ᕕᓕᐱᔨᓐ 3:9 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁹ ᑭᔮᐦ ᒫᒃ ᑖᑆᐦ ᐐᔨ ᐋᐦ ᑖᑦ ᒑ ᒌ ᐄᔑ ᑎᐹᔨᐦᑖᑯᓯᔮᓐ᙮ ᓂᒧᐃ ᔖᔥ ᓂᑎᐄᑖᔨᐦᑖᓐ ᐋ ᑯᐃᔅᑯᑖᑎᓯᔮᓐ ᒥᒄ ᐊᓐ ᐋ ᓂᓃᐦᑎᒫᓐ ᐐᔓᐙᐎᓐ, ᐙᔥ ᐋ ᑖᑆᔮᔨᒥᒃ ᙭᙮ ᐋᐅᒄ ᐆ ᒋᔖᒥᓂᑑ ᐋᐦ ᑖᑦ ᑳ ᐅᐦᒋᐱᔨᐦᒡ᙮ ᒥᒄ ᑖᑆᔮᔨᐦᑎᒧᐎᓂᐦᒡ ᐅᐦᒋ ᐃᔮᐤ ᐊᐙᓐ ᐅᔮᔨᐤ ᑯᐃᔅᑯᑖᑎᓰᐎᓂᔨᐤ᙮

ᕕᓕᐱᔨᓐ 3:9 Cross References

ᒫᔪᐦᐧᑖᑦ ᒫᕠᔫ 9:13

ᐐᐦ ᓂᔅᑐᐦᑎᒧᒄ ᒫᐦ ᐊᓂᑖᐦ ᒋᐦᒋᒥᓯᓂᐦᐄᑭᓂᐦᒡ ᑳᐦ ᐄᑎᔥᑖᒡ, ‘ᒋᔅᑎᒫᒑᐦᔨᒋᒑᐎᓐ ᒑ ᒌᐦ ᐃᔮᔮᒄ ᐋᐅᒄ ᓈᑐᐙᔨᐦᑎᒫᓐ, ᓂᒧᐃ ᐐᐦ ᐋ ᒥᒋᔥᑎᐦᐋᒫᓂᐐᒡ ᒑᒀᓐ᙮’ ᓂᒌᑎᑯᔑᓐ ᒑ ᒌ ᓂᑐᒥᒀᐤ ᐅᒥᒋᐦᑣᐅᒡ ᒑ ᒌᐦ ᒀᔅᑳᑎᓰᔨᒡ᙮ ᓂᒥᔮᐅᒡ ᐊᓂᒌ ᑳ ᑯᐃᔅᑯᑖᑎᓰᔨᒡ᙮”

ᐧᕌᒥᓐ 1:17

ᐋᑯᑖᐦ ᑭᔮᐦ ᒥᔻᒋᒧᐎᓂᐦᒡ ᐙᐦᒋ ᒋᔅᒑᔨᐦᑎᒥᐦᐄᑭᐎᔨᐦᒄ ᑖᓂᑖᐦ ᐙᐦᒋ ᑯᐃᔅᑯᓈᑯᐦᐋᑦ ᒋᔖᒥᓂᑑ ᐊᐙᔨᐤᐦ ᐐᔨ ᐄᔑ ᐋᐦ ᑖᑦ᙮ ᐋ ᑖᑆᔮᔨᒫᑦ ᐊᐙᓐ ᒌᓴᔅᐦ ᐋᑯᑖᐦ ᒥᒄ ᐙᐦᒋ ᑯᐃᔅᑯᓈᑯᐦᐋᑭᓅᑦ ᒋᔖᒥᓂᑑ ᐄᔑ ᐋᐦ ᑖᔨᒡ᙮ ᐊᓐ ᑖᑆᔮᔨᐦᑎᒧᐎᓂᔨᐤ ᐱᒫᒋᐦᐄᑰ ᐊᐙᓐ, ᑭᔮᐦ ᐋᔪᐎᒄ ᐅᔮᔨᐤ ᒑ ᒌᐙᐦᑎᐦᐄᑯᑦ᙮ ᒧᔮᒻ ᐋᑎᔥᑖᒡ ᒋᐦᒋᒥᓯᓂᐦᐄᑭᓂᐦᒡ, ᐊᓐ ᑳ ᑯᐃᔅᑯᑖᑎᓰᑦ, ᑖᑆᔮᔨᐦᑎᒧᐎᓂᐦᒡ ᐅᐦᒋ ᐋᐅᒄ ᒑ ᐱᒫᑎᓰᑦ᙮

