نامَه فیلیپی کلیسا را 1:6 - کتاب مقدس به زبان تالشي - گویش مرکزی

⁶ یَقین بموستیم اَ کن چاکَه کاری شِمَه دِلَکا شِروو کَردِشَه، تا مَسیح عیسی ویگَرستِه روجیرا، اَی تَمون آرَکَرد.

کتاب مقدس به زبان تالشی شمالی

⁶ و از مُطمئِنیمَه اَ که شِمَه دیلَه کا چاکَه کاری شروع کَردَشه، تا مسیح عیسی آگَردِستِه روز، اَیی کامل آکَرِه.

نامَه فیلیپی کلیسا را 1:6 Cross References

یوحنا 6:29

عیسی اَیِنِش جواب دوعَه: «خدا کار اِمَه کن، اَ کَسی سَردِرِ کن رَونَه آکَردَشه ایمان بوعَرَ.»

رَسولون اَعمال 11:18

وقتی اَیِن اِم گَفِنِشون درَستَه، دَمِریستین و خِداشون سِتایِش کَردَ، و واتِشون: «پس خدا غَیر یهودییون نی فرصَت دوعَشه تا اِشتَن گِناخونکا توبَه بِکَن و زَیرونَه زندَگی بَه دَست بوعَن!»

رَسولون اَعمال 16:14

چَوون دِلَکا ژنی خدا پَرَست شَهرِ تیاتیرا آدَمونکا بَه کن چَمَه گَفون گوش اَکَریَه. چَی نوم لیدیَه بَه و اَرغوانیَه گِرونَه پارچَه اَخِرَشیَه. خداوند چَی قَلبی آکَردِشَه تا پولوسی پَیغومی گوش آدَرِ.

اوّلین نامَه قورَنتیانیرا 1:8

اَ بَشِمَه تا بَه آخیر آمبَست غَم بَردیَه، تا چَمه خداوند عیسی مسیح روجیکا بی تقصیر ببَه.

دوومین نامه قرنتیانیرا 1:15

چون اِمیکا خاطر جَم بیمَه، اَپیم بَه اوّلیکا شِمَه وَر بام تا دِ کَرَ فیضی تجربَه بکرَ.

دوومین نامه قرنتیانیرا 2:3

از اَتَرَکِه شِمَرا نامه نِوشتِمه تا اَ موقه ایی کن شمَه وَر کام آمِه، اَیِنی کن پی بَمن خَش آکَن، چمن برضَخ بِه باعیث نِبون. چیرا کن شمَه گِردی ایتمینان داریمَه کن چمن خَشی شمَه گِردی خَش به باعیث بَبی.

دوومین نامه قرنتیانیرا 7:16

خَشیمه کن تمام و کمال شمَکا ایطمینان بَداشتیم.

دوومین نامه قرنتیانیرا 9:4

مبو کن اَگَم چند نفر مَقدونیَه ایماندارونکا کَسی بَمِنه بان سرآگِنِن کن شمَه حاضیر نیرون، اَمه اَ ایطمینانی کن شمَه سَر داریمون شرمندَ آبَم، دِ اِمیکا کن شمَه اِشتَن چَنَه شرمندَ آبَه کا چیی ایی نِمَه وات.

نامه غلاطیَه کلیسارا 5:10

اَز خداوندی دِلَکا بَشمَه ایطمینان بَداشتیمَه کن شمَه ایلَه دییرَ نظَری قِبول نینَّکرد؛ و اَ کن بَشمَه تَتَّه وَسَّه درَفند، هر کی کن ببو اِشتَن جَزا بَویندییَه.

نامَه اَفسوسی کلیسارا 4:12

تا موقدسَه آدَمون خیدمت کَردِ کاریرا آمادَ آکَرِ، مسیح تنی بَنا آکَردِرا،

نامَه فیلیپی کلیسا را 1:10

تا بِشاعَه اَ چیی ایی کن چاکترَ قبول بکرَ و مَسیح روجیکا پاجا و بی عَیب ببَه،

نامَه فیلیپی کلیسا را 1:29

چون اِم ایفتخار شِمَه نَصیب بَیَه کن نِه تاکَه مَسیح ایمان بوعَرَ، بَسکَم چَیرا رنج و عَذاب نی بِکَشَه.

نامَه فیلیپی کلیسا را 2:12

پس اَی خاجَتیِن، هَتَه کن اوزون فِرمون بیرون، ایسَه نِه تاکَه چمن مَندَ جِگاکا کا بَلکَم پی خَیلی ویشتَر چمن مَند نِبِه کا، اِشتَن نیجات گَتِرا تَرسو لَرزینَه اَنجوم بدَرَ؛

نامَه فیلیپی کلیسا را 2:13

چون خِدایَه کن شمَه دلَکا اِشتَن خَشی خونه کا کار کردِ، هِم ایرادَکا و هِم عَمَلیکا.

نامَه فیلیپی کلیسا را 2:16

زندَگی کلامی آمبَست غَم بَرَ تا مسیح ویگَردِسته روجیکا ایفتخار بکَرم کن دَدار نَوریجیمَه و دَدارِم زَمَت کشتَه نی.

نامَه کُولُسی کلیسا را 2:12

و شمَه بَینَه غسل تعمیدی دلَکا، اَینه دفن بیرون، و ایمانی واسیطنَه کن خدا زبقینه کن مسیحِش مردَاونکا زندَش آکَردَ، اَینه زندَ آبیرون.

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

دوّمین نامَه تَسالونیکی کلیسا را 1:11

اِمی خاطر، یَژَن شِمَرا دِوا بَکمون تا چَمَه خدا بَشِمَه اِشتَن صلا ژِرا قابل بِزنِه و اِشتَن اینجارینَه هر چاکَه نیَتی و هر چاکه کاری کن شمَه ایمانیکا سرچشمه بَگتی، اَنجوم بدَرِ،

دوّمین نامَه تَسالونیکی کلیسا را 3:4

اَمه خداوندی دلَکا بشِمه ایطمینان دارَم کن اَ چیی ایی کن بَشِمَه حِکم بَکمون بَجا بوعَردیرون و اَنجوم بَدارون.

نامَه فیلیمونیرا 1:21

اِمی خونه اِمی بنوِشتیمه کن اِشتِه فرمون بَردِکا ایطمینان بَداشتیم و بَموستیمَه کن حتی چمن واتَه گَفیکا نی ویشتَر، اَنجوم آشَدا.

نامَه، عِبرانیه نَتاجَه مسیحیونرا 10:35

پس شمَه اِم ایطمینانیکا دَس پِمَگِرَ، اِمی خونه کن بَیکا بَه دوملَه یالَه پاداشی هِستَه.

نامَه، عِبرانیه نَتاجَه مسیحیونرا 12:2

و چَمه چَم تاکَه عیسی کا ببو کن چَمَه ایمانی هیمَه و چَمَه ایمانی کامیل آرَکَرد، و اَ خَشی خونه کن چَی نَکا به، صلیبی سَردِرِ تاوِش وردَ و چَی ذلیل بِه و گِچ گیرییش ندید گتَه، و خدا تخت پادیشایی راستَه وَریکا نِشتَه یَه.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.

پطروسی دومین نامه 3:10

ولی خداوَندعیسی ویگَردِستِه روج، هنتَه پِتارچیی شیوار بومَیَه، کن اَ روجیکا آستامونِن برکَه یالَه سَسینه نیفیت آنَّب و اِسترَ اِن آرا بَگتین و نیفیت آنَّب، و زمین و گِردِ چَی کارِن دیار بَبینه.