A Scarta San Pablo D'a Eb' Aj Filipos 2:14 - Chuj San Sebastian Bible

¹⁴ A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

Chuj San Mateo Bible

¹⁴ Ayic tz'ac'ji e c'ulej junoc tasi, man̈ chichonc'olaloc tze c'ulej. Man̈ eyalub'tan̈ej yuj tas tz'ac'ji e c'ulej chi'.

A Scarta San Pablo D'a Eb' Aj Filipos 2:14 Cross References

Salmos 106:25

'Ix laj yalnc eb' tu paxti 'aych Mamin Jehová, yic 'ayc' eb' 'a yol smantiado, ma'ix schaj eb' yab' tas 'ix ala.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Nm 14:27

—¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.

Mt 20:11

Ax yic xchan eb' stojl cha, xcot yowl eb' 'a winac.

Mr 14:5

Octom xchon̈xi, ax 'a eb' meb'a x'ajx stojol, yujto 'ec'b'al am jun 'ab'il munljel-l stojl jun tic, xchi eb'. Yuj cha, xcaw cot yowl eb' 'a 'ix.

Mr 9:14

Yic wan sjapx eb' 'a 'aj 'aycn jun tzo'n̈ xo eb' scuywum, 'ix yiln cot Jesús, til wal 'anma yamn yaj yet' eb'. Ax ewin cuywjum 'a ley yic Moisés, wan sten sb'a ewin yet' eb' scuywum Jesús cha.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

A Tas Sc'ulejnac Eb' Schecab' Jesús Hechos 15:2

Ax Pablo yet' Bernabé, caw 'ix stej sb'a eb' yet' ewinac, palta ma'ix b'o yuj eb'. Yuj cha, xyaln eb' creyente, chajtlto tz'at Pablo 'a Jerusalén yet' Bernabé. Tz'at pax jun tzo'n̈ xo eb' creyente yet' eb' yic tz'at sc'anb'noc eb' junc nab'en 'a eb' schecb' Jesús, yet' 'a eb' anciano 'a jun iglesia cha.

A Tas Sc'ulejnac Eb' Schecab' Jesús Hechos 15:39

Caw 'ix stej sb'a eb' yu'uj, palta ma'ix chaj sb'a yaln eb'. Yuj cha, chucch 'aj x'at eb'. A Bernabé x'och 'a yol barco, x'at 'a lugar Chipre. 'Ix yi'n 'at Marcos yet'oc.

A Tas Sc'ulejnac Eb' Schecab' Jesús Hechos 15:7

X'ec' tiempo sten sb'a eb', ax Pedro 'ix q'ue lin̈an, 'ix yaln 'ixtic: —Ex wu'tac, eyojc xoni, 'ayx stiempoal in si'x can 'el yuj Dios, yic tzwaln 'el wach' 'ab'x yic colnb'il 'a eb' man̈ israeloc, sec tzya'ch eb' sc'ojl 'a Cristo.

A Tas Sc'ulejnac Eb' Schecab' Jesús Hechos 6:1

A 'a jun tiempoal cha, 'ix niwtj sb'isl eb' creyente. Palta a eb' creyente griego sti', 'ix cot yowl eb' 'a eb' creyente hebreo sti', yujto yic 'ix 'ajx wa eb' meb'a 'a junjn c'u, man̈ tz'acnoc x'ajx yic eb' 'ix chamnc yichmil griego sti'.

Ro 12:18

Ca'c 'ip qui ch'oxn junc'ojlal 'a smasnil 'anma', sec toq'ue tzcan eb' quet' 'a junc'ojlal.

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Ro 16:17

Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

1 Co 10:10

Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Gl 5:26

Caw man̈ qui b'an̈c qui b'a, sec matz laj qui tzuntzquec qui b'a. Man̈ qui nib'quec 'och tastc 'ay 'a junc xo quit creyenteal.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

1 Ts 5:13

Yowlal niwn yel'ch eb' 'a e sat, tze chamc'ojlan pax eb', yujto tzmunlj eb' 'a Cajlilec. Caw junc'ojlal tzlaj eyutc e b'a e masnil ta'.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

Santiago 1:20

Yujto a yic tzcot cowlec, man̈oc 'icha tznib'j Dios wan qui b'oni, yujto tznib'j tojl tzcutjec qui b'eyb'al.

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

Santiago 5:9

Ex wu'tac, ex wanab', man̈ eya'lac queja e b'a, sec wach' ma'oj e b'eyc'ojlaxi. Yujto jab'xoj 'oj jawc qui Juezalec.

A Sb'ab'el Carta San Pedro 3:11

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.