A Scarta San Pablo D'a Eb' Aj Filipos 3:2 - Chuj San Sebastian Bible

² Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

Chuj San Mateo Bible

² Tzeyil val e b'a d'a juntzan̈ eb' chuc spensar. Chuc syutej sb'a eb', sgana eb' spolel jab'oc e tz'umal.

A Scarta San Pablo D'a Eb' Aj Filipos 3:2 Cross References

Salmos 119:115

'El cab' eb' maysch'olnil snab'en tic 'a in tz'ey, yujto tzin nib'j in yicl a checnb'il ach in Diosal.

Salmos 22:16

'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Salmos 22:20

Man̈ in a cha tzu'xoc cham yuj eb' maysch'olnil cha. Man̈ in ac' milxoc cham yuj eb' 'icha tz'i cha.

Pr 26:11

'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Mt 24:10

A 'a jun tiempoal cha, til wal mach 'oj meltzjoc pax 'a spatic, 'oj chichnc 'och eb' 'a eb' yitb'eym xon cha. Caw 'oj ya'ch eb' chaml 'a yib'n̈ eb'.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Ro 2:28

Man̈ yujoc to israel e b'i 'a sat eb' 'anma', man̈ yujoc cha caw yel israel ex 'a sat Dios. Man̈ yujoc to 'aych jun circuncisión 'a e niwnal, man̈ yujoc cha wach'x 'a sat Dios.

2 Co 11:13

A eb' cha, ton̈j tzcob' yalch sb'a eb' schecb'oc Cristo. Caw 'ixtm 'anma eb' yet' spaxti cha, mun tzcob' ya'ch sb'a eb' schecb'oc Cristo.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

1 Ti 1:19

'Ay eb' man̈xtzac stan̈wj sb'a yet' snab'en. Yuj cha, xwach' juw 'el snab'en eb'. Man̈xtoc tzya'ch eb' 'a sc'ojl ticnec.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

A Schab'il Carta San Pedro 2:22

'Ay jun paxti yel, a tzaln 'ixtic: A no tz'i', tzlajw xej no', tzle'n pax no xej chi jun 'ejm xo. Yet' no chitam, tzlajwn̈ej sb'icx no', tz'atx no 'a scal b'i'ch muc'uc, tzb'alb'i'chan pax sb'a no', xchi. 'Icha e no cha, 'ixta eb' tic, yujto tzya'x 'at sb'a eb' 'a scal maysch'olnil jun 'ejm xo.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.