ᐧᕌᒥᓐ 10:10

ᐙᔥ ᐅᑖᐦᐄᒡ ᑖᑆᐦᑎᒻ ᐊᐙᓐ ᐅᐦᒋ, ᐅᑯᐃᔅᑯᑖᑎᓰᐤ ᒑ ᐄᔑ ᑭᓂᐙᐱᒥᑯᑦ ᒋᔖᒥᓂᑑ᙮ ᒧᔖ ᐋ ᐐᐦᑎᐦᒃ ᐊᐙᓐ ᙭ ᐋ ᑎᐹᔨᐦᒋᒑᓯᐎᔨᒡ ᐋᑯᑖᐦ ᐙᐦᒋ ᐱᒫᒋᐦᐄᑯᑦ ᒋᔖᒥᓂᑑ᙮

ᐧᕌᒥᓐ 16:7

ᑭᔮᐦ ᐊᓂᒌ ᓂᐙᐦᑯᒫᑭᓂᒡ ᐊᓐᑦᕎᓂᑭᔅ ᑭᔮᐦ ᒫᒃ ᒍᓂᔮᔅ ᓂᐙᒋᔮᒫᐅᒡ᙮ ᐋᑯᑖᐦ ᑭᔮᐦ ᐐᔨᐙᐤ ᑳᐦ ᑖᒡ ᒫᒀᒡ ᒋᐱᐦᐅᑑᑭᒥᑯᐦᒡ ᑳ ᑖᐅᒡ᙮ ᓈᔥᒡ ᒥᔪ ᒋᔅᑖᔨᒥᑰᐎᒡ ᑯᑎᒃ ᐋᑆᔅᑎᓪᐦ᙮ ᐐᔨᐙᐤ ᓃᔥᑎᒻ ᒌ ᑖᑆᔮᔨᒫᐅᒡ ᙭ ᐋᒸᔮ ᐅᐦᒋ ᑖᑆᔮᔨᒥᒡ ᓃᔨ᙮

ᐧᕌᒥᓐ 5:21

ᑖᑆᐦ ᑭᔨᑆ ᓲᐦᒋᐱᔨᐤ ᒥᒋᐦᑣᐎᓐ᙮ ᐙᔥ ᒥᑐᓐ ᑎᐹᔨᒥᑰᐎᒡ ᐄᔨᔨᐅᒡ ᐋᔪᐎᒄ ᒫᒃ ᐙᐦᒋ ᐄᑖᔨᐦᑖᑯᓃᔨᒡ ᒑ ᒌ ᐴᓂᐱᒫᑎᓰᔨᒡ᙮ ᒥᒄ ᒫᒃ ᒋᔖᒥᓂᑑ ᐅᒋᔖᐙᑎᓰᐎᓐ ᓲᐦᒑᔨᐦᑖᑯᓂᔨᐤ᙮ ᐅᑯᐃᔅᑯᑖᑎᓰᐎᒡ ᒋᑎ ᐄᔑ ᑭᓂᐙᐱᒥᑯᓂᐤ ᐊᓂᔮᔨᐤ ᐅᐦᒋ ᑖᓐ ᑳ ᐄᔑ ᑐᑎᒫᑎᐦᒄ ᒌᓴᔅ ᙭ ᒋᑎᐹᔨᐦᒋᒑᓰᒥᓂᐤ᙮ ᐋᑯᑖᐦ ᒫᒃ ᒥᓯᐙ ᒑ ᒌ ᐅᐦᒋ ᐃᔮᐅᐦᒄ ᑳᒋᒡ ᐱᒫᑎᓰᐎᓂᔨᐤ᙮

