A Scarta San Pablo D'a Eb' Aj Filipos 1:7 - Chuj San Sebastian Bible

⁷ Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

Chuj San Mateo Bible

⁷ Smojton tzin na juntzan̈ tic eyuj e masanil, yujto te xajan ex vuuj. E masanil ix ex colvaj ved'oc d'a vopisio ix yac' Dios tic. Vach'chom preso vaji, ma ayic vec'nac valeli to yel jun vach' ab'ix yic colnab'il tic, ma ayic svac'anpax stec'anil eb' syac'och sc'ool d'ay, tzex colvajn̈ej ved'oc.

A Scarta San Pablo D'a Eb' Aj Filipos 1:7 Cross References

A Tas Sc'ulejnac Eb' Schecab' Jesús Hechos 20:23

Palta wojtac, a 'a junjn chon̈b' 'aj tzin 'eq'ui, a Yespíritu Dios tzaln 'ayin, to yowlal 'oj woch 'a preso ta'. Til wal syal 'oj wab'i'.

A Tas Sc'ulejnac Eb' Schecab' Jesús Hechos 21:33

Ax xc'och winac, 'ix syamn cot win Pablo cha. 'Ix ya'n win 'ajxc 'och chab' cadena 'a 'a. Xlajw cha, 'ix sc'anb'n win 'ixtc 'a eb' 'anma': —¿Mach jun winc tic? ¿Tas smul win tzeyila? xchi winac.

1 Co 13:7

Toto yel 'ay qui chamc'ojlalec, 'oj ca'c techjoc smasnil tas. 'Oj ca'c 'och 'a qui c'ojol, chajtlto wach'n̈j tas tzb'o eb' quit 'anma'il. 'Oj ca'c 'ochn̈ej pax eb' yipc qui c'ojol. Tzann̈j junc tas tzjaw 'a quib'n̈ec, te'nn̈ej 'oj cutquec qui b'a.

1 Co 9:23

Jantcn̈ej jun tzo'n̈ tzin b'o tic, yuj wach' 'ab'x yic colnb'il tzin b'oni, sec 'oj in cha pax swach'l yuj jun xo.

2 Co 3:2

Yujto caw ax wan e ch'oxn 'eli, to 'ay copiso on̈. Lajn e b'eyb'al 'icha junc carta tz'ib'b'il 'och 'a e pixan, yujto tztac' yiln eb' 'anma smasnil, tas eyaji.

2 Co 7:3

Man̈ yujoc wa'n 'och junc tas 'a eyib'an̈, tzwaln 'at jun tzo'n̈ tic 'ayex. Yujto tox xwalb't 'ayex, caw 'ayx 'och 'a qui c'ojl on̈, yuj cha, wach'xam pitzn on̈ec, wach'xam tzon̈ chamec, palta junn̈j tzcutjec qui chamc'ojlan qui b'a.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 3:1

Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ef 6:20

A Dios 'a'jnac wopiso waln 'el jun 'ab'x tic. Preso waj ticnec, yujto tzwal-li. Yuj cha, tzex leslwi wu'uj, sec an̈ja te'n 'oj wutc in b'a waln 'eli, 'icha tznib'ej.

A Scarta San Pablo D'a Eb' Aj Filipos 1:12

Ex wu'tac, ex wanab', tzin nib'j tznachj 'el junx tic eyu'uj. To a jun xjaw 'a wib'n̈ tic man̈ tu'oc. Palta yu'uj, tzwach' pucl wach' 'ab'x yic colnb'il tic.

A Scarta San Pablo D'a Eb' Aj Filipos 1:13

Yujto jantcn̈ej eb' soldado yic win yajal, yet' jun tzo'n̈ xo eb' 'anma smasnil 'a tic, c'uxn xyab' eb', chajtlto yujn̈ej to 'aych in nab'en 'a Cristo, yuj cha, preso waji.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

A Scarta San Pablo D'a Eb' Aj Filipos 1:5

yujto atxo 'a yic e chan Cristo masnto ticnec, junxn̈ej tzon̈ munljec 'a wach' 'ab'x yic colnb'il tic.

