نامَه فیلیپی کلیسا را 1:9 - کتاب مقدس به زبان تالشي - گویش مرکزی

⁹ چمن دِوا اِمَه کن شِمَه موحبَت ویشتَر و وِرتَر آبو و کامیلَه اَلمند گیری و فَهمینَه دَرِ ببو،

کتاب مقدس به زبان تالشی شمالی

⁹ چِمِن دعا اِمَه که شِمَه مُحبت وِرتَر و وِرتَر آبو، دانایی و فهم کاملی نَه هَمراه بِبو،

نامَه فیلیپی کلیسا را 1:9 Cross References

اوّلین نامَه قورَنتیانیرا 14:20

برااِن، فکریکا خِردَن مَبه، بسکم بدی کَردِکا خردَن ببَه. ولی فکریکا پی یال ببَه.

دوومین نامه قرنتیانیرا 8:7

ولی هَتَه کن هَمه چیکا سَریرون، ایمانیکا، گَفیکا، دانا ایکا، دِسَرَ کرچَنگ نِبِه کا، و شمَه موحبَت کَردِ چَمَه سَردِرِ، پس اِم خَیرَ کاریکا نی گِردیگا سرتر بِبَه.

نامَه اَفسوسی کلیسارا 5:17

پس نافَم مبَه، بَسکم سرآگِنه کن خداوندی ایرادَ چه چییَه.

نامَه کُولُسی کلیسا را 1:9

اِمی خاطر، اَ روجیکا کن اِمی درستِمون، شمَرا دِوا کردِ کا دَست پَگِتمون نی، بَسکم یَژَن خداکا بَپیمون تا چَی ایرادَ آزنِستِه نَه، هر حیکمت و روحانیَه فَهمیکا پَتلمَه ببَه؛

نامَه کُولُسی کلیسا را 3:10

و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو.

اوّلین نامَه تَسالونیکی کلیسا را 3:12

و هته کن چَمَه موحبت شِمَرا ایضاف آرَب، خداوند شمه موحبتی یَندِ را و گردِ آدَمونرا وِر و کوکورو آکرِ.

اوّلین نامَه تَسالونیکی کلیسا را 4:1

اَی برا اِن آخیر بَسَر، اَمه خداوند عیسی دلَکا، شِمکا خاشتو خازِمونَه، هَتَه کن چنتَه زندَگی کردِ و خدا راضی آکَردِ، امَکا بَشمَه آرَستَه، هته کن کاینَه اَنجوم دوعِه، اِم کاری ویشتَر و وِرتَر اَنجوم بدَرَ.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

نامَه فیلیمونیرا 1:6

و دِوا بَکم کن اِشتِه ایمانی شریک بِه، کمک بکَرِ کن هر چاکَه چیی ایی کن چَمَه دلَکا دَرِ، مسیح خونِه، ایلَه کامیلَه شیناخت، بَرَ بدَرِ.

نامَه، عِبرانیه نَتاجَه مسیحیونرا 5:14

ولی سنگینَه غذا یالون شنَه، اَیِنی کن وِرَ تمرینینَه اِشتَن تشخیصی اینجاری اَنه تربیَتِشون کردیَه تا چاکی وبدی بشان تشخیص دوعِه.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.