ᐧᕌᒥᓐ 8:1

ᓂᒧᐃ ᔖᔥ ᑎᑯᓐ ᐊᓂᑎᐦ ᒑ ᐅᐦᒋ ᓂᔑᐎᓈᒋᒥᑯᒡ ᐊᓂᒌ ᐄᔨᔨᐅᒡ ᙭ ᒌᓴᔅ ᑳ ᐐᒑᐙᒡ᙮

ᐧᕌᒥᓐ 8:3

ᐆ ᐐᔓᐙᐎᓐ ᓂᒧᐃ ᑰᐦᒋ ᐱᒫᒋᐦᐄᑯᓈᓂᐤ ᐅᐦᒋ ᐙᔥ ᒋᔮᓂᐤ ᐄᔨᔨᐅᒡ ᓈᔥᒡ ᐊᐦᐋᑳ ᓵᐲᒡ ᑭᔮᐦ ᓂᒧᐃ ᑖᑭᔥ ᑰ ᒌ ᓂᓃᐦᑖᓈᓂᐤ ᐐᔓᐙᐎᓐ᙮ ᒥᒄ ᒫᒃ ᒋᔖᒥᓂᑑ ᒌᐦ ᑐᑎᒻ ᐊᓂᔮᔨᐤ ᐋᐦᐋᑳ ᐅᐦᒋ ᒌᐦ ᐄᑖᐱᑎᓰᒥᑭᓃᒡ ᐊᓂᔮᔨᐤ ᐐᔓᐙᐎᓐ᙮ ᑳ ᐹᒋ ᐄᑎᔑᐦᐙᑦ ᐅᑯᓯᔅᐦ, ᒨᔮᒻ ᒌᔮᓂᐤ ᐋᒥᒋᐦᑣᐦᔨᐦᒄ ᐋ ᐃᓯᓈᑯᓲᐦᒄ ᒑ ᒌ ᐄᔑᓈᑯᓯᒡ᙮ ᒌ ᐹᒋ ᐄᑎᔑᐦᐙᐤ ᒑ ᒌ ᓂᐴᔅᑏᒫᑏᑖᐦᒄ ᒑ ᒌ ᐱᒋᔅᑏᓂᒑᓲᐐᒡ ᐅᐦᒋ ᐊᓂᔮᔨᐤ ᒋᒥᒋᐦᑣᐎᓂᐤ᙮ ᐋᑯᑎᐦ ᒫᒃ ᑳ ᐅᐦᒋ ᐄᔮᔨᐆᐦᑖᑦ ᐊᓂᔮᔨᐤ ᑳ ᐅᐦᒋ ᑎᐹᔨᒥᑰᐦᒃ ᒫᒋᐦᑣᐎᓂᔨᐤ᙮

ᓃᔥᑎᒻ ᑯᕆᓐᕠᔨᓐ 1:30

ᐐᔨ ᒋᔖᒥᓂᑑ ᒌ ᓂᐦᐄᐱᔨᐦᑖᐤ ᒑ ᒌ ᐐᒑᒥᒥᐦᒄ ᙭ ᒌᓴᔅ᙮ ᒌᓴᔅ ᒫᒃ ᐋᐦ ᑖᑦ ᐅᐦᒋ ᐋᑯᑖᐦ ᐙᐦᒋ ᐃᔮᔨᐦᒄ ᑭᒑᐦᑖᐙᔨᐦᑎᒧᐎᓐ, ᑭᔮᐦ ᑯᐃᔅᑯᑖᑎᓰᐎᓐ, ᑭᔮᐦ ᐱᔮᐦᒋ ᐱᒫᑎᓰᐎᓐ, ᑭᔮᐦ ᒫᒃ ᐱᒫᒋᐦᐄᑯᓯᐎᓐ᙮

