A Scarta San Pablo D'a Eb' Aj Filipos 2:30 - Chuj San Sebastian Bible

³⁰ A jun cu'tac tic, jab'xoj wal ma'ix chami, yujn̈ej to wan ya'n servil Cristo. Wach'xam 'ijn xchami, yujto wan in ya'n servil 'a tic, palta ma'ix sna jab'oc, toto tzchami. Ax xo tic, matz tac' in wul eya'nc servil, yuj cha, a 'ay cot in wul yac' servil 'a tic e jeloc.

Chuj San Mateo Bible

³⁰ A jun vin̈ cuc'tac tic, yujn̈ej to van yac'an servil Cristo vin̈, ijan val ix cham vin̈. Vach'chom ijan ix cham vin̈ yuj in yac'an servil, palta malaj jab'oc tas ix sna vin̈. A ex tic, max yal-laj e cot in eyac' servil, yuj chi', a vin̈ aycot in yac' servil e q'uexuloc.

A Scarta San Pablo D'a Eb' Aj Filipos 2:30 Cross References

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

Ro 16:4

'Ijn milxnac cham eb' 'a jun 'el, yic xit' 'in scolnc 'elt eb' 'a yol sc'ab' chamel. Yuj cha, caw tzwac' yuj diosal 'a eb'. An̈jtona eb' creyente 'a junjn iglesia 'a scal eb' man̈ israeloc, tzyac' pax eb' yuj diosal 'a eb'.

1 Co 15:53

Yujto a qui niwnalec tic, man̈ najtloc tzyac'a tzjuwi. Yuj cha, yowlal 'oj qui chac junx qui niwnalec to may b'a'n̈ 'oj juwoc. A qui niwnalec tic, yic chaml yaji. Yuj cha, yowlal 'oj qui chac junx qui niwnalec to man̈x b'a'n̈ 'oj chamoc.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

1 Co 16:17

Caw tzin tzalj ticnec, yujto xjaw Estéfanas wet' 'a tic, yet' Fortunato, yet' Acaico. A eb' tic, caw tzcolwj eb' 'ayin. 'Icha to e jel yajl eb' 'ayn 'a tic, yujto matz tac' e jawi.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

2 Co 4:12

Yuj cha, an̈ tic on̈, 'ayx 'och chaml 'a quib'n̈ on̈. Ax xo, 'ayx e q'uinl 'a jun 'ejmn̈ej.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

A Scarta San Pablo D'a Eb' Aj Filipos 2:27

Yel toni, jab'xoj wal ma'ix cham 'a tic, palta x'o'ch sc'ojl Dios 'a 'a. Yuj cha, 'ix b'oxi. Man̈ cojnoc 'a Epafrodito tic 'ix 'o'ch sc'ojl Dios. 'Ix 'o'ch pax sc'ojl 'ayin, yic xb'ox sc'ojl cha, sec wach' man̈xtzac wach' jaw in cusc'ojlal 'a tic.

A Scarta San Pablo D'a Eb' Aj Filipos 4:10

A ticnec, caw tzin tzalj 'a Cajlilec, yujto in e na paxt jun 'ejm xo, yic eya'n cot e colwal 'ayin. Wojtac, an̈ja nan in eyu'uj, palta may wal 'aj tzeyac' cot e colwal 'ayin, yujto matz tac' eyu'uj.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

Filemón 1:13

Xcob' in nib'c can wet' 'a tic, yic tzin ya'n servil. Toto 'ixta', 'icha to ach tzin wul ac' servil 'a yol preso tic. An tic, preso waji, yujn̈ej to tzwal-l wach' 'ab'x yic colnb'il.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.