نامَه فیلیپی کلیسا را 1:20 - کتاب مقدس به زبان تالشي - گویش مرکزی

²⁰ هَته کن ایشتیاقینه اینتظار بَکَشتیم و اُمیدِم هِستَه کن هیچ چیکا سَر اَفکَندَ آنیمَب، بَلکَم کَامیلَه جورئَتینه، ایسَه نی اوزونی شیوار، مَسیح چمن تَنیکا جَلال بگَتی، چِه مَرگیکا و چِه زِندَگیکا.

کتاب مقدس به زبان تالشی شمالی

²⁰ هَتَه که اِشتیاقی نَه اِنتظار بَکَشدیم و اُمید هِستِمه که هیچی کا خِجِل نِبوم، بَلکَم جرئَت کامِلی نَه، حِسَه نی هَمیشه شیوار، چِه مرگی کا و چِه زِندگی کا، مسیح چِمِن بَدنی کا جلال بَگتی.

نامَه فیلیپی کلیسا را 1:20 Cross References

یوحنا 21:19

عیسی اِم گَفینه چِنتَر مَردِ ای ایشا اَکَریَه کن پِطروس اَینه خدا جلالی دیار آرَکَریَه. چَی بَه دوملَه عیسی بَی واتِش: «چمن دوملَه بِه.»

رَسولون اَعمال 20:24

ولی اَز هِم جان و هِم زندَگی بَشتَنرا بی ارزش بَموستیم، و تاکَه اَگَم بِشام اِشتَن دووری تَمون آکَرم و خیدمَتی کن خَداوَند عیسی کا ویگَتِم کامیل اَنجوم بِدَرم، و خدا فِیضی خَشَه خَبَری شاهیدی بدَرِم.

رَسولون اَعمال 21:13

ولی پولوس جواب آداشَه: «اِم چه کاریَه بَکَرون؟ چیرا اِشتَن بِرَمِستِه نَه چمن دِلی بَچاکِنِستیرون؟ اَز حاضِریمه خداوند عیسی نومی خونِه، نِه تاکَه زیندانیرا بِشوم، بَسکَم اورشَلیمکا نی بِمِرِم.»

رَسولون اَعمال 4:31

چَوون دِوا کَردِ بَه دوملَه، جِگایی کن چَی دِلَکا گِرد آبَه بین لَرزِستَه و گِرد، خدا موقدسَه روح کا پَتلَمَه آبین وخِدا کَلامی شَهامَتینَه اَواجینَه.

رومی کلیسارا نامه 12:1

پس برا اِن، خدا رَحمَتون خونه، بَشِمَکا خاشتو خاز بَکَمَه کن اِشتَن جَندَکون هِنتَه زِندَ قربونی خِدارا، موقدَّس و خدا دل پیستَه، تَقدیم بکَرَ کن اِم شِمَرا روحانَیه عیبادَتَه.

رومی کلیسارا نامه 5:5

و اِم اُمید داشتِه چَمَه شرمندگی باعیث نیَبِن، چون خدا موحبَت، خدا موقدسَه روح نَه کن اَمَشون دوعَه یه، چَمَه دِلونکاشون ویکَردیَه.

رومی کلیسارا نامه 6:13

اِشتَن جَندَکی اَعضا گناخی دَست آنِدَرَ تا نادِرِستی اَساس آبون، بَسکم هِنتَه اَیِنی شیوار کن مَردِ کا زِندَگیرا ویگَردِستَه اینَه، بَشتَن خدا دست آدَرَ تا شمه جَندَکی اَعضا خدا دَستیکا، راستی وسیله آبون.

رومی کلیسارا نامه 6:19

اَز اینسانی زبانینَه بَشِمنَه گَف بَژَم، اِمی خونه کن اینسانیرون و شمَه جندَک عِجِزَ. هَتَه کن چیمی بَه نَ اِشتَن جَندَکی اَعضا، هنتَه وَزییَری شیوار، ناپاکی و بی قانونی کن روج بَه روج ایضاف آرَبیَه، دَست آدارون، پس ایسَه اَوون صالِح بِه وَزییَریرا آدَرَ کن چَی آخیر قودَّوسیَته.

رومی کلیسارا نامه 8:19

اِمی خونِه کن خیلقَت گِردِ اِشتَن اِشتیاقینَه خدا زوعَه اون اَیر آبِه، مونتَظیرَ.

رومی کلیسارا نامه 9:33

هَتَه کن اِشعَیای پَیغمبَری کیتاویکا نِوِشتَه آبَه یَه کن: «دَیَس، صَهیونیکا سِه ایی آمَنا کن لِسکیستِه باعیث بَبی، و کازَ مَغاری کن ویگِنستِه باعیث بَبو؛ وهَر کَم کن بَی ایمان بوعَرِ، شرمندَ آنیَبِن.»