ᓃᔓ ᑯᕆᓐᕠᔨᓐ 5:17

ᐄᔥᐱᐦ ᙭ ᐋᐦ ᑖᔨᒡ ᐋ ᐄᔑ ᑎᐹᔨᐦᑖᑯᓯᑦ ᐊᐙᓐ ᒥᑐᓐ ᐅᔥᒋᐦᑖᑭᓂᐎᔨᐤ ᐅᐱᒫᑎᓰᐎᓐ᙮ ᑖᓐ ᑳ ᐄᑖᔨᐦᑖᑯᓯᑦ ᐙᔥᑭᒡ ᔖᔥ ᒥᔮᐅᐱᔨᔨᐤ᙮ ᒥᓯᐙ ᒌ ᐄᔑ ᐅᔅᒋᐦᐋᑭᓂᐤ ᐅᐱᒫᑎᓰᐎᓂᐦᒡ᙮

ᓃᔓ ᑯᕆᓐᕠᔨᓐ 5:21

ᐋᑦ ᒫᒃ ᐋᐦᐋᑳ ᓂᐦᑖ ᐅᐦᒋ ᒥᒋᐦᑐᑎᐦᒃ ᙭, ᒋᔖᒥᓂᑑ ᒌ ᑐᑖᑰ ᒧᔮᒻ ᐅᒥᒋᐦᑣᐤ ᒑ ᒌ ᐃᓯᓈᑯᓯᑦ ᒌᔮᓂᐤ ᐅᐦᒋ ᐊᓂᑎᐦ ᒑ ᐅᐦᒋ ᐐᒌᐦᐄᑯᔨᐦᒄ᙮ ᐋᒄ ᒫᒃ ᙭ ᐐᒑᐅᐦᒀ, ᐅᑯᐃᔅᑯᑖᑎᓰᐎᒡ ᒋᑭ ᐄᔑ ᑭᓂᐙᐱᒥᑯᓂᐤ ᒋᔖᒥᓂᑑ᙮

ᑳᓓᔑᔨᓐ 2:16

ᐊᔮᐱᒡ ᒫᒃ ᓂᒋᔅᒑᔨᐦᑖᓈᓐ ᐋ ᑖᑆᔮᔨᒫᑦ ᐊᐙᓐ ᙭ ᒌᓴᔅ ᐋᑯᑖᐦ ᐙᐦᒋ ᐅᑯᐃᔅᑯᑖᑎᓰᐤ ᐄᔑ ᑭᓂᐙᐱᒥᑯᑦ ᒋᔖᒥᓂᑑ, ᓂᒧᐃ ᐐ ᐊᓂᔮᔨᐤ ᐅᐦᒋ ᐋ ᓂᓃᐦᑎᐦᒃ ᐐᔓᐙᐎᓐᐦ᙮ ᐋᒄ ᒫᒃ ᑭᔮᐦ ᓃᔮᓐ ᑎᔮᑆᔮᔨᒥᒋᐦᑦ ᙭ ᒌᓴᔅ, ᐋ ᑖᑆᔮᔨᒥᒋᐦᑦ ᒫᒃ ᙭ ᐋᑯᑖᐦ ᐙᐦᒋ ᐅᑯᐃᔅᑯᑖᑎᓰᐎᒡ ᐄᔑ ᑭᓂᐙᐱᒥᔨᒥᐦᑦ ᒋᔖᒥᓂᑑ᙮ ᓂᒧᐃ ᐐᔨ ᐊᓐ ᐋ ᓂᓂᐦᐄᐦᑎᒫᐦᒡ ᒎᐤ ᐊᔨᒥᐦᐋᐤ ᐐᔓᐙᐎᓐ ᐙᐦᒋ ᐄᔑ ᑭᓂᐙᐱᒥᔨᒥᐦᑦ ᐅᔮᔨᐤ᙮ ᑖᐹ ᐊᐙᓐ ᐅᑯᐃᔅᑯᑖᑎᓰᐤ ᒋᑭ ᐅᐦᒋ ᐄᔑ ᑭᓂᐙᐱᒥᑰ ᒋᔖᒥᓂᑑ ᒥᒄ ᐊᓂᔮᔨᐤ ᐋ ᓂᓃᐦᑎᐦᒃ ᒎᐤ ᐊᔨᒥᐦᐋᐤ ᐐᔓᐙᐎᓐ᙮