A Scarta San Pablo D'a Eb' Aj Filipos 2:22

Palta eyojc xoni, a Timoteo tic, checl xon yaj sb'eyb'al. 'Icha junc 'unnab'il yet' smam, 'ixta tzyutj sb'a 'ayin. Caw tzyac' servil Cajlil wet'oc, yic tzcaln 'el wach' 'ab'x yic colnb'il on̈.

A Scarta San Pablo D'a Eb' Aj Filipos 4:14

Palta ax xo, caw wach' xeyutj e b'a, yujto xeya' cot e colwal 'ayin, yic 'ayn 'och 'a in yailal tic. Ax ticnec, 'icha to ax wan eyab'n syal wet' 'a tic.

A Scarta San Pablo D'a Eb' Aj Filipos 4:15

Ex 'aj Filipos, eyojc xoni, yic in yamn 'och waln 'el wach' 'ab'ix, yic in cot 'a Macedonia, cojn ex colwjnacx 'ayin. Cojn ex eya'jnac 'at in gasto ta'.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

A Scarta San Pablo D'a Eb' Aj Colosas 4:18

An Pablo in tic, caw an tzin tz'ib'j 'at stzatzl e c'ojl. Tzin e na coti, chajtlto preso waj 'a tic. Tzin nib'j tzyac' Dios swach'c'ojlal 'ayx ta'. [Ya' cab'i'.]

A Scarta San Pablo D'a Eb' Aj Colosas 4:3

An̈jtona', tzex leslwi pax cuj on̈, sec 'oj 'och Cajlilec quet' on̈, sec 'oj stac' caln 'el spaxti 'on̈, yet' yab'xil Cristo, atn jun 'ac'b'il cojcoquec 'eli. Ax ticnec, yuj waln 'el yab'xil tic, preso waji.

1 Ts 5:5

Yujto an̈ec tic, sacq'uinl xo yaj qui pixnec, yic on̈c xo c'ual. Yel man̈ q'uic'q'uinloc yaj qui pixnec, man̈ on̈ yico'oc 'ac'wal.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

2 Ti 2:9

Yujn̈ej to tzwal-l jun wach' 'ab'x tic, wan wab'n syal ticnec. Yu'uj 'aych q'uen cadena 'ayin, 'icha to caw 'ajmul in 'a sat ley. Palta ax spaxti Dios, man̈ 'ayc 'och cadena 'a 'icha waj tic.

Filemón 1:13

Xcob' in nib'c can wet' 'a tic, yic tzin ya'n servil. Toto 'ixta', 'icha to ach tzin wul ac' servil 'a yol preso tic. An tic, preso waji, yujn̈ej to tzwal-l wach' 'ab'x yic colnb'il.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

A Sb'ab'el Carta San Pedro 4:13

Palta caw tzalj coyec, yujto junxn̈ej tzon̈ 'ajc cab'n syal yet' Cristo. Toto 'ixta tzcutjec qui b'a, a yic 'oj quilnec sjaw Cristo 'a scal stzictznial, caw 'oj wach' 'ajxc qui tzaljc'ojlalec.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

A Schab'il Carta San Pedro 1:13

Tzin na'a, wach' tzex in jucb'tzej, tzwa'n e na cot jun tzo'n̈ tic, ya' sb'a pitzn in to.

1 Jn 3:14

A 'a yic yalan̈, yic on̈c chamel. Ax ticnec, cojquec to x'ajx qui q'uinlec 'a jun 'ejmn̈ej, yujto 'ay qui chamc'ojlalec 'a eb' quit creyenteal. Toto may qui chamc'ojlal 'a eb', an̈ja yic on̈c to chamel.