نامَه فیلیپی کلیسا را 1:12 - کتاب مقدس به زبان تالشي - گویش مرکزی

¹² اَی برا اِن، اَپیمَه بِزنَه اَ چیی کن چمن سَر گِذَشتَه، واقییِن اِنجیلی پیشرَفتی باعیث آبَه،

کتاب مقدس به زبان تالشی شمالی

¹² اِی بِرااِن، پیستِمَه بِزونه اَ چیی که چِمِن سَر اومَه، در اَصل اِنجیلی پیشرفتی باعیث بَه،

نامَه فیلیپی کلیسا را 1:12 Cross References

انجیل لوقا 21:13

اِم شِمَرا فِرصَتی بَبیَه تا شَهادَت بدَرَ.

رَسولون اَعمال 8:4

اَ ایمان دارِنی کن اَیذَت آزاری خونه وِلاخ آبَه بین، هَر جِگارا کن اَشینَه، خداکَلامی خَشَه خَبَری اَدَرین.

رومی کلیسارا نامه 8:28

بَموستیمون اَیِنی حَقیکا کن خدا رَی بَداشتینَ و چَی ایرادَنَه خِلِه بَه اینَه، گِردِ چیی اِن چَوون خِیری یَتیرا کار بَکَنه.

رومی کلیسارا نامه 8:37

نِه، چَی واسیطَنه کن اَمَش موحبَت کَردَ، گِردِ اِم کارونکا، اَمه، اَیِنی کا کن پیروزین، کَفاتَریمون.

نامَه فیلیپی کلیسا را 1:5

اَ همکاری ایی خونه کن اَوَلَه روجیکا تا اومروج، اِنجیلی کاریکا هِستیرون.

نامَه فیلیپی کلیسا را 1:7

اَز اِم حَقی بَداشتیمَه کن شِمَه گَردی خونِه اِنتَرَ حِسّی بِدارم، چیرا کن چمن دِلیکا جِگا بَداشتیرون؛ اِمی خونِه کن شِمَه گِرد بَمِنَه خدا فِیضیکا شَریکیرون، چِه چمن زیندان دگنِستِکا و چِه اِنجیلی دیفا کَردِ کا بِبوم و چَی حَییقتی ثابیت کَردِ کا.

نامَه فیلیپی کلیسا را 2:22

ولی شِمَه بَموستیرون کن تیمو تائوس اِشتَن وَرداوَردی پس آدوعَشَه، اِمی خونِه کن بَمِنَه، هِنتَه زوعَه ایی اِشتَن دَدَ نَه، اِنجیلی کاریکا خیدمَتِش کردیَه.

نامَه فیلیپی کلیسا را 4:15

شِمَه نی، اَی فیلیپیِن، چاک بَموستیرون کن اِنجیلی کاری بنا کردِ، مَقدونیَه کا شِه بَه دوملَه، هیچ کِلیسا ایی غَیرَاَز شِمَه، دخلو خرجیکا بَمِنَه شَریک آنِبَه.

نامَه فیلیپی کلیسا را 4:3

ها بَتِکا نی اَی وَفادارَ هَمکار، بَپیمَه کن اِم دِ گِلَه خَنِمی کاریَری بَدَری. اِمی خونِه کن اَکلیمِنتُس و چمن دییرَ هَمکارونَّه کن چَوون نومی زندَگی دَفتَرییکا نِوِشتَه آبَه یَه، اَیِن بَمِنَه دوشادوش اِنجیلی کاریرا زَمَتِشون کَشتیَه.

اوّلین نامَه تیموتائوسیرا 2:8

پس چمن طَمارزو اِمه کن گِردِ جِگا اونکا مِردِن دِوا بِکَن، و بی غَضَّب و خَرا خِلِه اِشتَن بالون دِوا کَردِرا کَفا بِبَن.

دِوُّمین نامَه تیموتائوسیرا 2:9

چَی خاطِرَ کن موجریمون شیوار بَمن زِنجیلینه دَبستَشون و کام عذاب کَشتِه، ولی خدا کلام زِنجیلیکا نییَه.

دِوُّمین نامَه تیموتائوسیرا 4:17

ولی خداوند بَمِنه دَرِ به و بَمن زبق داشه تا اَ پَیغوم، چمن واسیطنه کامیلا اییلام ببو و غَیر یهودیین گِرد اوون درَسن. هنترَیه کن شیری گَویکا بروشتیم.