ᕕᓕᐱᔨᓐ 3:6

ᑳ ᐃᔥᐱᔥ ᐋᔑᐦᒑᔨᐦᑎᒫᓐ ᐋ ᐐᐦ ᓃᐦᐄᐙᐦᐄᒃ ᒋᔖᒥᓂᑑ ᑖᓐ ᐋ ᐄᔑ ᐎᔨᔥᑖᒡ ᐐᔓᐙᐎᓂᐦᒡ, ᓂᒌ ᓂᓈᐦᑳᒋᐦᐋᐅᒡ ᐅᒫᒨᐊᔨᒥᐦᐋᐅᒡ᙮ ᒥᑐᓐ ᓂᒌ ᓂᓂᐦᐄᐦᑎᓐ ᐐᔓᐙᐎᓐ᙮ ᓂᒧᐃ ᐊᐙᓐ ᓂᐱᐦ ᐅᐦᒌ ᐄᑎᒄ ᐋᐦᐋᑳ ᒥᓯᐙ ᐅᐦᒋ ᓂᓃᐦᑎᒫᓐ ᐐᔓᐙᐎᓐ᙮

ᓃᔓ ᑎᒧᕢ 1:9

ᒋᔖᒥᓂᑑ ᒋᒌ ᐱᒫᒋᐦᐄᑯᓂᐤ ᑭᔮᐦ ᒋᒌ ᑖᑆᑎᑯᓂᐤ ᒑ ᒌ ᐱᔮᐦᒋᓰᐅᒄ ᐋ ᐅᑏᔨᔨᒥᑖᑎᐦᒄ᙮ ᓂᒥᔮᔨᐤ ᐐᔨ ᐊᓂᔮᔨᐤ ᑖᓐ ᑳ ᐄᔑ ᐋᐱᑎᔒᔥᑑᒄ ᐙᐦᒋ ᑐᑖᑎᐦᒄ ᐅᔮᔨᐤ᙮ ᐋᔥᒄ ᐋᒸᔮ ᐅᐦᒋ ᑎᑯᓃᔨᒡ ᐅᔮᔨᐤ ᐊᔅᒌᔨᐤ ᔖᔥ ᒌ ᐎᔮᔨᐦᑎᒻ ᐅᔮᔨᐤ ᒑ ᑐᑖᑎᐦᒄ ᒋᔖᒥᓂᑑ᙮ ᒋᒌ ᐐᐦ ᐙᐱᐦᑎᔨᑯᓂᐤ ᐅᒋᔖᐙᑎᓰᐎᓐ ᙭ ᒌᓴᔅᐦ ᐋᐦ ᑖᔨᒡ ᐅᐦᒋ᙮

ᑖᐃᑎᔅ 3:5

ᒋᒌ ᐱᒫᒋᐦᐄᑯᓂᐤ᙮ ᓂᒧᐃ ᐐ ᑖᓐ ᑳ ᐄᔑ ᒥᔪᑑᑎᒥᐦᒄ ᑰᐦᒋ ᐱᒫᒋᐦᐄᑯᓂᐤ, ᒥᒄ ᐊᓂᔮᔨᐤ ᒋᔖᒥᓂᑑ ᐋ ᒌ ᒋᔅᑎᒫᒑᔨᒥᑎᐦᒄ ᐋᑯᑖᐦ ᑳ ᐅᐦᒋ ᐱᒫᒋᐦᐄᑎᐦᒄ᙮ ᑳ ᐱᔮᐦᒋᓰᑦ ᐊᐦᒑᐦᒄ ᐅᐦᒋ ᒋᒌ ᐱᔮᐦᒋᐦᐄᑯᓂᐤ ᑭᔮᐦ ᒦᓐ ᒋᒌ ᐅᔅᒋᐦᐄᑯᓂᐤ, ᒑ ᒌ ᐃᔮᐦᐆᐦᒄ ᐋᐅᔅᑳᔨᒡ ᐱᒫᑎᓰᐎᓂᔨᐤ᙮