اوّلین نامَه قورَنتیانیرا 15:31

برا اِن، اَ ایفتخاری کن چَمَه خداوند مَسیح عیسی دِلَکا شمَه خونه بَداشتیمَه، چَی سَر قسم بردیمَه کن اَز هر روج کام مَردِ.

اوّلین نامَه قورَنتیانیرا 6:20

اِمی خونه کن شمَه خِرییِه را بَهاشون دوعَیه، پس اِشتَن تَنیکا خدا شکوه وجلال بدَرَ.

اوّلین نامَه قورَنتیانیرا 7:34

و چَی حواس خدا و چَی ژِنی مینَه کا رَسَت بَبی. هِنترَکه، موجرَدَ ژِن یا باکِرَ کِلَه، خداوندی کارون خونه تفشیشَه، کن چِنترَ جَندَکیکا و روح کا، موقدَّس ببو؛ ولی شو دارَ ژِن اِم دِنیا چییون خونه تَفشیشَه کن چنتَرَ اِشتَن شو راضی دَروَرِ.

دوومین نامه قرنتیانیرا 10:8

چون حتی اَگَم اییی زرَ ویشتَر چَمَه زاکینی سَردِرِ ایفتخار بکَم، شرمندَ آنیمَب، اَ زاکین کن خداوند شمَه بنا کردِ خونه بَمِنِش آدوعَیَه، نِه شمَه نیفیت آکَردِرا.

دوومین نامه قرنتیانیرا 3:12

پس اِمی خونه کن اِنتَرَ امیدی بَداشتیمون، جورئَتینه گَف بژَمون؛

دوومین نامه قرنتیانیرا 4:10

اوزون عیسی مردِ اِشتَن تَنینه پِرِمون تا عیسی زندَگی نی چَمه تَنیکا اَیر آبو.

دوومین نامه قرنتیانیرا 5:15

و اَ گِردی خونه مَردَ تا اَیِن دِ اِشتَن خونه زندَگی مَکَن بسکم اَ کَسی خونه زندَگی بکَن کن چَوون خونه مَردَ و زندَ آبَه.

دوومین نامه قرنتیانیرا 7:14

چون کن اَز چَی وَریکا، هر نظَریکا بَشِمَه ایفتخار کردِمه و شمِه بَمن سراَفکندَ آنِکَردِرون، بَلکَم هر چیی ایی کن بشِمه واتِمون دِرِست بَه، و ثابیت بَه کن چَمَه ایفتخار تیتوسی وَر بَجا به.

دوومین نامه قرنتیانیرا 7:4

اَز دلو و جورئَتینه شمَنه گف بَژَم، و بَرک شمَه خونه ایفتخار بکَمه. اَز خَیلی آلاویستیم. اَز گِردِ موصیبَتونکا خَشی کا پَتلمَه ایم.

نامَه فیلیپی کلیسا را 1:14

و چمن زیندان دگِنِسته باعیث آبَه کن ویشتَرِ برا اِن، خِداوَندیکا دِلی زِبق آکَن تا جورئَتینه، خدا کَلامی بی اِمکن بِتَرسِن بِواجِن.

نامَه فیلیپی کلیسا را 2:17

حتی اَگَم لازم ببو چمن خون هِنتَه خَلایی شیوار، شمه ایمانی قِربونی را ویبو، خَشیمَه و شِمَه گِردینَه خَشی بَکَم.

نامَه کُولُسی کلیسا را 1:24

ایسَه عَذابِنی خونه کن شمَرا کشتِمَه کا خَشیم و چَی تنی خونه کن کلیسا اَ، اَ چیی ایی کن مسیح عَذابونکا کمَه، چمن جندَکیکا تلافی بَکَم.

اوّلین نامَه تَسالونیکی کلیسا را 5:23

ایسَه خدا صلح سلامتی، اِشتَن بَشِمَه کامیلا تقدیس بکرِ و تا چَمه خداوند عیسی مسیح آمِه، شمه روح و جان و تن بی عَیب بومونِه.

پطروسی اوّلین نامَه 4:16

اِم حالیکا اَگَم ایی نفر مسیحی بِه خونه عذاب بَبَردی، شرمندَ آمبو، بَسکم اَ نومی دِلَکا خدا شکوه و جلال بدَرَ.

یوحنا اوّلین نامَه 2:28

پس ایسَه، اَی خِردَنِن، اَیکا بومونَه تا اَموقه کن اَ، اَیر آبو و اِطمینان بِدارَم و چَی آمِه موقِه اَیکا شَرمَندَ آنِبَم.