Ubutukilo 9:3 - MUKANDA USANDU WA ZAMBI 1975

³ Tushitu eswe akwenda ni mwono kumapwa kulia che, ngwe nakuhele mafwo a wisu chocho ngunakwehe yeswe.

Mukanda Wa Zambi 1970

³ Haliabwila nanwaha tushitu eswe ha kulia, ngwe chize nanuhele mafwo eka ni eka a wisu.

Ubutukilo 9:3 Cross References

A-ROMA 14:14

Ngunanyingika; ngunakunuka muli Mwene Yesu ngwami, Chuma nichimwe chapwa cha luchisa chene: shina kuli yoze machishinginyeka kupwa cha luchisa, kuli yoze hichapwa cha luchisa.

Shimbi 12:15

Chipwe chocho, munuhasa kushiha ni kulia yifwo mu yihunda yenu yeswe, nikulita ni chize munuzanga, nikulita ni chiwape hananwehecho kuli Yehova Zambi yenu; ni mutu wa luchisa ni mutu mupema mahasa kulia, ngwe kai ni kapaji.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.

1 Korintu 10:23

Kuli yami yuma yeswe yinalite ni shimbi; alioze yuma yeswe kuyishi kufumbula; yuma yeswe yinalite ni shimbi hali yami; alioze yuma yeswe kuyishi kukolesa.

A-ROMA 14:3

Yoze wakuli a, kanda alelesa yoze keshi kulia; ni yoze keshi kulia kanda apatwila yoze wakulia, mumu Zambi hanamutambula.

Alevi 22:8

Kashitu yoze walifwila, hanji hanamupapulula kuli tushitu, kanda amulia kulichisa nenyi. Yami Yehova.

A-ROMA 14:20

Kanda nukonwona chitanga cha Zambi mumu ha kulia. Yuma yeswe chamwenemwene yipema; alioze muyipwa yipi kuli mutu yoze malia ni chihukanyiso.

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

Ubutukilo 9:2

Woma wa yenu ni mwongo wa yenu muukakwata tushitu eswe a hashi, ni tujila eswe a mu tetela, ni akwa kukalala eswe, ni yishi eswe a mu kalunga-lwiji. Eswe mu kwoko lie naakunjika.