ᕕᓕᐱᔨᓐ 1:9 - ᒋᐦᒋᒥᓯᓂᐦᐄᑭᓐ ᑳ ᐅᔅᑳᒡ ᑎᔅᑎᒥᓐᑦ : ᐋᑎᒫᐲᓯᒽ ᐋᔨᒳᐃᓐ ᐋ ᐃᔑ ᐄᐧᑖᔅᑎᒫᑖᑭᓄᐧᐃᒡ

⁹ ᒋᑎᔨᒥᐦᐋᔥᑎᒫᑎᓈᐙᐤ ᐊᑎᑎᐤ ᒑ ᒌ ᐃᔮᔮᒄ ᒥᔥᑏᐦ ᓵᒋᐦᐄᐙᐎᓐ ᑭᔮᐦ ᒋᔅᒑᔨᐦᑎᒧᐎᓐ ᑭᔮᐦ ᒥᔪ ᓂᔅᑑᐦᑎᒧᓐ

ᕕᓕᐱᔨᓐ 1:9 Cross References

ᓃᔥᑎᒻ ᑯᕆᓐᕠᔨᓐ 14:20

ᓃᒋᔖᓂᑎᒄ, ᐊᑳᐐ ᐊᐙᔑᔑᐦᒡ ᐄᔑ ᒫᒥᑐᓈᔨᐦᑎᒧᒄ᙮ ᒧᔮᒻ ᐊᐱᔥᑎᐙᔑᔑᒡ ᐋ ᐄᑖᔨᐦᑖᑯᓯᒡ ᐋᐦᐋᑳ ᒋᔅᒑᔨᐦᑎᐦᒡ ᐋ ᐄᑖᔨᐦᑖᑯᓃᔨᒡ ᒥᒋᐦᑐᑎᒧᐎᓂᔨᐤ ᐋᐅᒄ ᒧᔮᒻ ᑭᔮᐦ ᒌᔨᐙᐤ ᒋᐱᐦ ᐄᑖᔨᐦᑖᑯᓯᓈᐙᐤ᙮ ᒥᒄ ᒫᒃ ᔖᔥ ᐋ ᒌᔥ ᓂᐦᑖᐅᒋᑦ ᐊᐙᓐ ᐋᐅᒄ ᒋᐱᐦ ᐄᔑ ᒫᒥᑐᓈᔨᐦᑖᓈᐙᐤ,

ᓃᔓ ᑯᕆᓐᕠᔨᓐ 8:7

ᒥᓯᐙ ᒑᒀᓐ ᓈᔥᑖᑆᐦ ᒋᑭᔅᒋᐦᐅᓈᐙᐤ᙮ ᓲᐦᒑᔨᐦᑖᑯᓐ ᒌ ᑖᑆᐦᑎᒧᐎᓂᐙᐤ᙮ ᒋᑭᔅᒋᐦᐅᓈᐙᐤ ᐋᐦ ᐋᔨᒨᑎᒫᒄ᙮ ᒥᔥᑏᐦ ᒋᒋᔅᒑᔨᐦᑎᒸᓈᐙᐤ᙮ ᓈᔥᑖᑆᐦ ᓲᐦᒃ ᒋᑎᐄᑖᔨᐦᑎᓈᐙᐤ ᒑ ᒌ ᐄᒋᐦᐋᑯᒡ ᑯᑎᑭᒡ ᐄᔨᔨᐅᒡ ᑭᔮᐦ ᒫᒃ ᓈᔥᑖᑆᐦ ᒌ ᓵᒋᐦᐄᓈᓐ᙮ ᒋᐱᐦ ᐐᐦ ᒥᔪ ᒥᔨᐙᓈᐙᐤ ᒫᒃ᙮

