نامَه فیلیپی کلیسا را 1:27 - کتاب مقدس به زبان تالشي - گویش مرکزی

²⁷ تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

کتاب مقدس به زبان تالشی شمالی

²⁷ فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 1:27 Cross References

مَتّی 12:25

عیسی چَوون فکریکا سَر آگِنه اَیِنِش واتَه: «هر مملکَتیکا کن اِشتَن زِرَبَرا تقسیم ببو، نیفیت آرَبن و هر شهر یا کَه ایی کن اِشتَن زِرَبَرا تقسیم ببو، پابرجا نیَمَند.

رَسولون اَعمال 2:46

اَیِن هَمه روج، مَعبَدیکا یندِنَه جَم آرَبین و اِشتَن کَه دِلَکا نی نونی پِسه اَکَرین و خَشینه و دستو دلبازی نَه یَندِنَه غذا هَرین

رَسولون اَعمال 24:24

چَن روجی به دوملَه، فِلیکس اِشتَن ژِن دِروسیلا نَه کن یَهودی بَه، آمَه و پولوسی دوملَه عَندِشَه. اَ، پولوسی گَفون کن عیسی مَسیح ایمان داشتِه خونِه بَه گوش آداشَه.

رَسولون اَعمال 4:32

گِردِ ایمان دارِن یَکدِل و یَک جان بینَه و هیچ کَس چیی ایی اِشتَن مالو منالیکا اِشتَن شِن نَزنیَه، بَسکَم، گِردِ چییونکا یَندِ نَه شَریک بین.

رومی کلیسارا نامه 1:16

اِمی خونه کن اَز اِنجیلیکا عار ندارِم، چیرا کن اِنجیل، هَر کَمی نیجات دوعِه را کن ایمان بوعَرِ، خدا زبقَه، اَوَلیکا یَهود و چَی بَه دوملَه غَیر یَهود.

رومی کلیسارا نامه 1:5

خدا، مسیح واسیطَنه اَمَش فیض دوعَه تا چَی رسولِن آبَم و قامون گِردی راهنمایی بکَرَم کن مسیح نومی سَردِرِ ایمان بوعَرِن و بَیکا ایطاعَت بکَن.

رومی کلیسارا نامه 1:9

چون خِدایی کن بَی اِشتَن صِدقِه دِلینَه چَی زوعَه اِنجیلی کاریکا خیدمَت بَکَم، مِرا شاهیدَ کن چِنتَه یَژَن چمن دِوا اونکا بَشِمَه، اوزون یاد آمَفَند

رومی کلیسارا نامه 10:8

ولی اَ، چِه باتی؟ اِمکن «اِم کَلام اِشتِه نِزِک، اِشتِه گَویکا، و اِشتِه دِلیکارَ.» اِم هَه ایمانی کَلامَه کن اَمه اییلام بَکَمون،

رومی کلیسارا نامه 15:16

کن غَیرِ یَهودیونرا، مَسیح عیسی وزییَر بِبوم و خدا اِنجیلی خیدمت کَردِ خونه کَاهن ببوم، تا غَیرَ یَهودیِن چَاکَه خَلایی خدا دَرگارا بِبون کن خدا موقدسَه روح نَه تقدیس بَیَه.

رومی کلیسارا نامه 15:29

بَموستیم کن وَقتی شِمَه وَر بام، مَسیح فِرَوونَه بَرَکتینَه بومَمَه.

اوّلین نامَه قورَنتیانیرا 1:10

برا اِن، چَمه خداوند عیسی مَسیح نومینَه شِمَکا خاشتو خازِمَه کن یَندِنَه یَک دل ببَه، تا شِمَه مینَکا تَفرَقَه مبو. بسکم شمه دلَکا هِم فکریکا و هِم نَظَریکا ایلَه آبَه.

اوّلین نامَه قورَنتیانیرا 15:58

پس، چمن خاجتیَه برااِن، آمبَست و پابِند ببَه، اوزون خداوندی کاری ویشتَر و ویشتَر اَنجوم بدَرَ، اِمی خونه کن بَموستیرون شمَه زَمَت خداوندی دِلَکا دَدار نییَه.

دوومین نامه قرنتیانیرا 13:11

اَی برا اِن آخِریکا خَش بِبَه؛ شمَه فکر اِم ببو کن هَنی زبق بیگِرَ؛ یَندِ آلاوِنَه، یَندِ نَه هم رَای ببَه، صلح و سلامتیکا زندَگی بکَرَ، و صلح و سلامتی خدا شمَنه بَمندیَه.

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

دوومین نامه قرنتیانیرا 9:13

اِم خیدمتی خونه مردوم خدا شکوه جلال آنَّدا اِمی خونه کن نِه تاکَه ایتراف بکَرون مسیح انجیلی ایمان دارَ بَسکم اَوون و دییرَ کسون اَ چیی ایی دلَکا کن هِستِرونَه شریک بَکَرون.

نامه غلاطیَه کلیسارا 1:7

اَلبَت دیَرَ اِنجیلی وِجود نِدارِ، ولی کَسِنی هِستینَه کن بَشِمَه تَفشیش دَنَّفَند و اَپیشونَه کن مَسیح اِنجیلیکا دَست بِبَن.