ᐦᐄᑉᕉ 6:18

ᐙᔥ ᓃᔣ ᑳ ᐦᐄᑦ ᒑᔅᑎᓈᔅ ᒑ ᒋᓵᐙᑐᑖᐙᑦ ᐅᑎᔨᔨᒻᐦ, ᐋᔪᐎᒄ ᐊᓂᔮᔨᐤ ᒑ ᑐᑎᒧᐙᑦ, ᓂᒧᐃ ᑭᔮᐦ ᒋᑭ ᒌ ᐋᐦᒋᑖᑭᓅᔨᐤ᙮ ᓂᒧᐃ ᒋᑭ ᒌ ᓂᑎᔨᐤ ᒋᔖᒥᓂᑑ᙮ ᐋᒄ ᒫᒃ ᐄᔥᐱᐦ ᓂᑖᔑᒧᔅᑐᐦᒀ ᒑ ᒌ ᐱᒫᒋᐦᐄᑎᐦᒄ, ᒑ ᔮᔨᑎᐦᒡ ᒋᑎᔅᐹᔨᒧᐎᓂᐤ ᐋ ᒑᔥᑎᓈᑖᔨᐦᑎᒥᐦᒄ ᑖᓐ ᑳ ᐄᔑ ᒋᐦᒋ ᓂᔅᑯᒧᑦ᙮

ᒉᒥᔅ ᒉᒥᔅ ᐅᒥᓯᓂᐦᐋᒫᒑᐧᐃᓐ 3:2

ᒥᓯᐙ ᐊᐙᓐ ᒥᐦᒑᑣᐤ ᐎᓂᑐᑎᒻ᙮ ᐊᓐ ᐊᐙᓐ ᐋᑳ ᓂᐦᑖ ᐎᓂᑐᑎᐦᒃ ᑖᓐ ᐋᐦ ᐃᔨᑦ ᓂᒧᐃ ᑎᑯᓂᔨᐤ ᒥᒑᑎᓰᐎᓂᔨᐤ ᒑ ᒌ ᐄᔑ ᐊᑖᒫᔨᐦᑖᑯᓯᑦ, ᑭᔮᐦ ᒌᐦ ᑐᑎᒻ ᒑ ᒌ ᓂᓈᑳᑎᐙᔨᐦᑎᐦᒃ ᒥᓯᐙ ᑖᓐ ᐋᑎ ᐃᐦᑎᒃ᙮

ᓃᔓ ᐲᑎᕐ 1:1

ᓃᔨ ᓵᐃᒥᓐ ᐲᑎᕐ᙮ ᒌᓴᔅ ᙭ ᓂᑖᐱᑎᔒᔥᑎᐙᐤ, ᐐᔨ ᓂᒌ ᐅᐙᔮᐱᒥᒄ ᐋᑆᔅᑎᓪ ᒑ ᒌ ᐄᑖᐱᑎᓯᐎᒡ᙮ ᒋᒥᓯᓂᐦᐋᒫᑎᓈᐙᐤ ᒌᔨᐙᐤ ᑳ ᐃᔮᔮᒄ ᑳ ᒋᔅᑎᒫᐙᔮᔨᐦᑖᑰᐦᒡ ᑖᑆᔮᔨᐦᑎᒧᐎᓐ ᒧᔮᒻ ᐋ ᐄᑖᔨᐦᑖᑯᐦᒡ ᐊᓐ ᓃᔮᓐ ᐃᔮᔮᐦᒡ, ᐋᔪᐎᒄ ᐅᔮᔨᐤ ᒋᔖᒥᓂᑑ ᒋᐱᒫᒌᐦᐄᐙᓯᒥᓂᐤ ᒌᓴᔅ ᙭ ᐆ ᑯᐃᔅᑯᑖᑎᓰᐎᓐ ᑳ ᒥᔨᑎᐦᒄ ᐅᐦᒋ᙮

ᓃᔥᑎᒻ ᐧᒑᓐ 3:4

ᒥᓯᐙ ᐊᐙᓐ ᑳ ᒥᒋᐦᑐᑎᐦᒃ, ᐲᑯᓂᒸᐤ ᒋᔖᒥᓂᑑᐦ ᐅᐐᔓᐙᐎᓂᔨᐤᐦ᙮ ᐙᔥ ᐋ ᒥᒌᐦᑐᑖᑭᓂᐎᒡ ᐲᑯᓂᑭᓂᐤ ᐐᔓᐙᐎᓐ᙮