ᐄᕕᓰᔨᓐ 5:17

ᐊᑳᐐ ᒫᒃ ᒌᔥᒀᐱᒫᑎᓰᒄ᙮ ᑎᔨᑯᒡ ᓲᐦᒃ ᐐᐦ ᓂᔅᑐᐦᑎᒸᒄ ᑎᐹᔨᐦᒋᒑᓯᐤ ᐅᑎᑖᔨᐦᑎᒧᐎᓐ᙮

ᑯᐧᓛᓯᔨᓐ 1:9

ᐄᔅᑉ ᒫᒃ ᑳ ᐹᒋ ᐄᑖᒋᒧᔥᑎᐎᔨᒥᐦᑦ ᐁᐹᕝᕌᔅ ᒌᔨᐙᐤ ᐅᐦᒋ, ᓂᒧᐃ ᓂᐴᓃᓈᓐ ᐋ ᐊᔨᒥᐦᐋᔥᑎᒫᑖᐦᒡ᙮ ᒨᔥ ᓂᓂᑐᑎᒧᐙᓈᓐ ᒋᔖᒥᓂᑑ ᒥᑐᓐ ᒑ ᒌ ᒋᔅᒑᔨᐦᑎᒸᒄ ᐅᑎᑖᔨᐦᑎᒧᐎᓐ᙮ ᒥᑐᓐ ᒑ ᒌ ᐃᔮᔮᒄ ᑭᒑᐦᑖᐙᔨᐦᑎᒧᐎᓐ ᑭᔮᐦ ᒫᒃ ᓂᔅᑐᐦᑎᒧᐎᓐ ᑖᓂᔮᔨᐤ ᐋ ᐄᔑ ᒥᔨᐙᑦ ᐱᔮᐦᒋ ᐊᐦᒑᐦᒄ ᐋᑎ ᒑ ᒌ ᐅᐦᒋ ᒋᔅᒑᔨᐦᑎᒸᒄ ᒋᔖᒥᓂᑑ ᐅᑎᑖᔨᐦᑎᒧᐎᓐ,

ᑯᐧᓛᓯᔨᓐ 3:10

ᑭᔮᐦ ᒫᒃ ᒥᑐᓐ ᐃᔨᐦᒡ ᔖᔥ ᒋᑎ ᐄᔑ ᐱᒫᑎᓰᓈᐙᐤ᙮ ᓈᓈᓂᒌᒻ ᒋᒌ ᒥᔨᑯᓈᐙᐤ ᐋ ᐅᔅᑳᒡ ᐄᑖᔨᐦᑎᒧᐎᓐ ᒋᔖᒥᓂᑑ ᐅᐦᒋ, ᐊᓂᑎᐦ ᒑ ᒌ ᐋᑎ ᐅᔅᒋᐦᐄᑳᐎᔮᒄ ᒋᒥᑐᓈᔨᐦᒋᑭᓂᐙᒡ ᒑ ᒌ ᐊᑎᑎᐤ ᓂᔅᐱᑐᐙᒄ ᒋᔖᒥᓂᑑ ᑭᔮᐦ ᒑ ᒌ ᒥᔪᒋᔅᒑᔨᒫᒄ ᐊᓐ ᑳ ᐅᔑᐦᐄᑖᒄ᙮

ᓃᔥᑎᒻ ᕞᓵᐧᓛᓃᔨᓐ 3:12

ᓂᓂᑐᑎᒧᐙᓈᓐ ᑎᐹᔨᐦᒋᒑᓯᐤ ᒑ ᒌ ᑐᑖᑖᒄ ᐋᔮᔅᒃ ᐊᑎᑎᐤ ᒥᔥᑎᐦ ᒑ ᒌ ᓵᒋᐦᐄᑐᐙᒄ ᑭᔮᐦ ᑯᑎᒃ ᐊᐙᔨᐤᐦ ᒑ ᒌ ᓵᒋᐦᐄᒫᒄ, ᒑ ᒌ ᐋᑎ ᐃᔥᐱᔥ ᓵᒋᐦᐄᑐᔮᒄ ᑭᔮᐦ ᒑ ᒌ ᐋᑎ ᐃᔥᐱᔥ ᓵᒋᐦᐋᐦᑯᒡ ᑯᑎᑭᒡ ᐄᔨᔨᐅᒡ ᒧᔮᒻ ᓃᔮᓐ ᐋ ᐃᔥᐱᔥ ᓵᒋᐦᐄᑖᐦᒡ᙮

ᓃᔥᑎᒻ ᕞᓵᐧᓛᓃᔨᓐ 4:1

ᒫᐦᒑᔨ ᒫᒃ ᓃᒋᔖᓂᑎᒄ, ᒋᒌ ᒋᔅᑯᑎᒫᑎᓈᓐ ᑖᓐ ᒑ ᐄᔑ ᐱᒫᑎᓰᐙᑯᐱᓈ ᒑ ᒌ ᓂᐦᐋᔨᐦᑎᒥᐦᐙᒄ ᒋᔖᒥᓂᑑ᙮ ᐋᐅᒄ ᒫᒃ ᑖᑆᐦ ᐋ ᐄᔑ ᐱᒫᑎᓰᔮᒄ᙮ ᒋᐱᑯᓵᔨᒥᑎᓈᓐ ᒫᒃ ᑭᔮᐦ ᒋᔒᐦᒋᒥᑎᓈᓐ ᓲᐦᒃ ᐊᑎᑎᐤ ᐆ ᒑ ᒌᐦ ᑎᔮᒄ ᐋ ᓅᔔᔥᑯᐙᒄ ᑭᔮᐦ ᒌᔨᐙᐤ ᑎᐹᔨᐦᒋᒑᓯᐤ ᒌᓴᔅ᙮

