A Scarta San Pablo D'a Eb' Aj Filipos 3:13 - Chuj San Sebastian Bible

¹³ Ex wu'tac, ex wanab', tzin na'a, mant toc tz'acn in 'a jun tzo'n̈ chi ticnec. Palta 'oj walb't 'ayex, tas tzwutj in b'a. A ticnec, man̈xtzac in na cot jun tzo'n̈ tas tox 'ix wac' ganar. An̈j jun tzo'n̈ tas 'ayt palta, a tzin na'a. Yuj cha, tzwac' 'ip,

Chuj San Mateo Bible

¹³ Max vala' tato tec'an inxo, palta icha tic svutej in b'a to a ticnaic maxtzac in nacotlaj juntzan̈ tas toxo ix ec'b'ati. An̈ej juntzan̈ tas ayto palta tzin na'a. Svac'an val vip

A Scarta San Pablo D'a Eb' Aj Filipos 3:13 Cross References

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Salmos 45:10

'Ab'xnan̈ ach cob's 'ix, tzcham wal a maclni tas 'oj wal 'ayach. Man̈ a na cot eb' a mam a nun, yet' eb' et chon̈ab'.

Lc 10:42

Palta junn̈j tas caw 'ay sc'a'l sb'o'i. Atn jun chi tznib'j María tic. Yuj cha, may junc mach 'oj 'i'nc 'ec' 'a 'a, xchi Jesús 'a 'ix.

Lc 9:62

Palta xyaln pax 'a win 'ixtic: —Q'uinloc 'ay junc winc tzmunlj yet' no wacax, tzyamn st'oclab' lum no'. Tzlajw cha, tzsutmj pax 'at q'ueln win 'a spatic. Toto 'ay eb' 'ixta yaj snab'en, may jac yopiso eb' 'a yol sc'ab' Dios, xchi Jesús.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Filipos 3:12

Matz wala, toto tox xwac' ganar jun tzo'n̈ xwal tic. Yujto mant toc caw tz'acn in 'a smasnil. Palta caw an̈ja tzwac' 'ip ticnec, sec toq'ue 'oj in tz'acw 'a smasnil. Yujto a Cristo Jesús, tox in yique'ej.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

A Schab'il Carta San Pedro 3:8

Ex chamc'ojlb'il wu'uj, tzin nib'j tznachj 'el eyu'uj, to a 'a sat Cajlilec, a jun c'u, lajn 'icha tz'ec' jun mil ab'il. Ax jun mil ab'il, lajn 'icha tz'ec' jun c'u.