نامَه اَفسوسی کلیسارا 1:13

و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه اَفسوسی کلیسارا 1:15

اِمی خاطر هَتَه کن اَز نی وقتی شمه ایمانی تریفی کن به عیسای خداوند دارَ و موحبتی کن گردِ موقدسَه آدَمونرا دارَ درَستِم،

نامَه اَفسوسی کلیسارا 4:1

پس اَز کن خداوندیرا زیندانیکامَه، شمَکا خاشتو خازِمه صلاییی کن بَشمَه ژَشونه شئنی نَه، رفتار بکرَ،

نامَه فیلیپی کلیسا را 1:5

اَ همکاری ایی خونه کن اَوَلَه روجیکا تا اومروج، اِنجیلی کاریکا هِستیرون.

نامَه فیلیپی کلیسا را 2:12

پس اَی خاجَتیِن، هَتَه کن اوزون فِرمون بیرون، ایسَه نِه تاکَه چمن مَندَ جِگاکا کا بَلکَم پی خَیلی ویشتَر چمن مَند نِبِه کا، اِشتَن نیجات گَتِرا تَرسو لَرزینَه اَنجوم بدَرَ؛

نامَه فیلیپی کلیسا را 2:24

و خداوندی دِلَکا اِطمینان دارِم کن اِشتَن نی خَیلی زوو بومَمَه.

نامَه فیلیپی کلیسا را 3:18

چون چَن کَرَ بَشِمَه چَوون خونه واتِم وحتی ایسَه نی اِشتَن اَسِرگینَه جیگیر بَکَم، خَیلیِن هِنتَه مسیح صَلیبی غَنیم، رَفتار بَکَنَه.

نامَه فیلیپی کلیسا را 3:20

ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ.

نامَه فیلیپی کلیسا را 4:1

پس، اَی چمن برا اِن کن بَشِمَه رَی بداشتیم، و شِمَه ویندِرا ایشتیاق بَداشتیم، اَی شِمَه کن چمن خَشی و کلَّه تاجیرون، اَی خاجَتیِن، اِنتَرَکِه خِداوَندیکا آمبَست بِبَه.

نامَه کُولُسی کلیسا را 1:10

تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

نامَه کُولُسی کلیسا را 1:4

اِمی خونه کن شمه ایمانی خونه کن مَسیح عیسی دِلَکا و موحبتی کن گردِ موقدسَه آدَمون سَر دارَ، دَرَستَمونَه.

اوّلین نامَه تَسالونیکی کلیسا را 3:6

ولی ایسَه کن تیموتائوس شمَه وَریکا ویگَردِسته یَه و شمه ایمان و موحبتی چاکه خَبری وردشَه. اَ اَمَش خبر دوعَیه کن شمه اوزون چَمَه تَریفی چاک بَکَرون و هته کن اَمه شمَه ویندِرا ایشتیاق دارَم، شمه نی چَمَه ویندِرا خَوَصِرون.

اوّلین نامَه تَسالونیکی کلیسا را 4:1

اَی برا اِن آخیر بَسَر، اَمه خداوند عیسی دلَکا، شِمکا خاشتو خازِمونَه، هَتَه کن چنتَه زندَگی کردِ و خدا راضی آکَردِ، امَکا بَشمَه آرَستَه، هته کن کاینَه اَنجوم دوعِه، اِم کاری ویشتَر و وِرتَر اَنجوم بدَرَ.

اوّلین نامَه تیموتائوسیرا 1:11

اَ آموجی کن موتبارِکه خدا پور شکوه و جلالَه اِنجیلی واتنَه، کن چمن دستِشون دوعیَه.

اوّلین نامَه تیموتائوسیرا 1:19

ایمان و پاجا اَ ووژدانی آچیک، چیرا کن بعضیین چَوون رَد کَردِ نَه، چَوون ایمانی کَشتی ویرَنجِستَه یَه.

دِوُّمین نامَه تیموتائوسیرا 4:7

اَز چاکَه جنگیکا جَنگِسته ایمَه، چمن موساقبَه تَمونِم آکردیَه و چمن ایمانِم غَم هردیَه.

نامَه تیتوسیرا 2:10

پِمَتارِن، بَسکم اِشتَن چاکَه ایمانی کامیل آمونِن تا هر چیی ایی دلَکا چَمه نیجات اَدَر، خدا آموجی خاص گیری، قشگینَه آمونِن.

نامَه فیلیمونیرا 1:5

اِمی خونه کن اَز اِشتِه موحبَت و ایمانی خونه کن خداوند عیسی و گِرد موقدسَه آدَمون سَر بَداشتیشَه، کام درَستِه.

یعقوبی نامَه 3:18

صالح بِه، اَکینی اَ کن صلح و صَفا دلَکا، و اَیِنی کن صُلحی دوملَه اینَه بالینَه کَشت بَبی.

پطروسی دومین نامه 3:11

اَ جگا ایکا کن گردِ اِم چیی اِن هنترکه کاینه نیفیت آبِه، شمَه پی چنتر آدَمِنی ببَه؟ شمه پی ایله دیندار و موقدسه زندَگی بدارَ،

پطروسی دومین نامه 3:14

پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

یهودا نامه 1:3

اَی خاجَتی اِن، اَگَم چِه بَرکَه ایشتیاق داریمَه تا اَ نیجاتیکا کن گرد اَیکا رَسَت دارَم شِمَرا بنوِسم، ولی لازمم ویندَ اِم چن گِلَه خط نوشتِنَه، شمَکا بپیام، اَ ایمانی کا کن ایکَرَ اوزونیرا موقدسَه آدَمون دست دوعَشونه تقلا بکرَ.