ᓃᔓ ᕞᓵᐧᓛᓃᔨᓐ 1:3

ᓃᒋᔖᓈᓂᒡ, ᐄᑖᔨᐦᑖᑯᓐ ᒨᔥ ᒑ ᒌ ᓂᓈᔅᑯᒥᒋᐦᑦ ᒋᔖᒥᓂᑑ ᒌᔨᐙᐤ ᐅᐦᒋ, ᐙᔥ ᐊᑎᑎᐤ ᒋᑎ ᐋᑎ ᑖᑆᐅᒑᔨᒫᐙᐤ ᙭ ᑭᔮᐦ ᒫᒃ ᐋᔮᔅᒃ ᐊᑎᑎᐤ ᒋᓵᒋᐦᐄᑐᓈᐙᐤ᙮

ᕙᐃᓖᒥᓐ 1:6

ᓂᓂᑐᑎᒫᓐ ᐊᓂᔮᔨᐤ ᐋᐦ ᐋᑎ ᐋᔨᒨᑎᒨᐧᑖᐤ ᐄᔨᔨᐅᒡ ᑖᓐ ᐋ ᐄᔑ ᑖᐧᐹᐦᑎᒥᓐ ᒑ ᒌ ᓂᔅᑑᐦᑎᒫᐦᒄ ᐊᓂᔮᔨᐤ ᒥᔪ ᒦᐧᐋᐧᐃᓐ ᒋᔖᒥᓂᑑ ᒫᐄᑎᐦᒄ ᙭ ᐅᐦᒋ᙮

ᐦᐄᑉᕉ 5:14

ᐙᔥ ᐊᓂᔮᔨᐤ ᐎᔮᓯᔨᐤ ᐋᔪᐎᒄ ᒫᐦᒋᒡ ᐊᓂᒌ ᑳ ᒋᔖᐄᔨᔨᐙᔨᐦᑎᐦᒡ᙮ ᐊᓐ ᒫᒃ ᐊᐙᓐ ᒨᔥ ᒦᔮᒥᑐᓈᔨᐦᑎᒸᑦ ᒋᔖᒥᓂᑑ ᐅᑎᔨᒧᐎᓂᔨᐤᐦ, ᐋᑯᑎᐦ ᐙᐦᒋ ᒋᔅᑯᑎᒨᐙᑭᓅᑦ ᒑ ᒌ ᓂᓯᑐᓂᐦᒃ ᑖᓂᑎ ᐊᔨᐦᒡ ᐋᓰᓈᑰᓃᔨᒡ ᐋᒦᔻᔒᒡ ᑭᔮᐦ ᐊᓂᔮᔨᐤ ᒦᔮᔮᑎᓃᔨᒡ᙮

ᓃᔥᑎᒻ ᐲᑎᕐ 1:22

ᐋ ᒌ ᐱᔮᐦᒋᐦᐄᓲᔮᒄ ᐊᓐ ᐅᐦᒋ ᐋ ᓂᓂᐦᐄᐦᑎᒫᒄ ᑖᑆᐎᓐ ᒋᐦᒋᐙ ᒫᒃ ᒑ ᓵᒋᐦᐋᐦᑯᒡ ᒌᒋᔖᓂᐙᐅᒡ, ᓲᐦᒃ ᓵᒋᐦᐄᑐᒃ ᒥᓯᐙ ᒋᑖᐦᐄᐙᐦᒡ ᐅᐦᒋ᙮

ᓃᔓ ᐲᑎᕐ 3:18

ᓲᐦᒃ ᐊᑎᑎᐤ ᐐᐦ ᐄᔑ ᓂᐦᑖᐅᒋᒄ ᐅᒥᔪᐦᑳᒑᐎᓂᐦᒡ ᒋᑎᐹᔨᐦᒋᒑᓰᒥᓂᐤ ᑭᔮᐦ ᒌ ᐱᒫᒋᐦᐄᐙᓯᒥᓂᐤ ᒌᓴᔅ ᙭, ᑭᔮᐦ ᓲᐦᒃ ᐊᑎᑎᐤ ᐐᐦ ᒋᔅᒑᔨᒫᐦᒄ ᒌ ᐱᒫᑎᓰᐎᓂᐙᐦᒡ᙮ ᐐᔨ ᒫᒃ ᒋᐱᐦ ᒋᔅᑖᔨᐦᑖᑯᐦᐋᑭᓂᐤ ᐊᓅᐦᒡ ᑭᔮᐦ ᒨᔥ ᑳᒋᒡ᙮ ᐋᒥᓐ᙮