوَرون و مَذگ و اَستَه، یندِکا تاک آرَکَرد، و دلون نیَّتیکا و فیکرونکا سَر آرَگنِست.

پطروسی اوّلین نامَه 1:23

اِمی خونه کن شمه هَنی دِنیا دَگنستَه ایرون، نِه کم نیفیت آرَ بَه تِخمیکا بسکم زَیرونه تِخمیکا، یعنی خدا کلامی واسیطنه کن زندَ یه و تا ابد بمندیَه.

یوحنا اوّلین نامَه 1:1

اَ چیی ایی کن شروو کا بَه، اَ چیی ایی کن دَرستَمونَه و اِشتَن چَمونَّه ویندَمون، اَ چیی ایی کن دَیَشتِمون و اِشتَن بالونَّه دَست آسا کَردِمون، یَعنی زندگی کلام کن اَی شِمَرا اییلام بَکَمون.

یوحنا موکاشیفَه 22:17

خدا روح و وَیو باتینَه: «بِه!» هَر کمی کن اَی دَرَرَست بواجِه: «بِه!» هَر کمی کن تشیشَه با؛ و هر کَمی کن بَپیشَه، زندَگی آویکا بی امکن چیی ایی بدَرِ ویگِرِ.