A Scarta San Pablo D'a Eb' Aj Filipos 2:12 - Chuj San Sebastian Bible

¹² Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

Chuj San Mateo Bible

¹² Yuj chi', ex xajanab'il vuuj, tze c'anab'ajejn̈ej, ichataxon e modo. Tzeyac' val eyip e naanel d'a nanamil yed' d'a xivc'olal tas syalelc'och co colnab'il syac' Dios. Man̈ocn̈ej ay in ec' eyed' ta', icha chi' tzeyutej e b'a. Palta tze c'ulejn̈ej juntzan̈ tic ayic man̈ in ayoc ec' eyed'oc.

A Scarta San Pablo D'a Eb' Aj Filipos 2:12 Cross References

Esdras 10:3

A ticnec, tzqui b'o qui trato yet' qui Diosalec, to 'oj qui chec meltzjc eb' 'ix quistzil chi 'on̈, atn eb' 'ix chuc chon̈b'al yet' yune'. 'Oj qui yicljc tas tzal ach tic, yet' jun tzo'n̈ xo eb' tzxiw 'a schecnb'il Dios et'oc, ax qui b'on 'icha yaln sley.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 2:11

'A'c 'emmquilal 'a Jehová yet' e tzaljc'ojlal. 'Ay cab' pax yel'ch 'a e sat.

Pr 10:16

Toto wach' qui b'eyb'alec, 'oj qui chac qui q'uinal; ax toto tu qui b'eyb'alec, maysch'olnil tas 'oj qui chac qui b'a yet'oc.

Pr 13:4

A eb' 'isaj, 'ay tas tznib'j eb', palta matz 'ilchj yuj eb'; ax eb' tzmunlji, caw wal 'oj niwtjoc tas 'ay 'a eb'.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Mt 11:12

Yictax syamn 'och Juan ya'w bautisar, masnto ticnec, til wal 'anma yelc'ojlal tz'och 'a yol sc'ab' Dios. 'Ay eb' te'n tzyutj sb'a, caw tzyac' eb' 'ip ya'n 'och sb'a 'a yol sc'ab'.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

A Tas Sc'ulejnac Eb' Schecab' Jesús Hechos 16:29

Yuj cha, 'ix sc'ann cot win staj. 'Ix 'ochch win 'a 'aj 'ay eb' cha. Caw x'ib'x chan̈ win yuj xiwlal. 'Ix 'em cumn win 'a yojltac Pablo yet' Silas.

A Tas Sc'ulejnac Eb' Schecab' Jesús Hechos 9:6

Ax Saulo cha, caw x'ib'x chan̈ win yuj xiwlal. —Mamin, ¿tas tza nib'j tzin b'o'o? xchi winac.] —Q'uen̈ wa'an, 'ixc 'a chon̈ab'. Ata 'oj alxoc 'ayach, tas yowlal 'oj a b'o', xchi Jesús.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

1 Co 4:14

Man̈ yujoc ex wa'n q'uixwc 'eli, tzin tz'ib'n 'at jun tzo'n̈ tic 'ayex. Palta tzin nib'j tzwac' e nab'enoc. Q'uinloc 'ay junc wunnal caw xajn wu'uj, 'ixta eyaj wuj ticnec.

2 Co 7:15

A Tito tic, caw niwn schamc'ojlal 'ayx ticnec, yujto tzna coti, chajtl eyutjnac eyiclni tas xyal 'ayex. Tznan cot paxi, to caw 'emmquilal eyutj e b'a yic e chan sc'och ta', xiwc'ojlal eyutjnac e b'a.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.

A Scarta San Pablo D'a Eb' Aj Filipos 1:5

yujto atxo 'a yic e chan Cristo masnto ticnec, junxn̈ej tzon̈ munljec 'a wach' 'ab'x yic colnb'il tic.

A Scarta San Pablo D'a Eb' Aj Filipos 1:6

Tox 'ix syamch Dios sjeln e b'eyb'al. A ticnec, caw wojtac an̈j 'ijnoc 'oj munljocn̈ej 'och 'ayex, masnto 'oj tz'acwoc e wach'il 'a jun c'ual yic 'oj jawc pax Jesucristo.

A Scarta San Pablo D'a Eb' Aj Filipos 2:19

Tzin nib'j tzin checb't Timoteo tic 'ayx yic jaye c'u, toto 'ixta tznib'j Cajlil Jesús. Yujto tzin nib'j tzwab'i, tas eyaj ta', sec 'oj jawc in tzaljc'ojlal eyuj 'a tic.

A Scarta San Pablo D'a Eb' Aj Filipos 4:1

Ex wu'tac, ex wanab', chamc'ojlb'ilx wu'uj. Caw tzin nib'j tz'at ex wila', yujto eyu'uj, 'ay in tzaljc'ojlal. Eyu'uj, ax in chan spac wico'. Yuj cha, ex chamc'ojlb'il wu'uj, caw te'n tzeyutj e b'a eya'n 'och e c'ojl 'a Cajlilec.

A Scarta San Pablo D'a Eb' Aj Filipos 4:15

Ex 'aj Filipos, eyojc xoni, yic in yamn 'och waln 'el wach' 'ab'ix, yic in cot 'a Macedonia, cojn ex colwjnacx 'ayin. Cojn ex eya'jnac 'at in gasto ta'.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

A Ch'an̈ Carta D'a Eb' Hebreo 4:11

Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.